የትግስቱ ‹‹ቡድን›› ከደህንነቶች ጋር ሆኖ በሚያደርሰው ጫና የቀድሞ የአንድነት አባላት ቀያቸውን ጥለው እየተሰደዱ ነው ተባለ

ነገረ ኢትዮጵያ

• ‹‹ለሚደርስብን አደጋ ተጠያቂው የአቶ ትግስቱ ቡድን ነው››

safe_imageየትግስቱ አወሉ ተወካዮች ከገዥው ፓርቲ የደህንነት ኃይሎች ጋር በመሆን በቀድሞው የአንድነት አባላት ላይ በሚያደርጉት ጫና ምክንያት የቀድሞ የአንድነት አባላት ቀያቸውን ጥለው እየተሰዱ መሆኑን የቀድሞው አንድነት የኮምቦልቻ የህዝብ ግንኙነት ኃላፊና በአሁኑ ወቅት የሰማያዊ ፓርቲ አባል አቶ ዘሪሁን ገሰሰ ለነገረ ኢትዮጵያ ገለጸ፡፡

‹‹የሰማያዊ ፓርቲ አባል መሆን አትችሉም፡፡ ለትግስቱ አወሉ እውቅና ካልሰጣችሁ እናስገርፋችኋለን፡፡›› እየተባሉ ከፍተኛ ጫና እንደሚደርስባቸው የገለጸው አቶ ዘሪሁን በዚህ ጫና ምክንያት በርካታ አባላት ቀያቸውን እንዲለቁ ተገደዋል ብሏል፡፡ ‹‹ከሰማያዊ ፓርቲ ጋር ያለህን ግንኙነት አቁም፡፡ በዚህ ሶስት ቀን ውስጥ አገር ጥለህ ውጣ፡፡ በስልክ ከማንም ጋር እንዳታወራ፡፡ የነገርንህንም ለማንም መንገር የለብህም›› ተብያለሁ ያለው አቶ ዘሪሁን የኮምቦልቻ ነዋሪና የአቶ ትግስቱ አወሉ ተወካይ በሆነችው ወ/ር ሰብለ ይመር መሪነት ሰማያዊን የተቀላቀሉት የቀድሞው የአንድነት አባላት ከፍተኛ ጫና እየደረሰባቸው እንደሆነ ገልጾአል፡፡

የትግስቱ አወሉ ተወካዮች ከደህንነቶች ጋር ሆኖው ሰማያዊን በተቀላቀሉት አባላት ላይ በከፈቱት ዘመቻ ከማህበራዊ ግንኙነታቸው መገለላቸውን፣ በስራቸው ላይ ችግር እየተፈጠረባቸው እንደሆነና በህይወታቸውም ላይ አደጋ እየተፈጠረባቸው መሆኑን የገለጹት አባላቱ ‹‹ለሚደርስብን አደጋ ተጠያቂው የአቶ ትግስቱ ቡድን ነው›› ሲሉ ለነገረ ኢትዮጵያ ገልጸዋል፡፡

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.