የወገራ ገበሬዎች የወያኔን ጦር ሰብረው በሰላም ወጥተዋል

ከሙሉቀን ተስፋው

በሰሜን ጎንደር በወገራ ወረዳ የእንቃሽ ገበሬዎችን ለማፈን በሌሊት የተንቀሳቀሰው የወያኔ ሙሉ መካናይዝድ ጦር ዛሬ የካቲት 7 ቀን 2009 ዓ.ም ከጠዋቱ 12.00 ጀምሮ ከበባ አድርጎ ነበር፡፡ ከቦታው መረጃውን የሰጡን የአካባቢው ገበሬዎች እንደሚሉት ጠዋት ከመኝታቸው ከመነሳታቸው በፊት ነበር የወያኔ ጦር ከገበሬዎቹ ላይ ጦርነት የከፈተው፡፡

ገበሬዎቹ በጎበዝ አለቆቻቸው አማካይነት እስከ እኩለ ቀን ድረስ ሲዋጉ ከዋሉ በኋላ የወያኔ ጦርን ከበባ ሰብረው ለመውጣት ችለዋል፡፡ አሁን ላይ በጫካ ተበትነው እንዳሉ የሚናገሩት የጎበዝ አለቆች ‹‹በሰላም ወጥተን መግባትም ሆነ ሰላማዊ ሕይወታችን መቀጠል አልቻልንም፤ አሁንም በጫካ ተበትነን ነው ያለነው›› ሲሉ ተናግረዋል፡፡


ባገኘነው መረጃ መሰረት እስካሁን በሰውና በንብረት ላይ የደረሰ ጉዳት ባይኖርም የወያኔ ጦር ኃይሉን አጠናክሮ በአካባቢው እንደሚገኝ ተገልጧል፡፡ ‹‹ማዶ ለማዶ እየተያየን አለን›› ሲሉ ከቦታው ያገኘናቸው አባት ተናግረዋል፡፡

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.