ፕ/ር መረራ ጉዲና ይቅርታ አልጠይቅም ማለታቸው ተሰማ

በወንድወሰን ተክሉ

ባለፈው ዓመት በአውሮፓ ህብረት ጋባዥነት በብራሰለስ ተገኝተው ስለኢትዮጵያ ሁኔታ ማብራሪያ ሰጥተው ሲመለሱ የታሰሩት ፕ/ር መረራ ጉዲና ከእስር ለመፈታት ብለው መንግስትን ይቅርታ እንደማይጠይቁ መግለጻቸውን ለማወቅ ተችላል።

ምንጮቻችን እንደገለጹት ባለፈው ሳምንት ላይ ፕ/ር መራር ጉዲን ባሉበት ቃሊቲ እስር ቤት ከመንግስት በታላኩ አራት ሽማግሌዎች የተጎበኙ ሲሆን የጉብኙቱም አላማ ሽማግሌዎቹ በእስር እየማቃቁ ያሉትን ፕ/ር ከመንግስት ጋር አስታርቀው ለማስፈታት እንደሆነበረ ተነግራል።

ፕ/ር መረራ ጉዲና ከብራሰልስ መልስ ያሰራቸው የመንግስት ደህንነት ክፍል ቆየት ብሎ በአቃቤ ህግ በኩል ፕ/ሩን በሽብርተኝነት ወንጅል ክስ መስርቶባቸው ቃላቲ እንዳስገባቸው የሚታወቅ ሲሆን በፍርድ ቤት የተነበበላቸው ክስ በፌዴራሉ መንግስት ፓርላማ በአሸባሪነት ከተፈረጀው የአርበኞች ግንቦት ሰባት ድርጅት መሪ ከሆኑት ፕ/ር ብርሃኑ ነጋ ጋር ተገናኝተሃል የሚል እንደሆኑ ታውቃል።

በአቃቤ ህግ በኩል በፕ/ር መረራ ጉዲና ላይ የተከፈተው ከአሸባሪዎች ጋር የተገናኝተሃል ክስ ውስጥ ፕ/ሩን በኦሮሚያና በተቀሩት የሀገሪቱ ክፍል ውስጥ ለተነሳው ህዝባዊ እምቢተኝነት ተጠያቂ በማድረግ ፕ/ሩ ከሀገር ውጪ ካሉት ፕ/ር ብርሃኑ ነጋና የኦሮሞ አክቲቪስቱ ጁሃር መሀመድ ጋር መንግስትን እና ሕገ መንግስቱን በሃይል ለማፍረስ ሙከራ ክስ መስርቶባቸው በእስር እየተንገላቱ ያሉ ምሁር እንደሆኑ ይታወቃል።
በሀገር ውስጥና በውጭ ሃይሎች በተለይም በአውሮፓ ህብረት መንግስት ፕ/ሩን በአስቸካይ እንዲለቅ የሚያሳስብ ተከታታይ ጥሪዎች እና ጥያቄዎች ሲቀርቡለት እንደነበረ መረዳት የተቻለ ሲሆን የባለፈው ሳምንት መንግስት ሽማግሌዎቹን ወደ ቃሊቲ በመላክ ፕ/ሩን አግባብተውና ይቅርታ እንዲጠይቁ በማድረግ ሊፈታቸው መወሰኑን ነው ከሽማግሌዎቹ ጉብኝት መረዳት የተቻለው።
ሆኖም ፕ/ር መረራ ጉዲና በመንግስት ለተላኩባቸው ሽማግሌዎች በኩል የቀረበላቸውን የይቅርታ ጠይቁና ከእስር ይፈቱ ጥያቄን ባለመቀበል ይቅርታ የምጠይቅበት ጥፋት አልፈጸምኩም በሚል የጸና አቃም ሽማግሌዎቹን እንደመለሳቸው ነው መረዳት የተቻለው።

የአውሮፓ ህብረት፣ተመ.ድ፣አሜሪካ እና ዓለም አቀፍ የሰብ ዓዊመብት ተማጋቾች ፕ/ር መረራ ጉዲና የህሊና እስረኛ እንጂ የወንጀል እስረኛ አይደሉም በማለት መንግስት ያለምንም ቅድመ ሁኔታ ሊፈታቸው ይገባል በማለት ለመንግስት ተደጋጋሚ ጥያቄን እያቀረቡ ባለበት ሁኔታ የፕ/ሩ ያለጥፋትና ወንጀል መታሰርን በመቃወም በመላ ኦሮሚያ ተከታታይ ህዝባዊ ተቃውሞ፣ሰልፍና የስራ ማቆም አድማ ሲያደርጉ እንደነበረ አይዘነጋም።
መንግስት በሀገር ውስጥና በውጭ በተነሳበት ተጽእኖ ፕ/ሩን ለመልቀቅ በ1999 ዓ.ም የቅንጅት መሪዎችን ከእስር በለቀቀበት ስልት የጥፋተኝነትና ይቅርታ ፎርም አዘጋጅቶ እንዲፈርሙ የፈለገ ቢሆንም የፕ/ሩን ይሁንታ ሊያገኝ እንዳልቻለ ማረዳት ተችላል።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.