ተማሪዎች ቤታቸው ነው- አንተና ብ አዴን ባህር ዳር መልቀቅ ትችላላችሁ – አያሌው መንበር

አቶ ሙለቀን ሆይ ተማሪዎች ከባህር ዳር መውጣታቸው በፊት አንተ ከንቲባ ቢሮን ለቀህ ውጣ!!

ዝም ስላልን እንጅ እኛም አንተን ውጣ ለማለት የሚያስችል በርካታ ሰነድ አለን።አስፈላጊ ከሆነ ከደቂቃዎች በኃላ እለጥፍልሃለው።

ለጊዜው ግን አንተ የባህር ዳር ከተማ ትምህርት መመሪያ ሀላፊ ሁነህ የክልሉ መዲና ባህር ዳር ከተማ ውስጥ ጠይማ ት/ቤት ተማሪዎች መሬት ላይ ተቀምጠው ሲማሩ ወንበር እንኳን ማሟላት ያልቻልክና በዚህ ደካማ አፈፃፀምህ ከቦታው የተነሳህ መሆኑን ልንገርህ።

ከንቲባ ስትሆን ዝም ያልነው በብዙ ምክንያቶች እንጅ አንተ ለከንቲባው ቦታ የማትማጥን እንደነበርክ እኮ ይታወቃል።አንድ ጽ/ቤትን መምራት ያልቻለ ከ10 በላይ ጽ/ቤትንና ከተማን የመምራት አቅም ከየት አምጥቶ ነው?

ቢገባህ እኮ ዛሬ ውጡ ያልካቸው አንተ ቁሳቁስ ማሟላት ባልቻልክበት ት/ቤት ሁሉ ችግርን ተቋቁመው ለዚህ የደረሱ እንቁዎች ናቸው።

አንተና ብአዴን ፀባይ ከሌላችሁ ባህር ዳርን መልቀቅ ትችላላችሁ።ተማሪዎች ግን ቤታቸው ነው።

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.