በዘረኝነት ጦስ የኢትዮጵያ ንግድ ባንክም ባፍጢሙ ሊደፋ ነው! (ነፃነት ዘለቀ)

ፈረንጆቹ  “Jumping from the frying pan into the fire.” የሚሉት ፈሊጣዊ አነጋገር አላቸው፡፡ በኛም አይጠፋም፡፡ “ከድጥ ወደ ማጥ”፣ “ከእሳት ወደ ረመጥ”፣ እንደዚሁም ከደረሰብን ሁለንተናዊ ስቃይና ኢ-ሰብኣዊ ድርጊቶች አኳያ ወያኔን በዚህ መግለጽ የሚበዛበት ቢሆንም “ትሻልን ሰድጄ ትብስን አመጣሁ”ን የመሳሰሉ ፈሊጦችና ምሣሌያዊ አባባሎች አሉን፡፡ ሁኔታዎች በዚህ መልክ ከቀጠሉም – አይበልብን እንጂ – አፈናና እርግጫ እንዲሁም ሌሎቹ ወያኔያዊ የማሰቃያ መንገዶች መከሰታቸው አይቀር ይሆናል፡፡ ይችን ነጥብ ትንሽ ሰፋ አድርገን እንያት መሰለኝ፡፡

ደርግ ሥልጣን ያዘ – በ1967ዓ.ም፡፡ ለውጡ መሬት እስኪረግጥ ድረስ መብት በመብት ሆን፡፡ መናገሩ፣ መጻፉ፣ መሰለፉ… እንደልብ ሆነ፡፡ እነጎሕን፣ እነዲሞክራሲያን… ማስታወስ ይቻላል፡፡ ለውጡ መሬት ሲረግጥ ግን ደረታችን በጥይት መበሳሳትና አፋችን መለጎም በስፋት ቀጠለ፡፡ ማታም ሆነ ጧም ሆነ – ለውጥ አንድ፡፡

ሕወሓት በኢሕአዴግ የመሀል አገር ካባው ሥልጣን ያዘ – በ1983ዓ.ም፡፡ ወዲያው መብት በመብት ሆን፡፡ መናገር መጻፉ በሽ በሽ ሆነ፡፡ እስከጥግ አወራን፤ ተሳደብን፤ ተቆጣን፤ ቦረቅን፤ ተሰለፍን፡፡ አሁን 36 ቢሊዮን ዶላር ዘርፎ ማንም ዝምቡን እሽ የማይለው ዜጋ በአደባባይ ሲገማሸር እንደማናይ ያኔ 20 ብር ጉቦ የተቀበለ የትራፊክ ፖሊስ አሥር አሥር የብር ኖቶች እንደጉትቻ በሁለቱ ጆሮዎች ተለጥፈውበት መሀል አራት ኪሎ ላይ ተረሸነና “እሱን ያዬ ይቀጣ” ተብሎ ተፎከረ፡፡ “ኣሃ! በዚህ ዓይነት ሙስና ከዚች ሀገር ድራሹ ሊጠፋ ነው!” ብለን ተስፋችንን ጣልን፡፡ በሚዲያውም እነጦቢያን፣ እነሩሕን፣ እነሣሌምን፣… ማስታወስ ይቻላል፡፡ የመለስ ዘረኛ አገዛዝ መሬት ሲቆነጥጥ ግን አናታችንን በጥይት ይበሳሱት ገቡ፡፡ ከዚያም አንገታችንን ቀበርን፡፡ በቁም ሞትን፡፡ ማታም ሆነ ጧትም ሆነ – ለውጥ ሁለት፡፡

የለውጡ ባቡር ቀጠለ — “ማታም ሆነ፣ ጧትም ሆነ” መጋቢት 24 ቀን 2010 ዓ.ም ደረሰ፡፡ ዶ/ር አቢይ (ሲቆላመጥ አቢቹ) ሥልጣን ያዘ፡፡ አሁን ድረስ በብዙ መብት እንደተንበሸበሽን አለን፤ አጥተን የነበረውን ግን ሊኖረን የሚገባንን ተፈጥሯዊ የመናገርና የመጻፍ መብቶች ስላገኘን አንዳንዶቻችን የደስታው ስካር አሁንም ድረስ አለቀቀንም፡፡ ከዚህ ምን ይቀጥል ይሆን በሚለው ትንቢታዊ አቅጣጫ ማሟረት አልፈልግም፡፡ ይቅርብኝ፡፡ ነገን መጠበቅ ይሻላል፡፡ የተደቀነብን አደጋ መኖሩን ሳልጠቁም ባልፍ ግን አድርባይ ወይም መሀል ሰፋሪ ያስብለኛልና ፈጽሞ አላደርገውም፡፡ የአዲስ አበባ ቢሮዎችና የመንግሥት መሥሪያ ቤቶች እንደሚያሳብቁት ከሆነ  የአቢቹ አስምጥ ንግግርና በተግባር የሚታየው ነገር አራምባና ቆቦ ነው – ይህም ለማንም አይበጅም፡፡

