በዘውዲቱ ሆስፒታል እንቅርት ለማውጣት ሆድ የቀደዱት ሐኪም ከሥራና ከደመወዝ ታገዱ

ጤናማ ሆዷን ተቀዳ የተሰፋችው ወጣት የቁስሉ ጥዝጣዜ እንዳስቸገራት ተናገረች

fr1668አንገት ላይ በማበጥ የሚታወቀውን እንቅርት (የአንገት ዕጢ) በቀዶ ጥገና ለማስወጣት ከወራት በፊት ተመዝግባ ስትጠባበቅ ከርማ ሚያዝያ 12 ቀን 2008 ዓ.ም. በቀጠሮዋ ቀን በዘውዲቱ መታሰቢያ ሆስፒታል የተገኘችውን ወጣት፣ አንገቷን ሳይሆን ሆዷን በመክፈት መልሰው የሰፉ ሐኪም ከሥራና ከደመወዛቸው መታገዳቸውን ሆስፒታሉ ለሪፖርተር ገለጸ፡፡

ሐኪሙ ልምድ ያላቸውና ለረዥም ጊዜ የሠሩ ቢሆኑም በተፈጸመው ስህተት የመጀመርያው ተጠያቂ በመሆናቸው የመጀመርያውን የዕግድ ዕርምጃ ሆስፒታሉ መውሰዱን፣ የዘውዲቱ ሆስፒታል ዋና ሥራ አስኪያጅ ዶ/ር ተረፈ አሰፋ ተናግረዋል፡፡

ለወራት ተራ በመጠበቅ ሚያዝያ 12 ቀን 2008 ዓ.ም. በወጣትነቷ አንገቷ ላይ አብጦ የሚታየውን እንቅርት በቀዶ ሕክምና ለማስወገድ ወደ ሆስፒታሉ ያመራችው የ23 ዓመቷ ወጣት ሰላም ደሞዜ ትባላለች፡፡ የሆስፒታሉ ዋና ሥራ አስኪያጅ ዶ/ር ተረፈ ለሪፖርተር እንደገለጹት፣ እንደ አጋጣሚና እንደ ዕድል ሆኖ በዕለቱ ቀዶ ሕክምና የሚደረግላት ሞክሼ ስም ያላት ሰላም ኪሮስ የምትባል ሌላ ታካሚ ነበረች፡፡

ሆስፒታሉ የመማር ማስተማር ሥራም ስለሚካሄድበት ቀድማ ወደ ቀዶ ጥገና ክፍል መግባት የነበረባት ሰላም ኪሮስ የነበረች ቢሆንም፣ ቀዶ ጥገና የሚደረግላቸውን ሕሙማን ቀደምት የሕክምና ታሪክ (Medical History) የሚመዘግቡ ተማሪዎች ሊያነጋግሯት ወደ ሌላ ክፍል ወስደዋት መዘግየቷን ገልጸዋል፡፡

ቀዶ ሕክምናውን ለመጀመር ሁሉም ነገር ተዘጋጅቶ የሚጠበቁት ሐኪሙ ስለነበሩ፣ ተራዋ የደረሰውና የሐሞት ከረጢት ቀዶ ጥገና የሚደረግላት ሰላም ኪሮስ የነበረች ቢሆንም፣ ሐኪሙ እንደመጡ ታማሚዋ እንድትገባ ሲጠይቁ የገባችው እንቅርት ለማስወጣት ተራዋን ስትጠባበቅ የነበረችው ሰላም ደሞዜ መሆኗን ሥራ አስኪያጁ ተናግረዋል፡፡

‹‹ሰላም›› የሚለውን ስም ብቻ በማየት ሁለት ነርሶችና አንድ የማደንዘዣ (ሰመመን) ባለሙያ ይዘው የገቡት ሐኪም፣ ማደንዘዣ ተወግታ በሰመመን ውስጥ የነበረችውን የእንቅርት ሕክምና ፈላጊዋን ሰላም ደሞዜ ሆድ መክፈታቸውንም ሥራ አስኪያጁ ጠቁመዋል፡፡

