አርባ አመት ቢቀመጥ በደል አያረጅም【 በቶማስ ሰብሰቤ】

የኢህአዴግ ጭቆና እና ታላላቅ የአለም የጭቆና ታሪክ መካከል የመጠንና የአተገባበር ልዮነት እንጂ ጭቆናው ያው ነው።የጭቆና ደግ የለውም።ለተጨቋኝ ህዝብ ሁሉም አይነት ጭቆና ልብ ሰባሪ ነው። ሰባቱ የአውሮፓ ሀገራት አፍሪካን” በቀኝ ግዛት የበላይነት በትር “ሲቀራመቱ በባርነት እጅ የወደቁትን ሚሊየን አፍሪካዊያን የደረሰባቸውን ጭቆና ዛሬም ማንም አይረሳውም።ነጭ በጥቁር በቀለም ልዮነት ብቻ የሚያሳየው የዘረኝነት በደልና ጥላቻ መቼም በመላው ጥቁር ሰው ልብ ይኖራል ፤ አዶልፍ ሂትለርን የሚረሳው እስራኤላው ከቶ የት ታገኝ ይሆን? ጭቆና መቼም በሰው ልጅ ታሪክ ፣ ህሊና ፣ የዕለት ተዕለት ህይወት በቁጭት የሚታወስ ነው።ጨቋኝ ቢረሳም ተጨቋኝ አይረሳም ፤ ተጨቋኝ ይቅርታ ካደረገልህን እንኳን ድጋሚ እሱ ላይ የደረሰው በሌለው ትውልዱ እንዳይመጣ ፍፁም ማሳመኛና ተግባር ይሻል።
ጭቆና በሰው ልጆች መካከል በብዙ ይመዘናል።ለምሳሌ የሴቶች ተሰሚነት ፣እኩልነትና ተጠቃሚነት የሌለበት አንድ ማህበረሰብ ውስጥ የሴቶች ጭቆና አለ ።አካል ጉዳተኞችን ማገለል ፣እንደ ዜጋ አለመቁጠርና መብታቸውን መንፈግ አጭቆና ነው።በየትኛውም ማህበረሰብ በዘር ፣በፆታ ፣በቋንቋና በአሰተሳሰቡ እኩልነቱ ካልተረጋጋጠለት ጭቆና አለ።እኩልነት የሌለበት ህብረተሰብ ውስጥ ጭቆና በሰፊው ይኖራል።ባለፍት 26 አመታት ያየነው በእኩልነት መጋረጃ ውስጥ ያለ ጭቆና ነው።
የኢህአዴግ በእኩልነት መጋረጃ ውስጥ የያዘው ጭቆና
1/በእኩልነት መጋረጃ ውስጥ ያለ የአንባገነንነት ጭቆና
አንባገነነት አያዳምጥም ፤ አንባገነነት የሚያስተዳድረው ህዝብ ስሜት ሳይሆን ስለ ራሱ ሟች ነው ፤ እኔ ሁሉን አውቃለው ይልሃል ፣ ፈሪ ነው ፣ የህዝብ አንድነት ያስፈራዋል ፣ እናተ ከማለት እኔ ያበዛል ፣ ጡራራም ጉረኛ ነው ፣ ሽንፈቱን የማያምን ፣ለእሱ ያልሆነ ህግ በአንድ ቀን ዶግ አመድ የሚያደርግ ፣ከሰው ወርቅ የራሱ መዳብ ትልቅ አርጎ የሚጨፍር በርጣቃ ነው።ኢህአዴግ ስለ ራሱ ብቻ የሚያወራ ፣ ህዝብን የማያደምጥ ፣እኔ አውቅልሃለው የሚል ፣ በአንድ ጤና ጣቢያ የሆስፒታል የሚያቅራራ ፣ሁሌም አሸናፊነኝ የሚል የሆቼሚኒ  ፣ የፓሻ(Ismail Enver Pasha) ፣ የLeopold II ፣ የMao Zedong የአንባገነን ዘር ነው።አንባገነን ሁሌም እሺ በሉኝ ይወዳል።እምቢ ያለ ጣለቱ ነው።ለእሱ የትኛውም ህግ ተገዢ ያደርግሃል።ኢህአዴግ ላወጣው ህግ ካልተገዛህ የሚያደርግ እንደዛው ነው።እሱ ያለው ከተቃወምክ ዲሞክራሲያው ጭቆና ፣ዲሞክራሲያዊ መገደል ፣ዲሞክራሲያዊ ሰበዓዊ መብት ረገጣ ያሳይሃል።
