ወላጅ እናቱንና የቤተሰብ አባሎቹን በአሰቃቂ ሁኔታ የገደለው ግለሰብ የሞት ቅጣት ተላለፈበት

justiceአዲስ አበባ፣ መጋቢት 7፣ 2007 – በአሰቃቂ ሁኔታ ወላጅ እናቱና ሁለት የቤተሰብ አባሎቹን የገደለውና በአባቱ ላይ ከባድ የመግደል ሙከራ የፈጸመው ግለሰብ ዛሬ የሞት ቅጣት ተላለፈበት፡፡

ተከሳሹ ዳንኤል ከበደ ይባላል፤ የ30 አመት ወጣት ሲሆን የታክሲ ተራ አስከባሪ ነበር፡፡

እንደ ፌዴራል አቃቤ ህግ ወንጅሉን የፈጸመው ሰኔ 17 2002 አመተ ምህረት ሌሊት ላይ ነው፡፡

ወንጀሉ የተፈጸመበት ቦታ አዲስ አበባ  የካ ክፍለ ከተማ ካራ ለምለም አንባ ሰፈር እየተባለ በሚጠራው አካባቢ ነው፡፡

በዚህ ሌሊት አባቱ፣እናቱ ቤት ውስጥ የምትኖር መስከረም አበራ የምትሰኝ ልጅ እና የ10 አመት እድሜ ያለው ህጻን የወንድሙ ልጅ እንቅልፋቸወን ተኝተዋል፡፡

በዚያች የተለያዩ የመኝታ ክፍሎች በሌሉባት ጠባብ ቤት ውስጥ እነዚህ ሰዎች መኝታቸው ይለያይ እንጂ ተቀራርበው ነው የተኙት፡፡

ተከሳሽ መብራት አብርቶ ለግድያ የተጠቀመበትን መጥረቢያ እንደያዘ ከፊታቸው ቆሞ በመቀስቀስ በመጀመሪያ እናቱን በተለያዩ የሰውነት ክፍላቸው ላይ በአሰቃቂ ሁኔታ በያዘው ስለት ጉዳት አደረሰባቸው ገደላቸው፡፡

ኦናቴን አትግደላት እያለ ይጮህ የነበረውን የ10 አመቱን ህጻን የወንድሙን ልጅ በዘግናኝ ሁኔታ አደጋ አድርሶበት ገደለው፡፡

በተመሳሳይ ሁኔታ ስትጮህ የነበረችውን መስከረም አበራንም ገደላት፡፡

በዚህ ሁኔታ በዚያች ሌሊት ህይወታቸው አልፏል ነው የሚለው የክስ መዝገቡ ወላጅ አባቱ ከበደ መኮንንም የተቃጣባቸው ሙከራ ለግድያ ቢሆንም ከፍተኛ ህክምና ተደርጎላቸው ህይወታቸው ሊተርፍ ችሏል፡፡

ወንጀለኛው ምን አነሳስቶት ይህንን ወንጀል ሊፈጽም እንደቻለ ምክንያቱ ምንድነው የሚለውን ከምስክሮቹ ቃል ነው ለመስማት የቻልነው፡፡

ወንጅለኛው ከእናቱ ጋር በየጊዜው ይጨቃጨቁ እንደነበር የጭቅጭቃቸው መንስኤ ደግሞ በጠንቋይ የምታመልከውን ነገር ለምን አትተውም የሚል እንደሆነ እና በተደጋጋሚ አርድሻለው እገድልሻለው እያለ ይዝት እንደነበር አባቱን ጨምሮ ሌሎችም መስክረውበታል፡፡

እሱ ምንም እንኳን ወንጀሉን አልፈጸምኩም ብሎ ክዶ ቢከራከርም ቀደም ብሎ ያደርግ የነበረው ዛቻ ብሎም ወንጀሉን ከፈጸመ በኋላ ያዩት ምስክሮች እጅና እግሩ ላይ ደም በደም ሆኖ እንዳዩት እና ወንጀሉን የተፈጸመበት መጥረቢያ ደም በደም ሆኖ እንደተመለከቱት ለፍርድ ቤት አስረድተዋል፡፡

ወንጀሉ ሌሊት ተፈጽሞ ወዲያውኑ የፖሊስ አባላት ተሯሩጠው እንደመጡ ከእጃቸው መሳሪያ ለመንጠቅ ሲታገል እንደነበር ምስክሮች አረጋግጠዋል፡፡

ወንጀሉ በዚህ ብቻ አላበቃም በእለቱ ጎረቤት ያየ ሁሉ ሲያለቅስ ሰይጧና ነው የገደሉት እርሷን ብሎ የመጣው ስይጣን ሌሎቹንም ገድሏል ሲል እንደነበርም ተደምጧል፡፡

የፌዴራል አቃቤ ህግ ይህ በጭካኔ የተፈጸመውን መንጀል በመጥቀስ ሶስት ክሶችን በከባድ የሰው መግደል እና በአባቱ ላይ የተፈጸመውን የመግደል ሙከራ ወንጀል በማለት በአራት ክሶች ጠቅሶ ከሶታል፡፡

የሰውና የሰነድ ማስረጃ ምስክሮችን የመረመረው የፌዴራል ከፍተኛ ፍርድ ቤት 20ኛ የወንጀል ችሎት ዛሬ በሞት ቀጥቶታል  ቅጣቱ ተግባራዊ የሚሆነው የሀገሪቱ ፕሬዝዳንት ሲያጸድቁት ነው፡፡

– Source: FBC