በኢትዮጵያውያን ደም የተጨማለቀ የአሸንዳ በዓል ከፋሺስት ብሔራዊ መዝሙር እኩል ነው

ፋሺሽት ሕወሓት በቃን!የኢትዮጵያ ሕዝብ እያሰማ ያለው መፈክር

ኢትዮጵያ ከሰሜን ተርሮች እስከ ደቡብ ምስራቅ ጅጅጋ፣ ከጋምቤላ አኮቦ እስከ አፋር አሳይታ የ26 ዓመታት የወያኔ አገዛዝ ያንገሸገሸው ሕዝብ እየወደቀ እየተነሳ ነው።በያዝነው ሳምንት ብቻ በሐዋሳ የባጃጅ ትራንስፖርት ሥራ ማቆም አድማ ተጀምሮ እስካሁን አልቆመም፣ሰሜን ጎንደር ያሉ የንግድ ቦታዎች በሙል ተዘግተው አድማ ላይ ናቸው፣ ባህር ዳር 50 በላይ ነዋሪዎቿን በህወሓት ወታደሮች የተፈጁባት አንደኛ ዓመት ለማክበር በያዝነው ሳምንት የስራ ማቆም አድማ መትተው እስካሁን ድረስ በርካታ የከተማዋ ነጋዴዎች እና ነዋሪዎች እስካሁኗ ድረስ እየታሰሩ ነው።ፋሺሽት ወያኔ በቃኝ ያሉ እና በንግድ እና ሥራ ማቆም አድማ ላይ ያሉ ሌሎች ከተሞች ወልዲያ ፣ አምቦ፣ጎንደር፣በለሳ፣ምስራቅ ሐረርጌ ባቢሌ ሱማሌ እና ኦሮምኛ ተናጋሪዎች በመሬት ጉዳይ ስርዓቱ አጋጭቷቸው እርስ በርስ ውጊያ ላይ ናቸው።
አንዳንዶች ፋሺስት ሕወሓት ሲባል የተጋነነ አድርገው የሚያስቡ አሉ። ሆኖም አሁን ኢትዮጵያ ላይ እየተደረገ ካለው አንፃር ፋሺስት የሚለው አጠራር ለህወሓት ሲያንሰው እንጂ ከልኩ በላይ የተሰጠው ስም አይደለም።በአሁኑ ሰዓት በኢትዮጵያውያን ላይ ሰራዊት አዝምቶ፣መሳርያ ወድሮ እና በሐሰት ፕሮፓጋንዳ ታጅቦ ኢትዮጵያውያንን መጀመርያ ሀብታቸውን ቀጥሎ ሕይወታቸውን እየቀጠፈ የሚገኘው የህወሓት ቡድን ነው።
ኢትዮጵያውያን በሲቃ መከራ ላይ በሚገኙበት በእዚህ ወቅት ስለ ሕወሓት እና ጀሌው ትንታኔ መስጠት ወይንም ፀሐይ የሞቀውን የሕወሓትን ግፉን መዘርዘር አንዳች ፋይዳ የለውም።ባጭሩ የህወሓት ፈድራሊዝም ተንኮታኩቷል። ሕዝብ ግብር አልከፍልም ብሏል።ኢትዮጵያውያን እዚህ የመጨረሻ የትዕግስት እንጥፍጣፊ ደረጃ ለመድረስ በርካታ የመከራ ፅዋዎችን ተጎንጭተዋል።አሁን ግን ከእዚህ በላይ የመኖር እና አለመኖር ወሳኝ ጥያቄ ላይ የደረሰበት ሕዝብ ሕወሀትን  ከትከሻው ላይ ለማሽቀንጠር ወስኗል።ይህንን የኢትዮጵያ ሕዝብ ውሳኔ ለጊዜው በአፈሙዝ ተገድቦ የተያዘ ይምስለ እንጂ በከባድ አሻጥር እና ኢትዮጵያዊ ስሜት አመፁ እንደሚቀጥል እና በሌላ መልክ እንደሚከሰት በእርገጠኘንት መናገር  ይቻላል። ይህ ወቅት ኢትዮጵያን ከእነሙሉ ክብሯ ለማስጠበቅ የመነሳት ኃላፊነት የእያንዳንዱ ኢትዮጵያዊ ነው።”ከሚቃወሙት ዝምተኞቹ እፈራለሁ” እንዲል በቸልታ ውስጥ ያለው በውጭ የሚኖረው ኢትዮጵያዊ መተባበር ካለበት ዛሬ በአንድነት የመቆም ግዴታ እንዳለበት መረዳት አለብን።
መላዋን ኢትዮጵያ በደም እየነከረ ያለው የፋሽሽት ስርዓት በኢትዮጵያውያን ደም ከመነከሩ በላይ የተቀረውን ኢትዮጵያዊ የምጣኔ ሀብት አቅም በበለጠ ለማቆርቆዝ እና የበለጠ ባርያ ለማድረግ በግብር ሰበብ ነጋዴውን ከንግድ ቦታው እየነቀለ የእኔ ለሚላቸው የጎሳ መሰሎቹ እና አድር ባይ ካድሬዎች ለመስጠት አዲስ ዘመቻ ላይ ነው።አንዳንዶች እንዴት በእዚህ በተወጠረበት ወቅት ወይኔ የንግድ ግብር ጉዳይ አንስቶ ሕዝብ እንዲነሳ ምክንያት ሆነ? ብለው ይጠይቃሉ። ለእዚህ ምክንያቶቹ ግን ሁለት ናቸው።አንድኛው ከውጭ የሚገባ እርዳታ እና ብድር ከመመናመኑ የተነሳ እና የውጭ ንግድ ገቢው ስለወረደ ቀሪ የበጀት ማሟያ ብቸኛ ምንጩ ቀረጥ ህዝቡ ላይ መጣል ሲሆን ሁለተኛው እና እግረመንገዱ ለማሳካት ያሰበው ከውጭ በተለይ ከአረብ ሀገሮች ወደ ኢትዮጵያ የምገቡቱ የጎሳው ሰዎች አነስተኛ እና መካከለኛ ንግድ እንዲሰሩ ሌላውን ኢትዮጵያዊ ማፈናቀል የሚለው እንደ ቀዳሚ ተግባር ተደርጎ ተወስዷል።
ይህ በእንዲህ እንዳለ ማለትም ኢትዮጵያውያን ከገጠር እስከ ከተማ በሚታሰሩበት፣በሚገረፉበት  እና በሚገደሉባት ኢትዮጵያ አሸንዳ ሊዘፈንበት ሽር ጉድ ተይዟል።ይህ ህዝብን የመናቅ ትልቅ ተግባር ነው።አስከሬን ላይ ቆሞ አሸንዳ የለም።በኢትዮጵያውያን ደም የተጨማለቀ የአሸንዳ በዓል ከፋሽሽቶች ብሔራዊ መዝሙር እኩል ይቆጠራል።ህዝብን አስለቅሶ ባሕሌን ተጋቱልኝ ማለት አይቻልም።ለሃያ ስድስት ዓመታት ሕዝብን ንቆ የቆመ ፋሽሽታዊ ስርዓት ጋር አብሮ ለመቀጠል የሚፈልግ እና እራሱን ከእውነት ጋር በተ ንጠፈጠፈች ሰዓትም ላይ ቢሆን እራሱን ለእውነት የሚለይ ቢኖር ታላቅ ደስታ በምድር ላይ በሆነ ነበር።ሁኔታው ግን ካፈርኩ አይመልሰኝ ሆኗል።አይን አውጥቶ መግደል፣የንግድ መደብሮችን ማሸግ እና ቤተሰብ ተርቦ እንዲያድር ገፋ ስል ደግሞ ለጎዳና ሕይወት ተዳርገዋል።ለእዚህም ነው ሕዝብ ፋሽሽት ባህር ውስጥ በገቡት 160 ኢትዮጵያውያን ጉዳይ ለኢትዮጵያ ሕዝብ ሳይነገረው ሁለተኛ ቀኑን ይዟል
 