A society is under the thumb of a cruel dictator. Anyone who disagrees with the policies of the dictator can be killed for sharing his opinion and voicing the disagreement. The people of the society who live under the dictator are oppressed. በየትኛውም የኑረ ደረጃ ፣ ቦታ ፣ሰራ ፣ህይወትና መንገድ ሆነህ መንግስ ያወጣው የትኛው ነገር ላይ ልዮነት ካሳየት በስልታው መንገድ የጭቆና ገመድ ውስጥ ትገባለህ።ከዚህ አልፈህ ደሞ ጠናካራ የሰው መብት ጠያቂ ፣ የፍትህ ፣የእኩልነትና የስበዓዊ መብቶች ላይ ፊት ለፊት ከቆምክበት ያኔ አሟሟቴን አሳምርልኝ ማለት ብቻ ነው።
2/በእኩልነት መጋረጃ ውስጥ ያለ የአስተሳሰብ ልዮነት የማያስተናግድ ጭቆና
የአሰተሳሰብ ልዪነት ለጨቋኝ ሞቱ ነው።በጭቆና ስርዓት አንድ ወጥ የሆነ አሰሰተሳሰብ ባይፈለግም የትኛውም አስተሳሰብ ግን ደጋፊ መሆን አለበት።በየትኛውም መንገድ ተናገር የመጨረሻ መልዕክትህ መንግስት የሚያንቆለጳጵስ መሆን ግድ ይለዋል።የመንግስት ደካማ ጎን ስትናገር አስተማሪና ወደ ፊት እንዲታረም አሳይተህ እንድታፈልፍ ነው የሚፈለገው።የትኛው የህዝብ ቅሬታ ፣የህዝብ ልዮነት ፣የህዝብ በደል በየትኛውም መንገድ ስታሰራጭ ችግሩን አሳይተህ በቀጣይ መንግስት እንደሚፈታው የሚያሳይ ተሰፋ መስጠት እንጂ የህዝቡን ሰሜት ተነትናለው ብትል ያኔ በአሸባሪ ስም በቲቢ መስኮት የምታውቃቸው ከአልሸባብና አልቃይዳ ጋር ምን አይነት ግንኙነት እንደነበረህ ይተነትንልሃል።አሉታዊ ዜና በአንባገነን ስርዓት የለም።መንግስት የሚተች የሃሳብ ቢኖርህም በልማታዊ መንገድ መግለፅ አለብህ።ለዚህም ነው ኢህአዴግ ሚዲያን እንደ ልማት መሳሪያ አድርጎት ፕሮፓጋንዳ የሚነዛው።የሀሳብ ልዮነት በልማታውነት ፤የሀሳብ ልየነት በኢህአዴጋዊነት አራት ነጥብ።
ሚዲያ የህዝብ ነው እያለህ በስልታዊ መንገድ የእሱ ባሪያ ያደርግሃል።በእኛ ሀገር ያሉ ሚዲያዎች የማን ናቸው? የግል የሚባሉት በመንግስት ባለስልጣን ፣ድርጅትና ደጋፊ ሰዎች የሚዘውሩ አልሸሹም ዞር አሉ አይደል እንዴ? ልክ ምርጥ ምሳ እንደ ጋበዘ ሰው ለመንግስት ምስጋና የሚቸር ሚደያ የፈጠረው ኢህአዴግ የሃሳብ ልዮነት መቀበል ሞቱ ስለሆነ ነው።በዚህም ነፃ ፕሬስን አፈር አብልቶታል።ህዝቡም መናገር ፣ መደራጀት ፣ሰላማዊ ስልፍ መውጣት አይችልም።