እናስ ከፍ ሲል የተናገርኩት ስህተት ነው? ኢትዮጵያ መውለድ እንጂ ማሳደግ አትችልም የሚባለው ለዚህ ነው፡፡ ሾተላይ አለባት፡፡ የአራት ኪሎ ቤተ መንግሥት ክፍል ተቆጥሮለት ሦስት ሰባት ዓመታትን ያህል (ለ21 ዓመታት) ጠበል ካልተረጨ የሆነ ሰውን የሚለውጥ የጉግማንጉግ መንፈስ ሳይኖርበት አይቀርም፡፡ ወደ ጀመርኩት ….

ዘረኝነት የሚከረፋ የሰው ልጅ ጠላት ነው፡፡ ዘረኝነት ኅሊናን የሚያሳውር እጅግ አደገኛ ነቀርሣ ነው፡፡ ዘረኝነት መድኃኒት ያልተገኘለት በስሜት አምባላይ ፈረስ አስቀምጦ በደመ ነፍስ ሽምጥ የሚያስጋልብ የማኅረሰብና የሀገር ትልቁ ፀር ነው፡፡ ዘረኝነት እስካልተወገደ ድረስ የትኛውም ሕዝብም ሆነ የትኛውም ሀገር በዕድገት ፈቀቅ ሊል አይችልም፡፡ በኛ ሀገር ውስጥ ሕወሓት የተከለው ዘረኝነት አሁን ግዘፍ ነስቶ ሀገሪቷን ሊያጠፋ በቋፍ ላይ እንደሚገኝ የተገነዘብን ወገኖች ብዙ ነን፡፡ በስሜት ባህር የሚዋኙና የለውጡ ምርቃና ያልለቀቃቸው ወገኖች ጭብጨባቸውን ይቀጥሉ፡፡ በደምብ ያጨብጭቡ፡፡ ሲነቁ የእጃቸውን በጭብጨባ መላጥ እያዩ ይጸጻታሉ፡፡ አሁን ግን እንደክርስቶስ ዘመን የስቅሎ ስቅሎ ሰዎች በለውጡና በአቢቹ ፍቅር ይበዱ፡፡ ጭብጨባ ጥሩ ነው፡፡ ጭብጨባ በርባንን ያስፈታል፤ ክርሰቶስን ግን ያሰቅላል፡፡ ጭብጨባ ልብን ያሳብጣል – ሀገርን ግን ያጎብጣል፡፡ ጭብጨባ እውትን ይደብቃል፤ ሀሰትን ግን ያገንናል፡፡ ጭብጨባ በፍቅር ብን ያደርጋል፤ በጎን ግን የጥላቻን ዘር ያፋፋል፡፡እናም እናጨብጭብ!

ትናንት ማታ ነው፡፡ ከጓደኞቼ ጋር እንጫወታለን፡፡ አንደኛው በንግድ ባንክ ይሠራል፡፡ ጉዳችንን ሰማሁና ዕንቅልፍ ባይኔ ሳይዞር አደረ፡፡ አሁን መሥሪያ ቤቴ ስገባ ደግሞ ሌላው ጓደኛየ ሌላ ጉድ ነገረኝ፡፡ ባጭር ባጭሩ ልንገራችሁና እናንተም ትንሽ ተናደዱ፡፡ ግን ጭብጨባውን አትርሱ፡፡ ከምርቃናም (euphoria) እንዳትወጡ አደራችሁን፡፡ ጭብጨባ ብዙ ነገርን ያስረሳል፡፡

