ሰሜን ጎንደር ግንባር…አዲስ የአጋዚ ሃይል ዳባት ገብቷል! ጥንቃቄ! [ሙሉነህ ዮሃንስ]

15253580_10154055966835924_6965416961953866965_nህዳር ማርያም 2009
፨ ስድስት ቀን በዘለቀው ጦርነት ወያኔ በቆላማው ወገራ በታጠቀው ገበሬ የደረሰበትን አይቀጡ ቅጣት ለመመከት ተጨማሪ ሃይል ወደቆላው ለመላክ ዳባት ላይ አዲስ የአጋዚ ሃይል አስፍሯል። ይህ ትናንት የገባው አጋዚ በስተሰሜን በደባርቅ በኩል እንደመጣ ታውቋል። ከትግራይ የመጣ ነው ተብሎ ይታመናል። በጎጃም መስመርም አዲስ ሃይል ወደዚህ አቅጣጫ እየተላከ ለመሆኑ መረጃወች አሁንም እየደረሱ ነው። ስለሆነም ለወገን ዘመድ ነቅቶ በር እንዲጠብቅ መልእክት ባስቸኳይ ይድረስ።

፨ይህ በእንዲህ እንዳለ 6ተኛ ቀኑን በያዘው የቆላማው ወገራ ውጊያ ውጊያ ብዛት ያለው የአጋዚ ወታደር እንደቅጠል የረገፈበት አሳዥ ሻለቃ ሃይላይ ከዳባት ወረዳ የወያኔ ቅጥረኛ የፀጥታ ሃላፊ ሙሉየ ሹምየ በብስጭት እርስ በርስ እንደተታኮሱ ታውቋል። ምክንያቱም ቅጥረኛው ሙሉየ ወደቆላው ወታደሩን መርተህ ወስደህ ለእርድ ዳረክብኝ በማለት እንደተጣሉ መረጃ ደርሷል!

፨በበለሳና በአንዳንድ የደቡብ ጎንደር ቦታወች በወያኔ ላይ ጦርነት እንደተከፈተበት ታውቋል። እየተከታተልኩ ነው። የመተማና የቋራ ህዝብ ለወያኔ ሞት ደግሷል። በአርማጭሆ፣ በጠገዴና በወልቃይት ያለው የህዝብ ቁጣ ወያኔን እየለበለበው ነው። የጎንደር ህዝብ ከተቃጣበት አደጋ እራሱን ተከላክሎ እያጠቃ ነው። አስቸኳይ ሁለገብ ድጋፍ ግን ያስፈልገዋል። የመኸር እህሉን እንኳን ሳይከውን ነው ወያኔ በመሳሪያ ገፈፋ ሰበብ ጦርነት የከፈተችው።

፨በሌላ በኩል በኤርትራ ድንበር እየገፉ የመጡት የአርበኞች ግንቦት7 ሃይል ጦርነት ላይ መሆናቸውን ወያኔ ሳይቀር አምኖ ዜና እየሰራ ነው።

፨ስለሆነም የተቀረው የኢትዮጵያ ህዝብ በተለይ በቅርብ የሚገኘው የጎጃም የሰሜን ሽዋና የወሎ ክዝብ ልዩ የድጋፍ ጥሪ ከጎንደር የጎበዝ አለቆች ቀርቦለታል። ወገኑ ጎንደር ላይ ይህ ጦርነት ሲከፈትበት የተቀረው የኢትዮጵያ ህዝብ ዝም ብሎ ሊያየው አይገባም። ይህን መረጃ ለሁሉም በማዳረስ የቅስቀሳ ስራ ያስፈልጋል።

፨የከሌ አካባቢ አመፅ የዛ አካባቢ አብዮት የሚሉት ወገኖችም ባላለቀ አብዮት ላይ የመንግስት ምስረታ አተካሮ ከሚዳክሩ ወያኔን በህብረት በመጣል ለሁሉም እኩል የምትሆን ሃገር መመስረት ላይ ቢያተኩሩ ይሻላቸዋል። ምክር የምትችሉ ምከሩ…
ሙሉነህ ዮሃንስ

 15241177_10154055967065924_8499487617795856333_n

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.