“A society carefully controls the freedom of speech of all people. The Internet is not accessible to the public, certain books are banned and the media works for the state and is permitted to write only the positive news that the state allows to be printed. This is an example of a society where the people who are under the control of the authority are oppressed.የሃሳብ ልዮነት ያላቸው ጠንካራ ሚዲያ የሚዘጋ ፣ ጋዜጠኛ የሚያስር ፣የመብት ተሟጋችና ተቃዋሚ ፓርቲ የሚያስር ከዚህ በላይ የጨቋኝ ማሳያ አለ እንዴ? ተቃዋሚውም የሚያባር  ደጋፊውን የሚያጎርስ ፤ ተቺውን የሚቀብር አሸርጋጁን  የሚድር ከህውሃት ኢህአዴግ በላይ ያለ መንግስት የለም።
3/በእኩልነት መጋረጃ ወስጥ ያለ ኢ_ፍትሃዊነት
“A society exists where people of a certain race are denied opportunities and equality” ይህ በሁልም በእየቤቱ ያለ ሀቅ ነው።ፍርህ ባለፍት 26 አመታት መጫወቻ ነው የሆነው።ከአሁን ጊዜ  ፍትህ የደርግ ቀይ ሽብር ዘመቻ የሚመርጥ ብዙ ነው ፤ ከአሁን ጊዜ ፍትህ ጋር የሚነፃፀር አፓርታይድ ነው።በዘርና በቀለም ለመጫረስ ያበቃቸው የፍትህ ጥያቄ ነው።እኛም ለሀገራችን ስጋቱ ይሄ ነው።ህዝብን በብሄር ፣በዘርና በቋንቋ መከፋፈሉ ብቻ ሳይሆን ጣጣው ሰውን ከከፋፈሉ በኃላ በእኩል አይን ያለማየት ነው።ከእኛ የዘር ፖለቲካን የከፋ ጨቋኝ የሚያደርገው ፍትህ በህዝቦች መካከል ያለመፍጠር ነው።
ዛሬም ትልቁ ጥያቄ ይሄ ነው።የአንድ ብሄር የበላይነት ማረጋገጥ የሌሎችን ተጨቋኝነት ማረጋገጥ ነው ፣ አንድ ብሄር ሀገር ሙሉ መቆጣጠር ስልታዊ ብቻ ሳይሆን ሌላው ህዝብ እንደ እንስሳ መቁጠር ነው።ዛሬ ሀጎስ ቢሮ ሲገባና ኡባግ ሲገባ ልዪነት የለውም? ዛሬ ሀብታሙ አንድ ቋንቋ የሚያወራ ደሃው አድማጭ አልሆነም? ስልጣኑስ የማን ነው? ተራው ሰው ወታደር አዛዡ ሃጎስ አይደል እንዴ!  ኢህአዴግ ሚኒስትር ህግ አውጪው ህውሃት እንደሆነ እናውቀዋለን? ትልቅና ትንሽ ብሄር የለም ስርታችዋል ፣ተደማጭና የተገለለ የለም እንዴ? ፍትህ ያጣ ደሃ ፣ፍትህ ያጣ ብሄር ፣ፍትህ ያጣ ባንድራ ፣ፍትህ ያጣ ነፃነት ፣ፍትህ ያጣ ተቃዋሚ ፣ፍትህ ያጣ ገበሬ ……ሀገር ምድሩ እረ በህግ! እያለ ሰሚ የለው።ለዚህ ነው ዛሬ እየጨቆንከው ሲጠራህ የማትሰማቅ ከሆነ፤ ዛሬ በጭቆና በትር የምትገርፈው ምን ያደርጋል ኢህአዴግዮ” አርባ አመት ቢቀመጥ በደል አያረጅም”.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.