”እኔ ከሞትኩ ሰርዶ አይብቀል”

abay-tshaye-and-syum-mesfin-satenaw-news-5በእርግጥ እኔ ፖለቲከኛ አይደለሁም።ሰሞኑን አቶ ዓባይ ጸሃዬ እና አቶ ስዩም መስፍን በፋና ብሮድካስቲንግ የሰጡትን ጋዜጣዊ መግለጫ/መጋለጫ/ ስሰማ እንደው አንዳች ነገር ሰውነቴን ወረረኝ።”ኢህአዴግ ከሌለ ኢትዮጵያ አትኖርም፣ዛሬ በኦሮሞና በአማራ ስም እየተደረገ ያለውን ነገር ነግ በእኔ ነው ብሎ ማሰብ ይገባል፣ህዝቡ ኋላቀር ነው፣ወዘተ ወዘተ…….“የሚሉ ዲስኩሮች አሰምተውናል።”እኛ ከሌለን ኢትዮጵያ የምትባል አገር አትኖርም ትበታተናለች“ማለት ምን ማለት ነው?ኢህአዲግ/tplf ከበታተናት 25 ዓመት አለፋት እኮ !እስከ አሁንም አንድነቷን ጠብቆ ያለው ያልሰለጠነ ያላችሁት ህዝብ እኮ ነው።ህዝቡን በብሄር ጠባብተኝነት ወርዶ እንዲያስብ፣ከኢትዮጵያዊነት ይልቅ ጎጠኝነትን፣አብሮ ከመኖር ይልቅ ግለኝነትን በድንበር ከልሎ መኖርን ከአንድ ባንዲራ ይልቅ የእየራሱን ባንዲራ እንዲኖረው በማድረግ ኢትዮዮጵያዊ ማንነቱን እንዲረሳ ያደረጋችሁት እናን አይደላችሁም?እራሳችሁን የሰለጠነ አድርጋችሁ ካሰባችሁ ከአንድ የሰለጠነ አመራር ህዝብንስ ኋላቀር ብሎ መፈረጅ ምን የሚሉት ስልጣኔ ይሆን?ደግምስ የሰለጠነ አመራር ህዝብ የመብት ጥያቄ ሲጠይቅ የጅምላ ጭፍጨፋና ሞት ለምን ያውጅበታል?ህዝቡ እኮ ከእናንተ በበለጠ የሰለጠነ ስለሆነ ነው በጨዋነት መልክ የመብት ጥያቄ የጠየቀው?ደግሞስ አንድ ዲሞክራት ነኝ የሚል መንግስት ህዝብን እየጨፈጨፈ፣እየገደለ፣እሳሰረ፣እንዴት ነው ዲሞክራት ሊባል የሚችለው?መናገርና ሆኖ መገኘት ፍጹም የተለያዩ ነገሮች ናቸው።


ሌላው የገረመኝ ላለፉት 25 አመታት TPLF ምንም የበላይነት እንዳልነበረው ስልጣን የህዝብ እንደ ሆነና የስልጣን ክፍፍሉም በዲሞክራሲያዊ መንገድ ክፍፍል እንደተደረገ የተነገረው ነው።ይገርማል ፖለቲካን ከምጠላበት አንዱ ምክንያቴ “አይኔን ግንባር ያድርገው”የሚል አስተሳሰብ ነው።ለነገሩ ህዝቡ ኋላቀር ነው። አያውቅም ብለው ስለፈረጁት አይፈረድባቸውም እንጂ እንደው ማን ይሙት የአንድ ጎሳ አንባ ገነናዊ የበላይነት ላለፉት 25 ዓመታት ነግሶ እነደኖረ ለማወቅ መማር አያስፈልገውም።

ከላይ ከሚንስትሮች ጀምረን ብንመለከት የመከላከያ ጀነራሎች፣ኮረኔሎች፣የመንግስት መስሪያ ቤት ሃላፊዎች፣የእድር ዳኞች ሳይቀር የአንድ ብሄር የበላይነት በግልጽ እያየን፣በሃይማኖት ተቋማት ሳይቀር ከፓትርያርክ እስከ ጥበቃ ሃላፊ በእስልምናም እንዲሁ ከሼኪው እስከ ጥበቃው የሚመራው የአንድ ብሄር እንደሆነ እየተመለከትን “አይኔን ግንባር ያድርገው ማለት ምን ማለት ነው?ይህ ሁሉ ህዝብን ከመናቅ ከእኔ በላይ ለአሳር ከማለት ሌላ ምን አለ?ሌሎችንም ብዙ ማለት በተቻለ አይሁዶቹን ለይቶ ለማወቅ ብጫ አለበሷቸው አማራንና ኦሮሞን ለይቶ ለማወቅ መታወቂያቸው ላይ ብሔር የሚል ነገር አስቀመጡ፡፡


TPLF ዘረኛ ባይሆን ኖሮ ይህን አያደርግም ነበር፡፡ ዘረኛ የትግራይ ነጻ አውጭዎች ባይሆኑ ኖሮ የአማራ እናቶችን በመርፌ አያመክኑም ነበር፡፡
ዘረኞች ባይሆኑ ኖሮ የአንዱን ብሔር ከሌላው ብሔር አያለያዩም አያጣሉም አያፈናቅሉም ነበር፡፡
ዘረኞች ባይሆኑ ኖሮ የሌላውን ዘር ነፍጠኛና ጠባብ የሚል ቃላት ባልተጠቀሙ ነበር፡፡
አገራችን መቼም ቢሆን አትፈራርስም፡፡እኛ ከሌለን ይፈራርሳል የሚሉት እንዴት ነው? እኛ ከሌለን አፈራርሰናት እንሄዳለን ብለው ግልጹን ሊነግሩን ካልፈለጉ በስተቀር ይህ ደግሞ “እኔ ከሞትኩ ሰርዶ አይብቀል”ያለችውን አህያ መምሰል ነው።
ለማንኛውም እግዚአብሔር አገራችንን ከጥፋት ህዝቦቿንም ከሞት ከስደት ይጠብቅልን።