የሰላም ደሞዜ ሆድ እንደተከፈተ የሐኪሙ ረዳቶች የሕክምና ታሪክ መመዝገቢያውን ሰነድ ሲመለከቱ ሐኪሙ ያደረጉት ቀዶ ሕክምና ስህተት መሆኑን በማወቃቸውና በመናገራቸው፣ ሐኪሙ የሰላም ደሞዜን ሆድ ዘግተው አንገቷን በመክፈት እንቅርቷን እንዳወጡ ዶ/ር ተረፈ አስረድተዋል፡፡

በወቅቱ በተለይ የሰላም ደሞዜ ቤተሰቦች ከፍተኛ ድንጋጤና አለመረጋጋት ውስጥ ገብተው እንደነበር የገለጹት ሥራ አስኪያጁ፣ የሕክምና ባለሙያዎች እነሱን ካረጋጉ በኋላ ቀዶ ጥገናውን ያደርጉት ሐኪምና ሆስፒታሉ ታካሚዋንና ቤተሰቦቿን ይቅርታ መጠየቃቸውን ገልጸዋል፡፡

በወቅቱ ስህተቱ የተፈጸመው በሥራው ላይ በነበሩት ሐኪሙ፣ ነርሶቹና የማደንዘዣ ባለሙያው ቢሆንም፣ ዋናው ተጠያቂ ሐኪሙ በመሆናቸው ከሥራና ከደመወዝ በማገድ ለሕክምና ዲሲፕሊን ኮሚቴና ለሚመለከታቸው ሁሉ በማሳወቅ ውሳኔ እየተጠባበቁ መሆኑን አስረድተዋል፡፡

ከ1,200 በላይ ሕሙማን ተመዝግበው ለበርካታ ወራት ወረፋ በመጠበቅ ላይ በመሆናቸው፣ ካለፉት 15 ቀናት ጀምሮ በዘመቻ ሥራ ሕክምና በመስጠት ላይ መሆናቸውን የሚናገሩት ሥራ አስኪያጁ፣ ሰላም ደሞዜም ተራ ደርሷት የመጣች ታካሚ መሆኗን ተናግረዋል፡፡

ሐኪሙ የሆስፒታሉ ቋሚ ሠራተኛ ሳይሆኑ ባለው የሐኪም ችግር ምክንያት በኮንትራት ተቀጥረው እየሠሩ ያሉ የረጅም ዓመታት ልምድ ያላቸው መሆኑን የገለጹት ሥራ አስኪያጁ፣ በሆስፒታሉም ሆነ እሳቸው በሠሩበት ዘመን እንደዚህ ያለ ስህተት ተፈጽሞ እንደማያውቅ አስረድተዋል፡፡

አንድ ሐኪም የሕሙማኑን በሽታ ሳያውቅ፣ ማንነቱን ሳያረጋግጥና እምኑ ላይ ቀዶ ሕክምና እንደሚደረግለት ‘ሜዲካል ግራፍ’ ሳይኖረው የተኛን ሰው ዝም ብሎ እንዴት በቀዶ ሕክምና ሊከፍትና ሊዘጋ እንደሚችል የተጠየቁት ሥራ አስኪያጁ፣ ‹‹በዓለም አቀፍ ሕግ የሚታወቅ፣ የዓለም ጤና ድርጅትና ኢትዮጵያም የሚሠሩበት ‹ሜዲካል ቼክ ሊስት› የሚባል አሠራር እንዳለ ተናግረዋል፡፡

‹‹እንኳን ቀዶ ሕክምና ቀርቶ አንድ መድኃኒት ለታካሚ ሲታዘዝ አለርጂክ እንዳይሆንበት ደሙ ተረጋግጦ ነው የሚሰጠው፤›› ብለዋል ሥራ አስኪያጁ፡፡

በሕክምና ላይ ችግር የሚፈጠርና የሚያጋጥም ቢሆንም እንደዚህ ያለ ስህተት ግን በተለይ በዘውዲቱ መታሰቢያ ሆስፒታል አጋጥሞ እንደማያውቅ ገልጸው፣ ከመድኃኒት ጋር በተያያዘ ግን የሚፈጠሩ ችግሮች ቢኖሩም ሳይታወቅ ተሸፋፍነው እንደሚያልፉ ተናግረዋል፡፡ በሰላም ደሞዜ ላይ የተፈጸመው ስህተት ግን በመሸፋፈን የሚታለፍ ባለመሆኑ ሊታወቅ መቻሉን አክለዋል፡፡

