ሕወሃቶች ድርድሩ እንዲከሽፍ ዉስጥ ዉስጡን እየሰሩ ነው #ግርማ_ካሳ

ሕወሃቶች

ገዢው ፓርቲ ከተቃዋሚዎች ጋር ለመደራደር ዝግጅት ላይ እንዳለ ይታወቃል። ወደ 21 የሚሆኑ ተቃዋሚዎች ናቸው ቢባል አብዛኞቹ ፣ መሪዎቻቸው የምርጫ ቦርድ ስርተፊኬት በኪሳቸው ይዘው የሚዞሩ ናቸው። ግብስብስ ድርጅቶች። እንደ አየለ ጫሚሶ፣ ትግስቱ አወሉ የመሳሰሉ።

ሆኖም በአንጻራዊነት በአገሪቷ ተቀባይነት ያላቸው ወይም ጠንካራ የሆኑ እንደ መኢአድ፣ ሰማያዊ፣ መድረክ፣ ኢዴፓ ያሉ ድርጅቶችም አሉ። (ስለዚህ ተቃዋሚዎች በምልበት ዝም ብለው በተቃዋሚ ስም የተቀመጡ ግብስብሶችን ሳይሆን እንደነ ሰማያዊ፣ መኢአድ አይነቶቹን ነው)

እነዚህ ተቃዋሚዎች በቅንነት የአገርን ችግር በዉይይት ለመፍታት ሕዝብን ባይወክሉም የሕዝብን ጥያቄዎች ይዘው ለመቅረብ ነው የተዘጋጁት። የሕሊና እስረኞች በሙሉ እንዲፈቱ፣ የአስቸኳይ ጊዜ አዋጁ እንዲሰረዝ፣ የፖለቲክ ምህዳሩ እንዲሰፋ፣ የዴሞክራሲት ተቋማት (ምርጫ ቢርድ፣ ፍርድ ቤት፣ሜዴያን..) ገለልተኛ ሆነው እንዲዋቀሩ ….የመሳሰሉትን።
ይሄ ይደረጋል የተባለው ድርድር በአብዛኛው ኢትዮጵያዊ ዘንድ እምነት የተጣለበት ስላልሆነ፣ አገዛዙ ለሂደቱ ሕዝብ አመኔታ ይኖረው ዘንድ አንዳንድ ጠቃሚ እርምጃዎችን (እስረኞችን መፍታት የመሳሰሉ) እንዲወስድ ከብዙ ማእዘናት ጥሪ ቀርቦለታል።

ሆኖም ግን አገዛዙ ያን ለማድረግ ፍቃደኛ ሲሆን አይታይም። የመድረክ ከፍተኛ አመራር አባል ዶር መራራ ጉዲና እንኳን ሊፈቱ፣ የፈጠራ አስቂኝ ክስ ተመስርቶባቸዋል። ዛሬ ደግሞ የሰማያዊ ፓርቲ ከፍተኛ አመራር አባል የነበሩት አቶ ነገሰ ተፈረደኝ፣ ወደ ወህኒ በደህንነቶች ታፍነው ተወስደዋል። አቶ ነገሰ የቀድሞ የአንድነት ፓርቲ ምክር ቤት አባል፣ የአንድንት ፓርቲ የአዲስ አበባ ምክር ቤት ሰብሳቢ የነበሩ ሲሆን፣ አንድነት ፓርቲ ሰርተፊኬቱን በሕወሃት የፖለቲክ ዉሳኔ ተወስዶበት ሲዘጋ ሰማያዊን በመቀላቀል ሲታገሉ የነበሩ ናቸው።፡ ኢንጂነር ይልቃል ጌትነት የፓርቲው ሊቀመንበር የነበሩ ጊዜ አቶ ነገሰ የሰማያዊ ም/ሊቀመንበር የነበሩ ሲሆን አሁን የብሄራዊ ምክር ቤት አባል ናቸው። በቀድሞ የአንድነት ፓርቲ እንዲሁም አሁን ደግሞ የሰማያዊ አባላትን ዘንድ በጣም የተከበሩና የተወደዱ ሰካማዊ ታጋይ ናቸው።

የነ አቶ ነገሰ ተፈረደኝ በዚህ ወቅት መታሰር፣ የነ ዶር መራራ መከሰስ፣ እንደ ሰማያዊ ፓርቲ፣ መድረክ ያሉ ከድርድሩ እንዲወጡ ለማድረግ፣ ድርድሩም ከወዲሁ የከሸፈ እንዲሆን ሆን ተብሎ፣ በምንም አይነት ድርድር እንዲኖር በማይፈልጉ፣ ድርድርን እንደ ድክመትና ሽንፈት በሚቆጠሩ ፣ ከልካይና አዛዥ በሌላቸው፣ ለማንም ተጠያቂ ባልሆኑ፣ እንደነ ስብሐት ነጋ ፣ ጌታቸው አሰፋ፣ ሳሞራ የኑስ ባሉ ጥቂት አክራሪ ሕወሃቶች የተቀነባበረ እንደሆነ መገመት አያስቸግረም።

ኢትዮጵያዉያን እስረኞች እንዲፈቱ እየጠየቁ ዘጎች ማሰር አገር እንድትረበሽ፣ በአገር መረጋጋት እንዳይኖር፣ የአገር ችግር በዉይይትህ እንዳይፈታ መፈለግ ነው።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.