ፋሽሽት ወያኔ የኢትዮጵያ ወኪል ሆኖ መቀመጥ እንደማይች=ከአንድ መቶ ስልሳ በላይ ኢትዮጵያውያን እጅ እና እግራቸው እየታሰረ ወደ ባሕር ውስጥ መወርወራቸው ዓለም አቀፍ የስደተኞች ድርጅት (IOM) ከተነገረ 24 ሰዓት ቢያልፈውም የኢትዮጵያ ራድዮ እና ቴሌቭዥንም ሆነ ሕወሓት የሚመራው መንግስት አንዳች ነገር አልተናገረም።የትኛው መንግስት ነው ዜጎቹ ባህር ውስጥ ገብተው አንዳች የማይተነፍስ? በአሸንዳ ከሚውረገረገው ወያኔ በቀር።ሕዝብ አሁን መድረሻ ግቡን እያስቀመጠ ነው።ይሄውም በቅደም ተከተል ከወያኔ በኃላ ስለሚኖረው መንግስት ሕዝብ ይወያያል።ፋሺሽት ሕወሓት በቃን!የኢትዮጵያ ሕዝብ እያሰማ ያለው መፈክር ነው። ከእዚህ በኃላ የወያኔ የባርነት ቀንበር ውስጥ የሚገባ ኢትዮጵያዊ የለም። 
ቪድዮ – እምቢ ለነፃነቴ ጎንደር ላይ የተደረገው ሕዝባዊ ሰልፍ በከፊል ያሳያል።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.