የቀድሞው የመከላከያ ፓዎር ኢንጂነሪንግ ኢንዱስትሪ ስራ አስኪያጅ ኮሎኔል አሰፋ ዮሃንስ የህዝብ ሀብት በማባከን ተጠርጥረው ፍ/ቤት ቀረቡ

የቀድሞው የመከላከያ ፓዎር ኢንጂነሪንግ ኢንዱስትሪ ስራ አስኪያጅ ኮሎኔል አሰፋ ዮሃንስ የህዝብ ሀብት በማባከን መጠርጠራቸውን ፓሊስ አስታወቀ፡፡ ፖሊስ እንዳለው ተጠርጣሪው የበለስ ቁጥር 1 የስኳር ፕሮጀክት ከአንድ የቻይና ኩባንያ ጋር ፈርሞት የነበረው ኮንትራት ያለጨረታ በ5 ሚሊዮን 720 ሺህ ዶላር እንዲሻሻል አስደርገዋል፡፡ ኩባንያውም ገንዘቡን ተቀብሎ ምንም ሳይሰራ ከሀገር እንዲሸሽ በማድረግ ራሳቸውንና ኩባንያውን ብቻ አላግባብ ተጠቃሚ አድርገዋል፡፡ በዚህም የህዝብና የመንግስት ሀብት መዝብረው አስመዝብረዋል በሚል በሙስና ወንጀል ተጠርጥረዋል፡፡

ኮሎኔል አሰፋ የ6 ሚሊዮን 400 ሺህ ዶላር ሌላ የፕሮጀክት ኮንትራት ፈርሞ የነበረ ሌላ ኩባንያም ከዚህ ውስጥ 1 ሚሊዮን 920 ሺህ ዶላር በቅድሚያ ተቀብሎ ግዴታውን ሳይፈፅም እንዲጠፋ አስደርገዋል በሚል ተጨማሪ የሙስና ወንጀልም ተጠርጥረዋል ብሏል ፖሊስ፡፡ ተጠርጣሪው የተከላካይ ጠበቃ ለመቅጠር አቅም እንደሌላቸው በመግለፅ መንግስት እንዲመድብላቸው ፍርድ ቤቱን የጠየቁ ሲሆን ፍርድ ቤቱ በበኩሉ ግራ ቀኙን አዳምጦ ውሳኔ ለመስጠት ለመጪው ሰኞ ተለዋጭ ቀጠሮ ጥሏል፡፡

ሚኒሊክ ሳልሳዊ

Spread the love
  •  
  •  
  •  
  •  
  •  
  •  
  •  
  •  
  •  
  •  

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.