በደሴ ማረሚያ ቤት 18 ሰዎች የተወሰዱበት ቦታ እንደማይታወቅ ተገለጸ – ሙሉቀን ተስፋው

የደሴ ማረሚያ ቤት ምንጮች እንደገለጹት በመጋቢት 9 ቀን 2009 ዓም የወኅኒ ቤቱን መሰበር ምክንያት በማድረግ 18 በሕግ ጥላ ሥር የነበሩ ታራሚዎች የተወሰዱበት እንደማይታወቅ ተነገረ፡፡ ከዚሁ ጋር በተያያዘ የማረሚያ ቤቱ ፖሊሶች በሁለት ቡድን ተከፍለው እርስ በእርስ እየተካሰሱ ነው፡፡ አንደኛው ቡድን በኮማንደር ሙሉ የሚመራ ሲሆን ሁለተኛው ቡድን ደግሞ በኮማንደር መኮነን የሚመራ ነው ብለውናል፡፡

መጋቢት 9 ቀን 2009 ዓ.ም ማረሚያ ቤቱ ሲሰበር አቶ ይማም መሐመድ የተባለ ታራሚ በጥይት የተገደለ ሲሆን በደሴ ሪፈራል ሆስፒታል በጥይት ተመተው ሕክምና ላይ ካሉት መካከል እነ ሰኢድ ሐሰን አስፈላጊው ሕክምናና ክትትል ተከልክለው ሕይወታቸው አስጊ እንደሆነ ነው የገለጹልን፡፡
በዕለቱ አምልጠዋል በተባሉት በእነ ሙሉጌታ ይመር፣ በላይ አገኘሁ፣ በፈቃዱ ክብረትና ሌሎችም ላይ ማደኛ ወጥቶ የአካባቢው ሕብረተሰብ ደብቋቸዋል በሚል እንግልት እየደረሰባቸው ነው ብለውናል፡፡

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.