ቴዲ አፍሮ “ሎሬት” በሚለው የክብር ማዕረግ የመጠራት ፍላጎት እንደሌለው ተገለጸ !!! (ይድነቃቸው ከበደ)

እጅግ በጣም ተወዳጁ ድምጻዊ ቴዎድሮስ ካሳሁን (ቴዲ አፍሮ) ! በኪነጥበብ ሙያ ላበረከተው የጎላ አሰተዋአዖኦ የተለያዩ ሽልማቶች የተበረከተለት ሲሆን ወደፊትም በአገር ውስጥ እና በውጪ የሚበረከትለት ሽልማት እንዳለ መረጃዎች ያመላክታሉ። ድምጻዊ ቴዲ አፍሮ በአገር ውስጥ እና በውጪ የተበረከተለት ሽልማት እንደተጠበቀ ሆኖ፤ በአቢሲንያ የሽልማት ድርጅት አማካኝነት ቴዲ አፍሮ በኪነጥበብ ዘርፍ ሁለንተናዊ አስተዋጽዖ የ”ሎሬት” የክብር ማዕረግ መጠሪያ ስም መስጠቱ የሚታወስ ነው።

በአቢሲንያ የሽልማት ድርጅት አማካኝነት “በሎሬት” ማዕረግ ድምጻዊ ቴዲ አፍሮ መጠራቱን ተከትሎ ፤ የተለያዩ አሰተያየት ሰጪዎች የየራሳቸውን የድጋፍ እና የተቃውሞ ሃሳብ ሲገልጹ እንደነበር
የሚታወስ ነው።በጉዳዩ ዙሪያ ቴዲ አፍሮ እስካሁን በይፋ ምንም አይነት ምላሽ ያልሰጠ ሲሆን፤ “ሎሬት” በሚለው የክብር ማዕረግ የመጠራት ፍላጎት እንደሌለው፤ ተዋቂው የፊልም ዳይሬክተር ያሬድ ሹመቴ በማህበራዊ ድረገጽ በአጽንዖት ገልጸዋል ።ድምጻዊ ቴዎድሮስ ካሳሁን “ኢትዮጵያ” ከተሰኘው አዲሱ የሙዚቃ አልበም ውስጥ “ማር እስከ ጧፍ” በብዙዎች ዘንድ ተወዳጅ የሆነ ሙዚቃ ነው። ይህ ሙዚቃ ወደ ቪዲዮ ክሊፕ በቅርብ ቀን ተሰርቶ ለአድማጭ ተመልካች ቀርቦል። የሙዚቃ ቪዲዮ ክሊፕ ኤዲተር ያሬድ ሹመቴ ነው።

የፊልም ዳይሬክተር ያሬድ ሹመቴ፤ ቴዲ አፍሮ “ሎሬት” በሚለው የክብር ማዕረግ የመጠራት ፍላጎት እንደሌለው ሲገልጽ፤ “በተደጋጋሚ አጠገቡ ሆኜ ባስተዋልኩት መሰረት፤ ቴዲ ሽልማቱን ለሰጡት አካላት አክብሮት ያለው ቢሆንም ይህ የክብር ስም በፍፁም ለሱ የሚገባ እንዳልሆነ በተደጋጋሚ ሲናገር ሰምቼዋለሁ ! ” በማለት ያሬድ ሹመቴ በጽሑፍ የገለጸ ሲሆን፤ “ሎሬት” በሚለው ማዕረግ በርካታ አድናቂዎቹ እየጠሩት መምጣቱ ቴዲ አፍሮ’ን “ሲረብሸው” ተመልክቻለሁ፤ “በዚህ ስም “የመጠራት ፍላጎት የለውም !! በማለት አበክሮ ገልጸዋል ። አድናቃዎቹም ይሄን ተረድተው “ቢተባበሩት መልካም ነው” በማለት መልእክቱን ያስተላለፈ ሲሆን ፤ ድምጻዊ ቴውድሮስ ካሳሁን ከአቦጊዳ ባንድ አባላት ጋር የሙዚቃ ኮንሰርቱን ለአድናቂዎቹ ለማቅረብ በከፍተኛ ጥናት ላይ እንደሆነ ጨምሮ ገልጾዋል ።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.