አምንስቲ በለንደን ለኢትዮጵያ ኢምባሲ እስክንድር ነጋን የተመለከተ አቤቱታ ያቀርባል

free

(ሳተናው) አለም አቀፉ የሰብዓዊ መብት ተሟጋች ድርጅት አምንስቲ ኢንተርናሽናል የፕሬስ ፍሪደም ቀንን ምክንያት በማድረግ ግንቦት 15/2008 ለንደን በሚገኘው የኢትዮጵያ ኢምባሲ ፊት ለፊት በመገኘት የህሊና እስረኛ የሆነው ጋዜጠኛ እስክንድር ነጋ በአስቸኳይ እንዲፈታ እንደሚጠይቅ ባወጣው መግለጫ አስታውቋል፡፡

በእንግሊዝ የሚገኙ የአምንስቲ ኢንተርናሽናል አባላትና ደጋፊዎች ከወዲሁ እስክንድር ነጋ ይፈታ ዘንድ ለመጠየቅና እስካሁን ድረስ እስክንድር ነጋ በወህኒ ቤት እንዲቆይ መደረጉ እንደሚያሳስባቸው በመግለጽ ፊርማ ማሰባሰብና ካርዶችን መላክ መጀመራቸው ታውቋል፡፡

የኢትዮጵያ መንግስት ጋዜጠኞችን በማሰርና ህዝቡን መረጃ እንዳያገኝ እያገደው መሆኑን ዘወትር በሚያወጣቸው ሪፖርቶች አጥብቆ የሚተቸው አምንስቲ ባለፈው ዓመትም በለንደን የኢትዮጵያ ኢምባሲ ፊት ለፊት አባላቱ በመገኘት ጋዜጠኛ እስክንድርና ሌሎች ጋዜጠኞች እንዲፈቱ መጠየቁ አይዘነጋም፡፡

አምንስቲ ከኢምባሲውም ሆነ ከኢትዮጵያ መንግስት ቀና ምላሽ ባያገኝም ዘንድሮም ‹‹የህሊና እስረኛው›› እንዲፈታ ከመጠየቅ ወደኋላ እንደማይል አስታውቋል፡፡

‹‹የሰበሰብናቸውን ካርዶችና ፊርማዎች በአካል በመገኘት ለአምባሳደሩ በመስጠት እስክንድር እስኪፈታ ድረስ ይህንን ማድረጋችንን እንደማናቋርጥ እንነግራቸዋለን››ብሏል፡፡

ምንጭ አምንስቲ ኢንተርናሽናል

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.