የአንገቷን እንቅርት በቀዶ ጥገና ለማስወገድ ሄዳ ጤነኛ ሆዷም ተቀዶ በሆስፒታሉ አንደኛ ፎቅ ላይ ተኝታ የምትገኘውን ሰላም ደሞዜን ሪፖርተር አነጋግሯታል፡፡

ለቤተሰቦቿ ሁለተኛ ልጅ የሆነችውና በኦሮሚያ ክልል አርሲ ዞን አስኮ ቀበሌ ውስጥ ተወልዳ እስከ 13 ዓመቷ ድረስ እዚያው ማደጓን የምትናገረው ሰላም ደሞዜ፣ ላለፉት አሥር ዓመታት ወደ አዲስ አበባ መጥታ ከእህቷ ጋር እንደምትኖር ትናገራለች፡፡

የ23 ዓመቷ ወጣት የግል ሥራ እየሠራች ከእህቷ ጋር ስትኖር አንገቷ ላይ ያበጠውን እንቅርት ለማስወገድ የያዘችው ወረፋ ለሆዷም መትረፉ እንዳሳዘናት ገልጻለች፡፡ እንደ ሕመም ቆጥራው በቀዶ ሕክምና እንደሚድንላት ሙሉ እምነት ይዛ ወደ ሆስፒታሉ በመሄዷ በአንገቷ ላይ የተደረገው ቀዶ ጥገና ምንም እንደማይሰማት ተናግራለች፡፡

ነገር ግን እሷም ሳታስበውና በማታውቀው ሁኔታ ተከፍቶ የተዘጋው ጤነኛ ሆዷ ግን ጥዝጣዜው አላስተኛ እንዳላት ትናገራለች፡፡

ዶክተሮቹ አይተዋት፣ ‹‹ቅዳሜ ሚያዝያ 15 ቀን 2008 ዓ.ም. ትወጫለሽ ብለውኛል፤›› ካለች በኋላ ፊቷ ክፍት ብሎትና የግንባሯ ቆዳ ተሸብሽቦ ሕመሟን ማዳመጥ ቀጥላለች፡፡

ለሐሞት ጠጠር ቀዶ ጥገና ወደ ሆስፒታሉ የሄደችው ሰላም ኪሮስ ማደንዘዣ ወስዳ የነበረች ቢሆንም፣ በስህተት አንገቷ በቀዶ ጥገና ሊከፈት ሲል ራሷን ተከላክላ ማዳኗ ታውቋል፡፡ ስህተት በመሥራታቸው የተደናገጡት የሕክምና ባለሙያዎቹ በኋላ ግን የሐሞት ጠጠር ቀዶ ጥገና አድርገውላት በመልካም ጤንነት ላይ እንደምትገኝ መረዳት ተችሏል፡፡

ምንጭ – ሪፖርተር

1 COMMENT

  1. The writer has completely forgotten the fact that the oromo people had come into the Ethiopian history after the oromo migration in the 15th and 16th century. If the Oromo people claim to have the country name as “Oromia”, all other ethnic groups should stand up together and claim that the oromo people had not been the original inhabitants of Ethiopia; they had come to Ethiopia from somewhere unknown around Madagascar or the Indian ocean by way of invasion, conquering minority tribes and pushing them away from fertile lands. All those fertile and resourceful lands in the oromo region had not been for the oromo people before 400/500 years, rather they were for other ethiopian ethnic groups,
    I advise that the oromo elites revise their political views and think critically about the future before considering an ethno-nationalist state in a country of 82 or more ethnic groups. Even if an oromo republic is formed,(imagine a small landlocked oromo republic within a another landlocked nation whereby the oromo state needs to cross three or more other states to reach theport/coast line), there will never and ever be peace, stability, and economic growth achievable to your satisfaction. The only result will surely be a recognized oromo repubic with its flag and map plottted on the world atlas, nothing else.
    This is what history teaches us, it is what it is, Oromo people do not have any ground to claim an independent state, all other ethnc gropus will never accept this by any mans. However, as oromopeople are the most mixed and inter-married, all other ethiopians and ethnic groups are happy to live with the oromo people in peace and harmony under the same umbrella of one Ethiopia.

    I advise the writer and other oromo nationalists with similar views should go back to study high school history and update their position towards making a united nation of democracy, equality, justice, equal opportunity, .
    Your proposal does not belong to the 21st century. Ethiopians should move forward to create a democracy, justice, equality,

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.