አስገራሚ ቃለ ምልልስ -ሙጋቤ

Mugabe

”መቼም ሙጋቤ መልካም ሰው ነው” ይላል- መንግስቱ ሃይለማርያም የክፉ ቀን ደራሹን ማመስገን ሲጀምር። ርግጥ የሙጋቤን መልካምነት ሚያውቀው ስግጎ ማረፊያ ያደረገው መንግስቱ ነው። ለብዙዎች ግን ጥቁሩ ሰዉዬ ገራሚ መሪ ነው። የዚህን ገራሚ ሰው አስገራሚ ቃለ ምልልስ ዛሬ እናስታውስ እስኪ….

1.  የዛሬ ዓመት ኣካባቢ ይመስለኛል ምርጫ ኣሸንፎ ጋዜጣዊ መግለጫ እየሰጠ ነው።ኣንድ ደቡብ ኣፍሪካዊ ጋዜጠኛ ጠየቀ። ”እርስዎ በዘንድሮው ምርጫ ላይ ለምን የአውሮፓ ህብረትንና አሜሪካን እንዲታዘቡ ኣልጋበዙም??”
”እነሱ መቼ ጠርተውን ያውቃሉ?” የሙጋቤ መልስ ነበር።

2. ይሄው ምርጫ ከመካሄዱ በፊት ”መቼ ነው ከስልጣን የሚለቁት?” ሲል አንድ ምዕራባዊ ጋዜጠኛ ሙጋቤ ኣምርሮ ‘ሚጠላትን ጥያቄ ጠየቀ። ”ህዝቡን ለማን ትቼ ነው ስልጣን ምለቀው?” ሲል ነበር- ኣወዛጋቢው ጥቁር ሰውዬ መልሶ የጠየቀው።

3. የሆነ ሰሞን ደግሞ ኡጋንዳ ተመሳሳይ ጋብቻ ከለከለች ተብሎ ምድረ ነጭ ተንጫጫ።ጭር ሲል አልወድም ኣይነት ባህሪ ያለው ሙጋቤም ”አሜሪካ በዚምባብዌ የተመሳሳይ ጾታ ጋብቻ እንድፈቅድ ከፈለገች መጀመሪያ ኦባማ እኔን ያግባኝ” ሲል ተደመጠ።

4. በዚያው ሰሞን ገራሚውን ሰውዬ ለቃለ መጠይቅ ከከበቡት ጋዜጠኞች ኣንድ እንግሊዛዊ  ”እርስዎ እኮ እድሜዎትም ገፍቷል፤ እና ስልጣን ለምን ኣይለቁም?” ሲል ጠየቀው ….
”ስልጣን በእድሜ ከሆነ ሂድና ንግስት ኤልሳበጥን አርጅተሻልና ንግስትነት ይብቃሽ በላት” ኣለው።ሃሃሃሃ……….. የሆነ አሽሙረኛ እኮ ነው!!

5. ሰሞኑን ደግሞ የአፍሪካ ህብረት ሊቀመንበር ሆነና ከማንዴላ አዳራሽ በር ላይ መግለጫ ለመስጠት ጋዜጠኞችን ሰበሰበ። ትንሽ ነገር ካወራ በሁዋላእድሉን ከፊቱ ለተኮለኮሉት ጋዜጠኞች ሰጠ። አንድ ፈረንሳዊ ጋዜጠኛ እጁን አወጣ። እድል ሰጠው።

”እርስዎ ዝምባብዌ ለሚገኝ ኣንድ ሚዲያ በሃገርዎ ሴቶችና ወንዶች እኩል እንዳይደሉ የሚገልጽ መረጃ ተናግረው ነበር፤ ይሄ ከምን የመነጨ ነው ?”ጋዜጠኛው ጠየቀ።
”ኣዎ ብያለሁ…” ብሎ ጀመረ ጥቁሩ አወዛጋቢ ሰው ”… ብያለሁ! ሴትና ወንድ በተፈጥሮ የተለያዩ ናቸው። ወንድ ማድረግ ሚችለውን በሙሉ ፣ ሴት አታደርገውም።ለምሳሌ አንድ ወንድ ልጅ ማጥባት አይችልም ጌይ ቢሆን እንኳ ልጅ ማጥባት ኣይችልም።” ሃሃሃ ሁሉም ሰው በሳቅና በሃፍረት ስሜት ውስጥ ነበር ።

ስለሙጋቤ የማይተኙት የምዕራቡ ዓለም ብዙሃን መገናኛዎች የሚተነፍሰውን ኣየር ሳይቀር ዜና መስራት ልማዳቸው ነው። ሽማግለውም የዋዛ አይደለም- ባገኘበት እነሱን ማሸማቀቅ ደስ ይለዋል። ሰሞኑንም ”ደረጃ ሲወርድ አዲሳባ ላይ ወደቀ!” ብለው አስገራሚ የፎቶና የካርቱን ዜና እየሰሩበት ነው። በተለይ እንደ ደይሊ ሜይል በዚህ ጉዳይ ሙጋቤን የቀለደበት የለም። ከነ ቢዮንሴ ኖውልስ ጋር… ከዝንጀሮ ጋር… ከሌሎችም አስቀያሚ ሁኔታዎች ጋር እያጀቡ ዜና ኣድርገውታል።

ምዕራቦቹ [በተለይ እንግሊዞች] ሙጋቤን ሚጠሉበት ምክንያት ግልጽ ነው። ከእንግሊዝ ከበርቴ ይልቅ የራሱን ድሃ ገበሬ መርጦ እነሱን ስላባረረ ነው። ከዚያም በሁዋላ ለፖሊሲያቸው ኣላጎበድ ድም ስላለ ነው።እውነት እናውራ ከተባለ የአፍሪካውያን የነጻነት ታጋይ ማንዴላ ሳይሆን ሙጋቤ ነው። ማንዴላ ስልጣን ይዞ ካቢኔውን ሲያዋቅር አብዛኞቹ ነጮች ነበሩ። [ጥቁር አፍሪካውያን በገዛ ኣገራቸው ግድያና መገለል የበረታባቸው ግን በነጮች ነው]።

mugabe-660x440

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.