የዐማራ የፀጥታ ዘርፍ ሆኖ የተመደበው ፍስሃ ወ/ሰንበት የዐማራ ደኅንነቶች ሊገድሉኝ ነው በማለት አማረረ

የዐማራ የፀጥታ ዘርፍ ፍስሃ ወ/ሰንበት

ሙሉቀን ተስፋው

የመኖሪያ ቤቱን በሽሬ ያሰናዳው የሕወሓቱ ፍስሃ ወ/ሰንበት የዐማራ ፀጥታ ዘርፍ ቢሮ ኃላፊ ሆኖ ከተመደበበት ጊዜ አንስቶ ለበርካታ ዐማሮች ሞትና እስር ምክንያት እንደሆነ የሚነገርለት ሲሆን ሰሞኑን በነበረው የብአዴን ስብሰባ የዐማራ ደኅንነቶች ሊገድሉኝ እያሴሩ ነው፤ ለሕይወቴ ዋስትና የለኝም ማለቱን የስብሰባ ተሳታፊ የነበሩ ሰዎች ገልጸዋል፡፡

አይተ ፍስሃ ወ/ሰንበት ለሕዝብ ጠንቅ እንደሆንኩና እንደምበድል ተደርጎ በማስወራት በጸረ ሰላም ኃይሎች ስሜም ጠፍቷል ብሏል፡፡ ይኼው የሕወሓት ሰው ከቢሮው ኃላፊ ሆነ ከተመደበ ጊዜ ጀምሮ ለትግራይ ተወላጆች ልዩ ጥበቃ እንዲደረግና በተቃራኒው በርካታ ዐማሮች እንዲገደሉ አድርጓል፡፡ ሰላም በሪሁን የተባለች የትግራይ ተወላጅ ደኅንነት 470 ሺህ ብር ሙስና እጅ ከፍንጅ ስትቀበል ተይዛ ተፈርዶባት ወኅኒ ብትወረወርም ይኼው ደኅንነትና የፀጥታ ሹም በልዩ ትእዛዝ በማስወጣት ከተጨማሪ ሹመት ጋር ወደ ሥራ ገበተዋ እንድትመለስ አድርጓል፡፡ በባሕር ዳር ትልቁን ሚና የሚጫወቱት የትግራይ ተወላጆች ይኼው ፍስሃ ወ/ሰንበትና ገነት ገ/እግዚአብሔር መሆናቸው የሚታወቅ ነው፡፡ 

በሌላ በኩል ግን የአቶ ፍስሃ ምሬት ከአቶ ኅላዊ ዮሴፍና አቶ ዓለምነው መኮነን ጠባቂዎች ግድያ ጋር በማያያዝ ነው የሚሉም አሉ፡፡ የአቶ ዓለምነው መኮነን ጠባቂ ሆቴል ውስጥ ሲገደል የአቶ ኅላዊ ጠባቂ ደግሞ ሆስፒታል ታሞ በተኛበት እዚያው እንደሞት ተደርጓል፡፡

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.