“እንደ ቀድሞ የሀገሪቱ ፕሬዚዳንት ያለኝ መብት ሊከበርልኝ ይገባል፤ ይህንንም ማድረግ ያለበት የፌዴራል መንግሥት ነው። ” ዶክተር ነጋሶ ጊዳዳ

የኦህዴድ ማዕከላዊ ኮሚቴ ሰሞኑን በአዳማ ባደረገው ስብሰባ የቀድሞው የኢትዮጵያ ፕሬዚዳንት የነበሩት ዶከተር ነጋሶ ጊዳዳየተለያዩ ጥቅማ ጥቅሞችን እንዲያገኙ ወስኗል። ዶክተር ነጋሶ የኢትዮጵያ ፌዴራለዊ ዲሞክራቲክ ሪፐብሊክ የመጀመሪያው ፕሬዚዳንት የነበሩት በ1987 ዓ.ም ሲሆን ለሰባት ዓመታትም በስልጣን ቆይተዋል።

ስልጣን ከለቀቁ በኋላ ለአራት ዓመታት ቀድሞ በፕሬዚዳንትነታቸው የሚገባቸውን ጥቅማጥቅሞች ቢያገኙም በግል ተወዳድረው የህዝብ ተወካዮች ምክር ቤት የፓርላማ አባል ከሆኑ በኋላ ጥቅማ ጥቅሞቹ ተቋርጠዋል። በአሁኑ ስብሰባም ላይ መጠኑ ምን ያህል እንደሆነ ባይጠቅሱም ገንዘብ እንደተሰጣቸው ዶከተር ነጋሶ ለቢቢሲ ተናግረዋል።

ከዚህም በተጨማሪ በሀገር ውስጥና ከሀገር ውጭ ነፃ የህክምና አገልግሎት እንደሚሰጣቸውና መኪናም እንደሚገዛላቸው ከኦህዴድ ቃል እንደተገባላቸው ተናግረዋል።

“ከ13 ዓመታት በኋላም ቢሆን ተሰምቷቸው ይሄንን ስለወሰኑ የኦህዴድ አመራር አመራርና በአጠቃላይ አባላቱን አመሰግናለሁ። ነገር ግን የኔ ጉዳይ የኔ ጉዳይ የድርጅት ብቻ አይደለም። ” በማለት የሚናገሩት ዶክተር ነጋሶ “እንደ ቀድሞ የሀገሪቱ ፕሬዚዳንት ያለኝ መብት ሊከበርልኝ ይገባል፤ ይህንንም ማድረግ ያለበት የፌዴራል መንግሥት ነው። ” ብለዋል።

ዶክተር ነጋሶ ለዓመታትም ይተዳደሩበት የነበረው የጡረታ ደመወዝ በወር 2295 ነው። “መጀመሪያ የተቀጣሁበት ህግ ተሻሽሏል ስለዚህም የህዝብ ተወካዮች ምክር ቤቱም ሆነ የፌዴራል መንግሥት ጉዳየን እንደገና ሊያጤነው ይገባል። “ብለዋል።

የቀድሞ የኢትዮጵያ ፕሬዚዳንት ዶ/ር ነጋሶ ጊዳዳ በቀድሞ ፓርቲያቸው ኦሕዴድ የአንድ ጊዜ ስጦታ ሊያበረክትላቸው እንደሆነ ለአሜሪካ ድምፅ ገለፁ። ይህ ውሳኔ እስካሁን ሲያነሱት ት ከነበረው የመብት ጥያቄ ጋ የሚገናኝ እንዳልሆነ ተናግረዋል።

——————–//——————-
የኦሮሞ ሕዝብ ዴሞክራሲያዊ ድርጅት (ኦሕዴድ) ማዕከላዊ ኮሚቴ ለቀድሞ የኢትዮጵያ ፕሬዚዳንትና የፓርቲው ማዕከላዊ ኮሚቴ አባል ዶ/ር ነጋሶ ጊዳዳ የአንድ ጊዜ ስጦታ ሊያበረክትላቸው እንደሆነ ለአሜሪካ ድምፅ ገለፁ።ከፓርቲው ሥራ አስፈፃሚ በኩል የቤት መኪና እንዲገዛላቸው፣ የገንዘብ ስጦታ እንደሚበረከተላቸውና በሀገር ውስጥና በውጭ ሀገር የሕክምና ወጪያቸው እንዲሸፈንላቸው መወሰኑ ተነግሯቸዋል። ይህ ውሳኔ እስካሁን ሲጠይቁት ከነበረው የመብት ጥያቄ ጋ የሚገናኝ እንዳልሆነ ተናግረዋል።

ዝርዝሩን ከተያያዘው የድምፅ ፋይል ያዳምጡ። VOA Amharic

[jwplayer mediaid=”47308″]

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.