አንድ መቶ አካባቢ ቅርንጫፍ ያሉትን በዘር የተዋቀረ አንድ ባንክ በምክትልነት ያስተዳድር የነበረ አንድ “ገመቹ” (ከዘረኛ ሐጎስ ተገላገልን ባልን ማግሥት ሌላ ዘረኛ ገመቹ መጣና ዐረፈው! ወይ የዚች ሀገር ዕድል!) በኢትዮጵያ ንግድ ባንክ ዋና ሰው ሆኖ ተሾመ፡፡ ይህ ከ1300 በላይ ቅርንጫፎች ያሉት የሁላችንም ባንክ የግል ንብረት ይመስል በዘረኝነት ሰንሰለት የተቆላለፉ ሰዎች በአንዴ እየተቆጣጠሩትና ሥራውንም እያበለሻሹት ነው – እንዳገኘሁት የውስጥ መረጃ፡፡ ብዙ ነባርና ከፍተኛ ልምድና ችሎታ ያላቸው የባንኩ ባለሙያዎችም በዚህ ብልሹ ዘረኛ አሠራር በመበሳጨት ሥራቸውን በገዛ ፈቃዳቸው እየለቀቁ ወደ ውጭ ሀገራትና ወደ ግል ባንኮች እየተመሙ ነው፡፡ ባንኩ እየተፍረከረከ ነው፡፡ አየር መንገድና ባንክ ነበሩ እንደምንም እየተንፈራገጡ የኢትዮጵያን ምስል ይዘው የቆዩት፡፡ አሁን ግን በሌላ ሀፍረት የለሾች ሁለቱም በአንዴ ዘጭ እንዳይሉ ሥጋት አለ፡፡ ዘረኝነት እንዲህ ናት!

አንዲት ቀጭን ማሳሰቢያ – ሥራው የሚፈልገውን ዕውቀትና ችሎታ እንዲሁም የትምህርት ደረጃ እስካሟላ ድረስ ባንክንም ይሁን አየር መንገድንና ሌላውን መሥሪያ ቤት ሁሉ የአንድ ነገድ አባላት ሙሉ በሙሉ ቢይዙት ጉዳየ አይደለም፡፡ ይህን የዘረኝነት ደዌ እየተናገርኩ ያለሁትም በዘረኝነት በሽታ ተለክፌ ሳይሆን በዚሁ ደዌ ምክንያት አለምንም ዕውቀትና ችሎታ ሥራና ኃላፊነት ላይ በሚመደቡ ዜጎች ሀገራችን ምን ያህል እየተንገላታች እንደምትገኝ ለመግለጽ ነው፡፡ እመኑኝ – በፍጹም ዘረኛ አይደለሁም፡፡ የኔ ችግር በዘር መክሊት እየተሳሳቡ ያለችሎታና ልምድ፣ ያለ ትምህርትና የሙያ ብቃት ለመጠቃቀም ብቻ – ሌላውንና የሚጠሉትን ወገን ከጥቅምና ከሥራ ለማግለል ብቻ – ሌሎችን ካለማመን በመነጨ የግል ፍላጎትንና ጥቅምን ለማሳደድ ታስቦ ከተከናወነ እጅግ ያበሳጨኛል፤ ያናድደኛል፤ ያመኛልም፡፡ይህን ዓይነት ከእንስሳት የወረደ አሠራርም ማንም ያድርገው እጠየፈዋለሁ፡፡ አምናና ዘንድሮ በዚህ ረገድ አንድ ሆኑ፡፡ “አልሸሹም ዘወር አሉ፡፡” እኔ በሰውነት ብቻ ስለማምን እንጂ ጎሣ ቢኖረኝና የኔ ጎሣ በዚህ መልክ መረን ለቆ ባይ ተመሳሳይ አቋም ነው ያለኝ፡፡ ስለሆነም ንግግሬ አጠቃላይ ነው፡፡ ግን እንኳንስ ጎሣ አልኖረኝ!

