” ሕወሃት ከደርግ የባሰ ነው ” የቀድሞ የሕወሃት ታጋይ #ግርማ_ካሳ

" ሕወሃት ከደርግ የባሰ ነው " የቀድሞ የሕወሃት ታጋይ #ግርማ_ካሳ 1

ሕወሃት ሕዝብን የሚያገለግል ሆስፒታ እንዳይሰራ ማገዱን መረጃዎችን እየሰማን ነው። ምክንያት የሆስፒታሉ ባለቤት፣ ዶር ማርቆስ ገሰሰ የህወሓትን ዛቻና ማስፈራርያ ሳይበግራቸው፣ በሕወሃት ለየተበደሉትን የሚደገፍ፣ ሕወሃት ለሕዝብ ተጠያቂ እንዲሆን የሚታገሉትን እድነ አራና ያሉትን የሚደግፉ ኢትዮጵያዊ ናቸው። የአረና ሊቀመነበር አብርሃ ደስታ እንደ ጦንመረው ዶር ማርቆስ “ከተበደለ ህዝብ ጎን የሚቆሙ፣ ለዓረና ፓርቲ ፅህፈት ቤት የሚሆን ክፍል በነፃ የሰጡና ገንዘብ ለሌላቸው ዜጎችም ነፃ ህክምና ያደርጉ የነበሩ ዜጋ ናቸው።

በዉጭ አገር የአረና ደጋፊ የኩኑ መስፍን፣ በዶር ማርቆስ ላይ የተወሰደዉን እርምጃ፣ በአንዲት የቀድሞ የሕወሃት ሴት ላይ የደረሰውን ግፍን እንዳስታወሰው ገለጾ፣ የአሁኑ የሕወሃት ስርዓት ከደርግ የባሰ መሆኑንም ለማሳየት ሞክሯል። የይኩኖን ጽፉ እንደሚከተለው አስፍሪያለሁ

=========
የኩኖ መስፍን)(
ዶ/ር ማርቆስ ገሰሰ ላይ የደረሰው ጥቃት፣ ዓረናን ለማስቆም ብሎም ለማጥፋት እየተደረገ ያለ የነበረ ፍፁም ፀረ ህዝብ ፀረ አገር ፀረ እድገት እርምጃ ነው።

በአንዱ የትግራይ ዞን የሆነ ታሪክ ልንገራቹ። አንዲት ህወሓት ታጋይ የነበረች ሴት ተገፍታ ከተጣለች በኋላ፣ በቤተሰብ እርዳታና በራስዋ ብርታት ምግብ ቤት ታቋቁማለች። ስራዋ ጥሩ ስለነበር ደህና መንቀሳቀስ ጀመረች።

ከጊዜ በኋላ አንድ ቀን እነዚ ገቢዎች የሚባሉ ይመጡና ግብር ክፈይ ይሉዋታል። እሷም “ግብር መክፈል ጀግንነት ነው” ትላለች ፣ ለመክፈል ተዘጋጅታ። “መቶ አምሳ ሺህ ብር መክፈል አለብሽ” ይሏታል። ሴትየዋ ደንግጣ ማመን አቃታት። ” አይ ስለ ግብር መሰለኝ የምትጠይቁኝ። አጠቃላይ ገቢየ እና ንብረቱ ቢገመት እንኳ ይህን ያህል ገንዘብ አያወጣም” ትላለች።

ግድም አልሰጣቸው፣ ውሳኔ ያሳልፋሉ። በጭፍንና በእቢርት። “ካልከፈልሽ ይታሸጋል” ብለዋት ሄዱ።

ሴትየዋ ጨንቋት ወደ ሚመለከተው የበላይ ባለስልጣን ሄድች። ጉዳይዋን አቤት አለች። ጉዳይዋ ይታይላት ተብሎ አምሳ ሺህ ቀንሰው መቶ ሺህ ብር ክፈርይ አሏት። ሴትየዋ ” አሁን ይሄም ሊሆን አይችልም። የለኝም” አለች። ሰሚ ግን ዬም። “ይታሸጋል” ተብላ የመጨርሻ ውሳኔያቸዉን ሰጧት።

“የዞን ካብኔ በተሰበሰበበት፣ አናግሩኝ” ብላ ጥያቄ አቀረበች። እድልም ተሰጣት። ” በእውነት ከናንተ በደርግ ዘመን ይሻል ነበር” ብላ እቅጩን ነገረቻቸው። “ምን ማለትሽ ነው ? ትታሰሪያለሽ ” ስትባል፤ አዎን እሰሩኝ፤ ሌላም ማድረግ ትችላላቹ። ግን ልንገራቹ ደርግ ህዝብን ሲበድል ህዝቡ አቤት የሚልበት ሲያጣ ደርግ ወደ ማይቆጣጠረው ቦታ ይሄዳል። ለትግል ይወጣል። መሮት። አሁን ግን የት እንሂድ? በቃ ይኸዉላችሁ ቁልፉ፣ ዝረፉኝ፣ ውረሱት። ሌላ አቅም የለኝም” አለች።

መምህር ጎይቶም ፀጋይ እንይ በተምቤን የሁለተኛ ደረጃ መምህር ነበር። እሱ በሌለበት ማስታወቅያ አውጥተው ከመማር እና ከማስተማር ጋር በፍፁም በማይገናኝ መልኩ አባረሩት። የአረና አመራር ስለሆነ ብቻ።

የአሁኑ የዓረና ምክትል ሊቀመንበር ጎይቶም ፀጋይ። አዲስ አበባ ማስተርስ ዲግሪውን እያጠናቀቀ ይገኛል። ሰነፍ መምህር የዓረና አባል አይሆንም። ሰነፍ ሃኪም የአረና አባል አይሆንም። ሰነፍ ነጋዴ ህወሓትን አይቃወምም። ሰነፍ ወደ መንግስት ይጠጋል። አባልነቱ ለህልውና እና ለስራው ዋስትናው ነው። በራሱ የሚተማመን ብቁ ሰው እንደነ ደ/ር ማርቆስ አይነተቹ። እንደነ ጎይቶም ፀጋይ ሌሎች በርካታ የዓረና አባላትና አመራር አይፈለጉም። በሰበብ አስባቡ ማራቅ ክህብረተሰብ መነጠል ማባረር ማሰር ነው። በደ/ር ማርቆስ ሆስፒታል የተደረገው ይህ ነው። በጣም ያሳፍራል። አሁንም ወደኋላ።

ሆስፒታል አቋቁመው ሕዝብን ሲያገለግሉ የነበሩ ዶር ማርቆስ እኝህ ናቸው።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.