አራተኛው ጠቅላይ ሚኒስትር (ሁንዴሳ አብዱል)

Mandatory Credit: Photo by STR/EPA-EFE/REX/Shutterstock (9480383c)
Abiy Ahmed
Abiy Ahmed to become Ethiopia’s new Prime Minister, Aba Geda – 02 Nov 2017
The leader of the ‘Oromo Peoples Democratic Organization’ (OPDO) Abiy Ahmed looks on during a news conference in Aba Geda, Ethiopia, 02 November 2017 (issued 27 March 2018). The ruling coalition of the ‘Ethiopian Peoples Revolutionary Democratic Front’ (EPRDF) chose Ahmed as its chairperson, who will become the country’s new Prime Minister after his predecessor Hailemariam Desalegn who resigned in February 2018.

ህወሓት/ኢህአዲግ ሥልጣን ከያዘ አራተኛውን ጠ/ሚ/ር በትናንትናው ዕለት እንደመረጠ የኢትዮጵያ ቴሌቪዥን ሰበር ዜና ብሎ በጥንቃቄ የተዘጋጀውን መልዕክት ባልተለመደ ሁኔታ ሶስት ጊዜ ደጋግሞ አንብቦልናል። በደንብ እንዲገባን ታስቦ ሳይሆን አይቀርም። እርግጥ ፓርቲው ሊቀ መንበሩን ቢሆንም የመረጠው የፓርላማ ሥርዓትን በሚከተሉ ሀገሮች እንደሚደረገው የገዢው ፓርቲ ሊቀ መንበር የሀገሪቱ መሪ ይሆናል። ሥርዓቱ የተሟላ እንዲሆን በቅርቡ የሕዝብ ተወካዮች ምክር ቤት ተሰብስቦ ይሁንታውን ይሰጣል ብለን እንጠብቃለን።

በከፍተኛ ምስጢር ሲካሄድ የከረመው ስብስባ ስላለቀ ሰሞኑን አንዳንድ ነገር መስማታችን አይቀርም። መቼም መቶ ምናምን ሰው የተሳተፈበት ስብሰባ ምስጢር ሊሆን አይችልም።

የአክሱም ታሪክ ለወላይታ ምኑ ነው

በጠ/ሚ/ር መመራት የጀመርንበት ሁኔታ የራሱ የሆነ ታሪክ አለው። ህወሓት/ኢህአዲግ ወደ ሥልጣን ሲመጣ  ጠ/ሚ/ር የነበረው አቶ ታምራት ላይኔ ሲሆን ራሱን የፕሬዚዳንትነት ካባ ያጎናፀፈው ደግሞ መለስ ዜናዊ ነበር።  “የአክሱም ታሪክ ለወላይታ ምኑ ነው” እያለ ሲፎልል የነበረው ህወሓት ራሱ ለሀገሪቱ ባስተዋወቀው የዘር ፖለቲካ ምክንያት በምዕተ ዓመትም ቢሆን የማሸነፍ እድሉ ዜሮ ከመቶ እንደሆነ ወዲያው ተረድቶታል።

 

ስለዚህ በመላ ሀገሪቱ እየዞሩ የማያውቁትን ሕዝብ ምረጡኝ ከማለት የፓርላማ ሥርዓት የሚባል ጂኒ ቁልቋል አስተዋውቆ “እኖርበት ነበር” ባለው መንደር ራሱን ያለተቀናቀኝ አስመርጦ ራሱ ባቋቋመው ፓርላማ አባል መሆን ብቻ በቂው ነበር። ስለዚህ ሕገ መንግሥቱ ፀደቀ ከተባለበት ከ1987 ጀምሮ ፕሬዚዳንቱ ራሱን ወደ ጠ/ሚ/ርነት ቀይሮ ሀገሪቱንም የይስሙላ ፓርላማ ሥርዓት ተከታይ አደረጋት።

ብልሃቱ ለመለስ ሰርቷል። ያለምንም ተቀናቃኝ ከሃያ አመት በላይ በሃገሪቱ  ነግሷል። ሲያልፍም ራዕይ የሌለው የሱን “ሌጋሲ” የሚያስቀጥል መሪ ትቶልን ሄዷል።

ጠንካራ ተቃዋሚ

አሁን ግን ጊዜው የተቀየረ ይመስላል። ኦነግን የመሳሰሉ የኦሮሞ ድርጅቶችን ለመምታትና በክልሉ የህወሓት አፍ እንዲሆን የተፈጠረው ኦህዲድ ከማንም “ጠንካራ ተቃዋሚ” ገዝፎ ይባስ ብሎ ደግሞ አጀንዳውን አስፍቶ ከች ብሏል። ኢትዮጵያውያን ለምርጫ ባይታደሉም ምናልባት በታሪክ ለመጀመሪያ ጊዜ ሕዝብ በአርምሞ የተስማማበት መሪ ብቅ ያለ ይመስላል። በአንፃሩም ህወሓት ያልተስማማውን ለመንቀፍ የሚሄድበትን ርቀት በዶ/ር አብይ ላይ በከፈተው የማጥላላት ዘመቻ ኣሳይቷል ። የሀገሪቱ መረጃና ደህንነት ክፍል ዕውነተኛ ሥራ ምን እንደነበር በግልፅ የታየበት ጊዜ ነበር።ዶ/ር አብይ ቂም መያዝ አይችልም። ይህንን ማስተካከል ግን ይጠበቅበታል። ከእንግዲህ መሪነቱ ለኦህዲድ ብቻ አይደለም። መሪነቱ ለሚቃወሙትም እንዲሁም ጧት ማታ ሰብዕናውን ሲገድሉ ለነበሩትም ነው።ለውጥ ፈላጊ መቶ ሚሊዮን ሕዝብ ተዓምር እንዲሰራ ይጠብቀዋል። እንደውም “ምነው በቀረብኝ” የሚልበት ጊዜ ሩቅ ሁሉ ላይሆን ይችላል።

የዘር ፖለቲካ ትሩፋት

  • አዲሱ ጠ/ሚ/ር ካቢኔውን ሲያዋቅር በርካታ ጊዜ የሚያጠፋው የብሄሮችን ስብጥር ሲያመጣጥን ይሆናል።
  • በዚህ ሁሉ ዓመፅና የፖለቲካ ሽኩቻ እስከመኖራቸውም የረሳናቸው ፕሬዚደንት ዶ/ር ሙላቱ ተሾመ የብሔር ተዋፅኦ ሰለባ ይሆናሉ። በድጋሚ አይመረጡም።

ሰዎች ባለ ሥልጣን ሲሆኑ ወይም ከፍተኛ ሃላፊነት ሲሰጣቸው “ሹመት ያዳብር” ይባል ነበር። የሚዳብረው ለጊዜው ይቆየንና የሀገሪቱ አዲስ ፊት የሆነውን ዶ/ር አብይ አሕመድ መልካም ዕድል እንመኝለት።

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.