ዘረኞች ለጤናማ አሠራር ደንታቢስ ናቸው፡፡ አንድ ሰው በዘሩ ምክንያት አንድ የኃላፊነት ቦታ ላይ ሲመደብ ለተልእኮ መሆኑ ግልጽ ነው፡፡ ለዘሮቹ በማድላት የጎሣውን አባላት በዚያ ቦታ ላይ ሆኖ መጥቀም ነው ዋና ዓላማው – ከዚያች ወልጋዳ አካሄድ ዝንፍ አይልም፡፡ ባንክ ከሆነ መሥፈርትን ሳያሟሉ ብድርን መፍቀድ፣ ዕዳን መሰረዝ፣ ገንዘብን ለጎሣዊ ዓላማ ማዋል፣ እርስ በርስ መጠቃቀም … ከተመደበው ዘረኛ የሚጠበቅ የሥራ ግዴታ ነው፡፡ ከዚህ አልፎ በብሔራዊ ስሜት ተመር – ለሁሉም ዜጎች ተጨንቆ – ሌሎችንና ሀገርን ልጥቀም ቢል ከቦታው ይነሳል፡፡ ወደማይረባ ቦታም ይወረወራል፡፡ በርሱ ቦታም ሌላ ዘረኛ ይመደብበታል፡፡

በዚህ መልክ ነው ኢትዮጵያ የጠፋችውና እየጠፋች ያለችው፡፡ ኤቢሲዲን የማያውቅ አምባሳደርና ዲፕሎማት በየሀገሩ እየተመደበ ሀገር የጦጣና የዝንጀሮ መጫወቻ ሆና የምናያት የዘረኝነት አባዜ ባስከተለብን መዘዝ ነው፡፡ እነጎሹ ወልዴንና እንዳልካቸው መኮንንን ያፈራች ሀገር ፀጋየ በርሔን የመሰለ የደናቁርት አለቃ አምባሳደር አድርጋ ስትሾም ከማየት የበለጠ ዘግናኝ ነገር ሊኖር አይችልም፡፡ የመመደቢያው መሥፈርት ጎሣና የወንዝ ልጅነት ሲሆን እነዶክተር አላምረውና ዶክተር ዕቁባይ ቤታቸው ውስጥ ሕጻናትን እያጫወቱ ሲውሉ እነደበሳይና እነደቻሳ ከዘበኝነትም ይሁን ከአትክልተኝነት በቀጥታ ተመዘው በተባበሩት መንግሥታትና በቻይና የኢትዮጵያ ሙሉ ባለሥልጣን አምባሳደር ሆነው ሊሾሙ ይችላሉ – ዋናው በገዢው ዘረኛ መንግሥት መታመናቸው እንጂ ችሎታና ዕውቀታቸው ዜሮና ከዜሮም በታች ቢሆን ምንም ማለት አይደለም፡፡ የትውልድ ዝቅጠትን ለመረዳት ከኢትዮጵያ በላይ ጉልኅ ማስረጃ ሊኖር አይችልም – በተለይ ያለፉት 28 ዓመታትና አሁንም ራሱ፡፡

የሁለተኛው ጓደኛየ መረጃ ደግሞ በየመሥሪያ ቤቱ ስለሚንሳፈፉ አማሮች ነው – ይቺ አማራ ፈርዶባት አሁንም በአዲሱ መንግሥት ልክ እንደክርስቶስ እየተወገረች ናት — ለበጎ ነው ግን፤ ታዲያንም መጨረሻዋን ሳታዩ እርግማን አይቅደማችሁ፡፡ በብዙ መሥሪያ ቤቶች ልምድና ችሎታው እያላቸው ሲያቀብጣቸው አማራ ሆነው በመፈጠራቸው ብቻ ከሥራ እየተባረሩ መሆናቸውን መረዳት የሚቻልበት ሁኔታ  ተፈጥሯል – ለዚህ ተግባር ክንውንም “ከላይ ወደታች የወረደ አቅጣጫ ተቀምጧል” ነው የሚባለው ያለ – በወያኔ ቋንቋ፡፡ ቸር ክራሞት፡፡

8 COMMENTS

  1. ዘረኝነት የሚከረፋ የሰው ልጅ ጠላት ነው፡፡ ዘረኝነት ኅሊናን የሚያሳውር እጅግ አደገኛ ነቀርሣ ነው፡፡ ዘረኝነት መድኃኒት ያልተገኘለት በስሜት አምባላይ ፈረስ አስቀምጦ በደመ ነፍስ ሽምጥ የሚያስጋልብ የማኅረሰብና የሀገር ትልቁ ፀር ነው፡፡ ዘረኝነት እስካልተወገደ ድረስ የትኛውም ሕዝብም ሆነ የትኛውም ሀገር በዕድገት ፈቀቅ ሊል አይችልም፡ አማራ አድረጎት ሲገኝ ግን ቅድስና ነዉ፡፡ ምክንያቱም በእምዬ ሚኒሊክ የ5 ሚሊዮኝ ኦሮሞ ጭፍጨፋ ስለታየ! ለነገሩ ኡን አንድ አማራ ከእልቅና ስለተነሳ ነዉ ይህን የዘላበድከዉ እንጂ እነደ ዘመዶችህ በዘረኝነት ካንሰር የተመረዘ የት ይገኝና?

