ኢትዮሚድያን በተሻለ የዌብ ቴክኖሎጂ አሰርቶ፣ አገልግሎቱን ለማስፋፋት የቀረበ የገንዘብ ማሰባሰብያ ጥሪ

በመላው ዓለም ለምትገኙ ውድ ኢትዮጵያውያን -በቅድሚያ ልባዊ ሰላምታዬን አቀርባለሁ።

ሰሞኑን በግል የኢሜይል ጥሪ ልኬላችሁ እጅግ አበራታች የገንዘብ እርዳታችሁንና ድጋፋችሁን ለላካችሁልኝ፣ በመላክ ላይ ላላችሁት ወገኖቼ ልባዊ ምስጋናዬን እንድገልጽ አፈልጋለሁ።

ቀጣዩ መልእክት ለመላው የኢትዮሚድያ ወዳጆች በኢሜይል ማዳረስ ስለማይቻል ጥሪውን በድረገጻችንና በተለያዩ ዌብሳይቶች፣ ሬድዮና ቲቪ እንዲሁም በሶሻል ሚድያ በኩል እንዲሰራጭ አድርጌአለሁ።

ኢትዮሚድያ እ.አ.አ. በ 2002 ኢትዮጵያውያን ወገኖቹን ዜናዎችንና ልዩ ልዩ መረጃዎችን በማቅረብ አገልግሎት መስጠት ከጀመረ እነሆ ወደ 16ኛው አመት እየገባ ይገኛል።

የኢትዮጵያ ህልውና አደጋ ላይ የጣለውን የጎሳ ፖለቲካ እየታገለ፣ ኢትዮጵያውያን አንድነታቸውን እንዳይሸርሸር በተለያዩ ምሁራን የሚጻፉትን ጦማሮች ለንባብ አብቅቷል። ለፍትህ፣ ለእኩልነትና ለዴሞክራሲ የሚደረገውን ትግል እንዲሳካ የበኩሉን ከፍተኛ አገልግሎት ሰጥቷል።

በተለይም ብዙም ነፃ ሚድያ ባልነበረበት በምርጫ 97 ወቅት፣ ኢትዮሚድያ በቅንጅት አመራር ከፍተኛ ሽልማት አግኝቶ አልፏል። የሚድያው ተአማኒነት ከኢትዮጵውያን ወገኖች አልፎ በዩ ኤስ አመሪካ ኮንግሬስ አባላት፣ በአውሮፓ ህብረት እና በሌሎች የሰብአዊ መብት ተሟጋቾች አስተማማኝ የመረጃ ምንጭ እስከመሆን ደርሷል። ኒውዮርክ ታይምስም ‘ኢትዮሚድያን’ ተአማኒ ድረ-ገጽ ሲል ይጠቅሰዋል።

በዚህ በኢትዮሚድያ ድል ዘወትር ተኝቶ የማያውቀው የወያኔ መንግስት ኢትዮሚድያን ለማዳከም ከተቻለም ለማዘጋት ያልፈነቀለው ድንጋይ አልነበረም። ኢትዮሚድያ በያሁ ሰርቨር (Yahoo Server) ላይ የተገነባ ቢሆንም፣ ብዙ ጊዜ ሰርቨሩን ሰብረው ለመግባት እና ኢትዮሚድያ ለማጥፋት ብዙ ሙከራዎች እንደተደረጉ የ ያሁ ኤንጂኔሮች የዘወትር ማስጠንቀቂያ ነበር። ይሁንና በተናጠል እና በድርጅት በኢትዮሚድያ ላይ የተወረወሩ ጥቃቶች መክቶ ይህ አንጋፋ የህዝብ ሚድያ እስከዛሬው ድረስ ዘለቋል።

አሁን ግን ከ10 አመት በፊት የነበረን የዌብ ቴክኖሎጂ ተጠቅመን የገነባነውን ኢትዮሚድያ አሁን የዌብ ቴክኖሎጂ የደረሰበት አድገት ጋር ሊመጣጠን ስላልቻለ የግድ እንዳዲስ ድረ-ገጹ ማሠራት አስፈልጓል። አዲሱ የዌብ ቴክኖሎጂም የድረ-ገጹን ሴኩሪቲ እጅግ በተሻለ ሁኔታ ከተለያዩ አደጋዎች ከመከላከሉም ሌላ፣ ተጨማሪ የኦዲዮ፣ ቪድዮ፣ የወይይት መድረክና የቴሌኮንፈረንስ አገልግሎቶች ይኖሩታል።

ድረገጹ እንዳሰራ የተጠየኩት ገንዘብ ግን በግሌ የምችለው ስላልሆነ ፊቴን ሁሌም ለምኮራባችሁ ለኢትዮጵያውያን ወንድሞቼ እና እህቶቼ እንዳዞር አስገድዶኛል። ‘አምሳ ሎሚ ለአንድ ሰው ሽክሙ፣ ለ50 ሰው ግን ጌጡ’  እንዳሉት አበው ይህን ሽክም በጋራ እንድንወጣው ኢትዮሚድያን ለመርዳት አቅማችሁን የሚችለውን የገንዘብ እርዳታ (donation) እንድታደርጉ በትህትና አጠይቅሀለሁ።

እርዳታውን ለመላክ ሦስት አማራጭ መንገዶች አሉ። 1ኛ) የ GoFundMe ቀጣይ ሊንክ በመጫን https://www.gofundme.com/help-expand-ethiomedia-services 2ኛ) የፔይ ፓል አካውንት ካልዎት ገንዘቡን ለ editor@ethiomedia.com ብሎ መላክ  ይቻላል። ካልሆነ ደግሞ ተከፋይነቱ ለኢትዮሚድያ የሚል ቼክ ወይም ማኒ ኦርደር በሚቀጥላው የፖስታ አድራሻ በመላክ ይሆናል፦

 

Ethiomedia
P.O. box 1757
Lynnwood, WA 98036
ኢትዮሚድያን በዘመናዊው የዌብ ቴክኖሎጂ ለመገንባት የሚያደርጉትን የገንዘብ እርዳታ በቅድሚያ አመሰግናለሁ።
አብርሃ በላይ፣ ዋና አዘጋጅ
(425) 314-5099
ኢትዮሚድያ ድረ-ገጽ
ሲያትል፣ ዋሽንግተን

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.