የተፈቱት እስረኞች ከአሜሪካ ኢምባሲ ሃላፊዎች ጋር ተገናኙ!! የምሳ ግብዣ አደረጉላቸው

 

ዛሬ የካቲት 19/2010 የአሜሪካ ኢምባሲ በራዲሰን ሆቴል ለአንዱአለምና አራጌና ለእስክንድር ነጋ የምሳ ግብዣ አደረገላቸው።

በዚህ የምሳ ግብዣ ላይ ከአሜሪካ ሀገር ወደ ኢትዮጵያ የመጡ ሶስት (3) ሰዎች አንዱአለምንና እስክንድር ያናገሩዋቸው ሲሆን፣ አንደኛዋ ሜሪላንድ ውስጥ ካምብሪጅ የምትባል ከተማ ከንቲባ መሆናቸው ታውቋል። ሁለቱ ግለሰቦች ደግሞ አክቪስቶች ናቸው። በውይይታቸው፣ በብሄራዊ እርቅ ዙሪያ ሰፊ ውይይት ማድረጋቸውን ከስፍራው የደረሰኝ ዜና ያስረዳል።

ችግሮችን በሰላማዊ መንገድና በውይይት መፍታት እንደሚያስልፈግ መነጋገራቸውንና፣ በዚህ ንግግር ላይ ከኢምባሲው ባለስልጣናት የተወከሉ ተጨማሪ ሶስት ሰዎች መገኘታቸው ታውቋል። ሶስቱ ሃላፊዎች የፖለቲካ ክፍልና የፕሬስ ክፍል ባለስልጣናት ናቸው።
በቀጣይም ከኢምባሲው ካሉ ኅላፊዎች ጋር ተጨማሪ ንግግር ለማድረግ ቀጠሮ ይዘው መለያየታቸውን ለማወቅ ተችሏል።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.