አምስት አምባሳደሮች ተጠርተዋል – መሳይ መኮንን

ለሹመት ይሁን ለሽረት አልታወቀም። አቶ ስዩም መስፍን የጤና ችግርም ስላለባቸው ሊሆን ይችላል። ለነገሩ አብዛኞቹ የህወሀት/ኢህአዴግ ባለስልጣናት ከስነልቦና በተጨማሪ በተለያዩ ውስብስብ የጤና ችግሮች ምክንያት በውጭ ሀገራት የሚመላለሱ ናቸው። የቻይና አምባሳደርነት እንደ ርስት ከህወሀት ሰዎች ውጭ የማይታሰብ በመሆኑ አቶ ብርሃነ ግብረክርስቶስ ስለሚተኩ የቻይናው ጉዳይ ብዙም አዲስ ነገር የለውም።

ሆኖም ከተጠሩት አምስት አምባሳደሮች አንደኛው ስለመመለሳቸው በእጅጉ ያጠራጥራል። የተዘፈቁበት ሙስና በአፍጢማቸው ሊደፋቸው ከተቃረቡት አንዱ እንደሆኑ ይነገራል። ከዋናዎቹ የህወሀት ዘራፊዎች ባልተናነሰ መልኩ ሙልጭ አድርገው የዘረፉ ናቸው በሚል በዝርዝር በተደገፈ ማስረጃ የሚያነሷቸው አሉ። አቶ ግርማ ብሩ።

ከህወሀት መንግስት ጋር የሚያቆም ዓላማ የላቸውም። ዘረፋና ሌብነቱ እንጂ። የሰሞኑ እስራት ለአቶ ግርማ ብሩ ምቾት የሚሰጣቸው አይደለም። ከአሳሪው የህወሀት ቡድን ጋር ከተሰለፉ ምንም አይሆኑም። በእርግጥ ያለው ሁኔታ አስተማማኝ አይደለም። ባለስልጣናት የልብ ትርታቸው ወዴት እንደሚመታ እርግጠኛ መሆን አልቻሉም። ማን አሳሪ፡ ማን ታሳሪ መሆኑ ባለየበት ሁኔታ ወደ አዲስ አበባ መመለስ ለአቶ ግርማ ብሩ የሚያዋጣ አይደለም።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.