እሱ አይጣላህም (ግርማ ቢረጋ)

ልቀቅ አዲስ አበባን ተው ያራዳን ልጅ
ልመናም አይደለም አይበጅህም እንጂ ።
አራዳው ሲጫወት ካልተመቸህ ላንተ
ላሽ ብለህ እለፈው አይገባህም አንተ ።
ቁም ነገሩ ጣፋጭ ልቡ ግልፅ የሆነ
አንተ ሳትነቃ እሱ የባነነ ።
መጀን የአዲስ ልጅ ቂምን የማያውቀው
በጅሎች ጨዋታ አንተ ብታበሽቀው ።
እሱ አይጣላህም ትሁት ነው አራዳ
ለገባልህ ቃሉ እማያወላዳ ።
ብቻ ግን ብትሞክር ልትሸውድ አሱን
ልታቆስል ብትሞክር ያመነህን ልቡን ።
አያድርገኝ አንተን ከርፋፋው ባተሌ
ያለብስሃል እሱ ቁምጣህ ላይ ቦላሌ ።
በፍቅር አማኝ ነው አይጨክን አንጀቱ
ያንተ ክላሽ ብርት አረ የት አባቱ።
ከፍቶህም ብትመጣ ወይም ወፈፍ አርጎህ
ይሸኛል አራዳው እራቁትክን አርጎህ ።
ስቶክሆልም
ጃንዋሪ 2019

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.