ኢትዮጵያዊው ቶማስ ኤድሰን ግርማ ዘለቀ አረፉ! (ወሰንሰገድ ዘርይሁን)

አቶ ግርማ ዘለቀ

አቶ ግርማ ዘለቀ ትውልዳቸው ባሕር ዳር ሲሆን በሕይወት ዘመናቸው ከ ቀ.ኃ.ሥ ዘመን ጀምሮ በርካታ የፈጠራ ሥራዎችን ያበረከቱ ሰው ነበሩ። ከነዚህም መካከል የሚከተሉት ይገኙበታል፦

ኢትዮጵያዊው የፈጠራ ሰው አቶ ግርማ ዘለቀ በጩቤ ተወግተው መገደላቸው ተረጋገጠ ፤ ሕወሃት ገዳዩን ደብቆታል።  አቶ ግርማ ዘለቀ የእሕታቸው ልጅ በሆነው ዮሃንስ ገብረማርያም ሳሙኤል (በፎቶ የሚታየው) በጩቤ ተወግተው የተገደሉ መሆኑን ቤተሰባቸው ይፋ ያደረገ ሲሆን ገዳዩ እንዲያመልጥ የተደረገ ሲሆን የመንግስት ሚዲያዎችም አሟሟታቸውን እንዲደብቁ እና በድንገት የሞቱ እንዲያስመስሉ ተደርጓል ። የአማራ ምሁራን በተለያየ ምክንያት ሲሞቱ ድንገት እንደሞቱ እየተደረገ በሕወሓት ሚዲያዎች ማድበስበስ እየተለመደ የመጣ ሲሆን እስከዛሬ የሞቱት ምሁራም በአጣቃላይ በሕወሓት የእጅ አዙር ግድያ እንደተፈጸመባቸውና ወንጀል ፈጻሚዎቹም መሰወራቸው እየታየ የመጣ ሃቅ ነው።

አቶ ግርማ ዘለቀ በርካታ የፈጠራ ሥራዎችን ያበረከቱ ሰው ነበሩ። ከነዚህም መካከል የሚከተሉት ይገኙበታል፦

1. ሰዓቱን እየጠበቀ የሚደውል የትምህርት ቤት ደውል (በቀ.ኃ.ሥ ዘመን)
2. የፊልም ማባዣ/Duplicator (በደርግ ዘመን)
3. የኤሌትሪክ ምጣድ (በደርግ ዘመን)
4. እንጀራ መጋገሪያ መቁረጫ እና ማሸጊያ ማሺን (ፓትንት ከሌላ ሰው ጋር መጋራት አለብህ በመባላቸው የቀረ)
5. በአ.አ በየአደባባዩ ይታዩ የነበሩ ምስላቸውን በየደቂቃው የሚቀያይሩ ቢል ቦርዶች (Prisma vision billboards)
6. የአማርኛ ንግግርን ወደጽሑፍ የሚቀይር የኮምፒውተር ፕሮግራም (በጊዜው ፈላጊ በማጣቱ በጅምር የቀረ)
7. ታዋቂው ስንዝሮ አኒሜሽን (የመጀመሪያው አኒሜሽን በኢትዮጲያ)
8. የመጀመሪያው በኢትዮጲያ የተመረተው አሻንጉሊት (ስንዝሮ አሻንጉሊት)
9. በቅርቡ ደግሞ የእምቦጭ መጥረጊያ ማሽን ለማዘጋጀት ሲደክሙ እንደነበር ይታወቃል።

እንደተገኘው ዜና ከሆነ አቶ ግርማ ከሚኖሩበት አሜሪካ ወደባሕር ዳር በሄዱበት የእኅታቸው ልጅ በስለት ከወጋቸው በኋላ ወደሆስፒታል ተወስደው ሕይወታቸው ማለፉ ተነግሯል።

ቀብራቸውም ዛሬ በባሕር ዳር መፈጸሙን ያገኘነው መረጃ ያመለክታል።

ነፍስ ይማር! ለቤተሰቦቻቸውም መጽናናትን ይስጣቸው!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.