የምርጫ ቦርድ የኦነግን በድጋሚ አልመዘገብም የሚል መከራከሪያ ውድቅ በማድረግ በድጋሚ እንዲመዘገብ ጥሪ አቀረበለት

ኦነግ በቃል አቀባዩ በአቶ ቶሌራ ዳባ አማካኝነት እንዳስታወቀው የኦሮሞ ነፃነት ግንባር  ፡ በኢትዮጵያ የምርጫ ቦርድ መዝገብ  በ1983 ዓ.ም በሕግ ስለተመዘገበ አሁን ድጋሚ አይመዘገብም  ሲል ያቀረበውን አቤቱታ አዲሷ የምርጫ ቦርድ ሰብሳቢ  ወ/ሪት ብርቱካን ሚደቅሳ ውድቅ አድርገውታል ።

አዲስ ፓርቲ አይደለሁምና ድጋሚ መመዝገብ የለብኝም ሲል መከራከሪያ ይዞ የቀረበው የኦሮሞ ነፃነት ግንባር ያቀረበውን አቤቱታ የተመለከተው የኢትዮጵያ የምርጫ ቦርድ የኦነግን በድጋሚ አልመዘገብም የሚል መከራከሪያ ውድቅ በማድረግ በድጋሚ እንዲመዘገብ ጥሪ አቅርቦለታል ።
በተያያዘ ዜና ቀጣዩን ምርጫ በኤሌክትሮኒክስ መርጃ መሳሪያዎች ለማከናወን የሚያስችል ዝግጅት እየተደረገ መሆኑ ተገልጿል ።
ይህን በተመለከተ መግለጫ የሰጡት የምርጫ ቦርድ ሰብሳቢ ምርጫውን ፍፁም ተአማኒ ለማድረግ የሚያስችሉ ቅድመ ዝግጅቶች በመከናወን ላይ እንደሚገኙ ገልፀው ከነዚህም መካከል አለም አቀፍ ተቀባይነት ያገኙ የምርጫ ማከናወኛ የኤሌክትሮኒክስ መሳሪያዎችን ወደ ሃገር ውስጥ ለማስገባት እንደታሰበ ገልፀዋል ።

እንዲሁም ተቋማዊ የሰው ሃይልንና ተጓዳኝ መርጃ መሳሪያዎችን በተመለከተ የሚደረጉ የሪፎርም ስራዎች ለማድረግ እቅድ መነደፉን የገለፁት ወ/ሪት ብርቱካን በምርጫ ቦርድ ላይ የነበሩት የኢ- ተአማኒነት ጥያቄዎች ለመቅረፍ ብዙ ስራ እንደሚጠይቅ አስታውቀው በዚህ ጉዳይ ላይ ትኩረት ተሰጥቶ መሰራት ይገባዋል ብለዋል ።

WASSE

1 COMMENT

  1. በ1983ማ የተመዘገበው ከነ መለስ ጋር ተዋውሎ ነበር፤ እነ መለስ “ኦሮምያ” የምትባል አገር ቆርሰን እንሰጣችኋለን ያሉት እውነት መስሎአቸው! ኋላ መለስ ሲጠናከር ወጊዱ አላቸው፡፡ እንደ ነበረ የሚቀጥል የለም እኮ፡፡ መለስ ሞተ፡፡ ህወሓት ተሻረ፤ ሌንጮ ጃጀ፡፤ ኦሮሞ ዴሞክራሲ ግ ንባር ነኝ አለ፡፡ በፖለቲካ ዓለም አቆዩልኝ ማለት የለም፡፡ ጊዜ ካለፈ ሌላ አዲስ ስልት እንጂ አቆዩልኝ ያልኩት ይሁን ማለት ጅልነት ነው፡፡ ዳውድ ኢብሳ በኦሮሞ ወጣቶች እልቂት ላይ መጠየቅ የለበትም? ዘመን እንዳለፈበት የሚነግረውም የለም?

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.