የማለዳ ወግ …ሽሜሲ በር ላይ ወድቃለች የተባለችው እህት ጉዳይ ! [ነቢዩ ሲራክ]

* በሳውዲ ለተቸገሩት ተወካዮቻችን በቀዳሚነት ሊደርሱልን ይገባል
* ከኢንባሲና ከቆንስላ ውጭ አማራጭ የለም
* የቆንስሉ ሹማምንትና ሰራተኞች ለፈጣሪ ብላችሁ እርዷት፣ተለመኑን !

ከትናንት ጅዳ ውስጥ በጠና ታማ እሷና ልጇ አደጋ ላይ አሉ ስለተባ ለችው እህት እየተሰራጨ ያለው መረጃ ደርሶኛል ። መረጃውን በዝርዝር ያገኘሁት ከሊያ ሾው ነበር ፣ ታመመች የተባለችውን እህት በቪዲዮ የተደገፈ መረጃ እንደደረሰኝ ወደ ጅዳ ቆንስል ደውዬ ለማጣራ ት ሞክሬ ነበር ! በጅዳ ቆንስላ መረጃ ለማግኘት ከባድ እየሆነ መጥቷ ል ፣ አንዳንዶች ኃላፊዎች ከዚህ ቀደም በማቀርባቸው ተጨባጭ ሂሶች አኩርፈው መረጃ ላለመስጠት ስልካቸውን ይዘጉብኛል ፣ አንዳንዶች ደግሞ መረጃም ሆነ ጥያቄ ለመመለስ ፈቃደኛ አይደሉም ! እጅ አዙር በሆነ መንገድ የጅዳ ቆንስል መረጃው እንዳልደረሰው ተነግሮኛል !

ይህች እህት በሽሜሲ ጊዜያዊ እስር ቤት በር ላይ ተጥለላች መባሉን ሰምቸ ወደ ቦታው የሚያጣራልኝ የስራ ባልደረባዬን ልኬም ነበር ፣ ዛሬ ረፋድ ላይ በር ላይ ተዟዙሮ የወደቀ ሰው አለመኖሩን አረጋግጦልኛል ! ይህን ካደረግ ኩ በኋላ ምናልባት ይህች እህት በእስር ቤት ትገኝ እንደሁ ቢረዷት ለማሳሰብ ወደ ቆንስላው የሺሜሲ ተወካዮች ወደ አቶ ቡሩና አቶ አብርሃ ደወልኩ ፣ ሁለቱም ስልክ አያነሱም ። መልሸ ወደ ቆንስል ያለለት ደወልኩ ስለኬ ብሎክ የመደረጉ ምልክት ሰጠኝ 🙁 በዚህ ሁኔታ እስካሁን ከቆንስሉ ያገኘሁት መረጃ የለምና ወደ ሺሜሲ አመራሁ !

15110495_10211562510444314_5049185853959721742_o

ሽሜሲ በር ከፍተኛ ጥበቃ የሚደረግበት ቦታ በመሆኑ በአካል ሄጅ በአካባቢ ው ወድቃለች የተባለቸውን እህት ዘወር ዘወር ብዬ ፈለግኳት ፣ የለችም ፣ ይሁን እንጅ ከዚህ ቀደም በአካባቢው ወድቃ የነበረች እህት ስለመኖርዋና ልጇንም እሷንም ለመርዳት ሞክረው አቅሙ ስለሌላቸው መረጃ የሚቻሉትን አደርገውላት የሄዱትን እህቶች ምስልና ምስክርነት ደርሶኝ ተመልክቸዋለሁ ! ዛሬ እኔ ባላገኛትም ትናንትና ከትናንት በፊት ያገኟት እንዳሉ መረጋገጥ ችያለሁ ! እንግዲህ ሊሆን ስለሚችለው ብቻ በግምት ልናገር … በትክክል ቪዲዮው የተቀረጸው ጅዳ ሽሚሲ ስለመሆኑ መረጃው ደርሶኛል ፣ ልጅቱ በእስር ላይ የምትገኝ ይመስለ ኛል ፣ የቆንስሉ ተወካዮች ለምን ወደ ህክምና እንዳልወሰዷት አልገባ ኝም ። አንድ በቦታው የነበረ ች እማኝ ይህች እህት ከእነ ልጇ ለቀናት ስትሰቃይ ማንም እንዳልደረ ሰላት ተናግራለች ። አሁንም በእርግጠኝ ነት መናገር የምችለው ወይ በጠና ታማ ሀኪም ቤት ተወስዳለች አለያም ወደ ማረፊያ ወስደዋት ይሆናል ፣ በመጠላያ ካለችም ተከ ታትለው ህክምና እንድታገኝ የእኛ ተወካዮች ሰራ አልሰሩ ይሆናል ፣ በቅርብ ሰአታት በደረሰኝ መረጃ መሰረት ” ይህች እህት ከእስር ቤት አስወጥተው የጣሏት የሳውዲ ፖሊሶች ናቸው !” የሚለው መረጃ የተሳሳተ መሆኑን በሊያ በኩል ተስተካክሎ ሰምቻለሁ !

በትክክል የሆነው በጠና በመታመሟ ወደ ሀገር ለመላክ አንቻልም መባሏን ነው ፣ ይህ በመሆኑ ያለ ማንም ረዳት በበር ብርድና ጸሀይ እየተፈራረቀባት መሰንበቷ ልብን በሀዘን ይሰብራል 🙁አሁንም አልመሸም ፣ ያለችበት ቦታ ተጣርቶ ከተገኘች በጅዳ ቆንስል ተወካዮች ጎትጓችነት ወደ ህክምና ሊወስዷት ይችላሉ ! ይህን በእርግጠኝነት መናገር እችላለሁ ! ሀገሩ ሳውዲ ነውና በጠና በታመመና እስር ቤት ያለን የወገን ጉዳይ ተከታትሎ ህክምና እንዲያገኙና ወደ ሀገር ለመላክ ከኢንባሲና ከቆንስላ ውጭ አማራጭ የለም ! ጌቱና ሊያ ሾው የወገን ጉዳይ ያገባኛል ብላችሁ የወገናችሁን ድምጽ በማሰማት ላደረሳችሁን መረጃ ምስጋናዬ ይድረሳችሁ !

እንዲህ አይነት የወገን ጉዳት ሲደርስ ፣ በተለይ ሰው በጠና ሲታመምና ወደ ሀገር ቤት ልግባ ብሎ እጁን የሰጠ ዜጋ በማቆያ እስር ቤት ሰማቅቅ ተራው ነዋሪ ሰው ለመደገፍ አቅሙ የለውም ፣ ብቸማው ደራሽ እውቅና ያለው የመንግስት ተወካዮች ብቻ ናቸው ! ለማጠቃለል ያህል ይህ መረጃ የሚደርሳችሁ የቆንስሉ ሹማምንትና ሰራተኞች ለፈጣሪ ብላችሁ ከነልጇ የምትከላተመው እህት ዜጋ ናትና እርዷት ፣ መረጃ ስጡን ተለመኑን !

ቸር ያሰማን !

ነቢዩ ሲራክ
ህዳር 14 ቀን 2009 ዓም
( ከዚህ ጋር ያያዝኩትን ፎቶ ያገመሁት ከሊያ ሾው ነው )

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.