ዓለም አቀፍ ድርጅቶች ፅህፈት ቤቶቻቸውን ከአዲስ አበባ ወደ ሌሎች የአፍሪካ ከተሞች ለመቀየር እያሰላሰሉ ነው

14947908_1709784819349370_7245786722427917805_nሕወሓት ለስልጣኑ ሲል ኢትዮጵያን ሙሉ በሙሉ የማውደም ሥራ እየሰራ ነው።በዐማራ ክልል ከገጠር እስከ ከተማ ፍፁም ፋሽሽታዊ በሆነ መልኩ በሕዝቡ ላይ ግድያ እና እስር እየተፈፀመ ነው።ይህ በእንዲህ እያለ የኢንተርኔት አገልግሎት በመቆራረጡ እና በአብዛኛው ጊዜ ዝግ በመሆኑ የአፍሪካ ኅብረት፣ኤምባሲዎች እና ዓለም አቀፍ ድርጅቶች ቢሮዎቻቸውን ከአዲስ አበባ ወደ ሌሎች የአፍሪካ ከተሞች ለመቀየር እያሰላሰሉ ነው።

በኢንተርኔት ምክንያት ሥራ መስራት እንዳልቻሉ የአሜሪካ ኤምባሲ እና የአፍሪካ ኅብረት በተለይ ሁለት ጊዜ መግለጫ አውጥተዋል።የአፍሪካ ኅብረትን ከአዲስ አበባ እንዲቀየር ሌሎች የአፍሪካ ሀገሮች ልዩ ልዩ ማባበያ በማቅረብ ድርጅቱን ሲያማልሉ የነበሩ መሆኑ ይታወቃል።ሕወሓት ለስልጣኑ ሲል ታሪካዊ የጥፋት ሥራ በኢትዮጵያ ላይ እየሰራ መሆኑን ብዙዎች ይናገራሉ።

ከእዚህ በፊት በርካታ ዓለም አቀፍ ድርጅቶች ቢሮዎቻቸውን ከናይሮቢ ወደ አዲስ አበባ ለማዞር ያልቻሉበት ምክንያት የኢትዮጵያ ቴሌኮምንኬሽን የኢንተርኔት አገልግሎት ደካማ መሆኑን በግልፅ ሲናገሩ እንደነበር ይታወቃል።ይህ እንግዲህ ቴሌ አገልግሎቱን በሚሰጥበት ወቅት መሆኑ ነው።በአሁኑ የኢንተርኔት መቆም ግን ድርጅቶቹ ዋና መስርያቤቶቻቸውን ለማሳመን በቂ ምክንያት እንደሚሆንላቸው ይታመናል።ሕወሓት ኢትዮጵያን ወደ ጨለማው ዘመን እየመራት ነው።

(ምንሊክ ሳልሳዊ)

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.