  2. According the statistics of the Ethiopian Airlines more than 40 percent of it’s employees are from Amahara region  about 25 percent from Tigray and only about 6 percent is from Oromia. But still you complain about it more than the Oromo do. You better call it the Airlines of the Amhara people.

    You better call it the Commerical Bank of Amahara instead of calling it Ethiopian Commercial Bank.

    The racists are comparing against the Oromo individuals and people in all fronts. They don’t want to see Chala or Gemachuu as leader. They used to consider the Oromo individuals as their servants and Oromia as their private property. Still they are dreaming to see the Oromo in the sate of serfdom. This guy a comrade of Eskinder Nega. Let me tell you the naked realities, you will never dictate the Oromo people anymore. If you believe in equality try to promote it. Otherwise you will face a great challenge which will stay even for generations. We are in the era of Qeerroos.

  3. በጣም የሚያስደንቀው የአማራ ጠላት በማንኛውም ዘመነ መንግሥት ሐሰተኛ ትርክት እየተቀባበሉ እስካሁን ዘልቀዋል። የፈረደበት እምዬ ምኒሊክ የራስን ጭፍን ዘረኝነትና የበታችነት ስነልቦናን ለማለስለስ መረጃ ያልተደገፈ ፣በተለይ አማራውን አንገት ለማስደፋት የተቀነባበረ ሴራ እየተካሄደ ነው። ሞያ በዘር ሳይሆን በትምህርት እውቀት ብቻ ነው የሚተገበረው። የህወሓት መንግሥት በዚህ አቀንቃኝነቱ 27አመታት ፈጅቶበታል ከውድቀቱ ጋር። አሁን ደሞ ተረኞች ነን ባዮች የዘር ስነስርዓቱ በተዘረጋበት ፣10ወር ባልሞላ ጊዜ ሲቀራመቱ ይታያል። ደግነቱ ከአሁኑ ተነቅቶባቸዋል ለውድቀታቸውም መድረኩን እያሰፉት ነው። ከላይ እነ ገመዳና መሰሎቹ የተባሉትን የሚጽፉት ቅጥረኛ ወሮበላዎች ናቸው።

  4. I have read both comments of my brother’s in spirit. I should say thank you for their precious time and the comment they’ve given, whatever these comments construe due to private life experience and inclination of psychic interests. Have no hard feelings other than sympathetic sense of S. Syndrome.

  5. De-Amharanisation of the whole Ethiopian politics is indispensable and absolutely necessary in order to reform and reshape Ethiopia as a country of multinational state. 

    The politics of one language, one culture  and a single nation is dangerous and cannot be accepted. Don’t forget you lost your war with Eritrea. If you try against the Oromo people, you have no chance. But now temporally you can make noise. That is all what you can do right now.

    According to the current statistics of the Ethiopian Airlines more than 40 percent of it’s employees are from Amahara region  about 25 percent from Tigray and only about 6 percent are from Oromia. But still you complain about it more than the Oromo do. You better call it the Airlines of the Amhara people.

    The racists are campaigning against the Oromo individuals and people in all fronts. They don’t want to see Chala or Gemachuu as leader in any institution. They think that the Oromo have no deserved to lead. They used to consider the Oromo individuals as their servants and Oromia as their private property. Still they are dreaming to see the Oromo in the sate of serfdom. This guy a comrade of the ugly Eskinder Nega. Let me tell you the naked realities: you will never dictate the Oromo people anymore. If you believe in equality try to promote it. Otherwise keep your filthy mouth shut. We are in the era of the Qeerroos.

    Also I recommend you also to read the massages under the following link:

    https://m.facebook.com/100024948421384/posts/350838629091082/

  6. We have not seen anything yet, it is premature to judge and blame on ethnicism. I have not seen any Oromo People migrates to other zones. But others are coming to his area and still blaming him as a bad person for receiving others with a good heart. Whats is wrong with getting educated and becoming Civil Servant? or taking a key responsibilities on nations’ building? as long as fulfilling the formalities needed? Please, stop teasing each other and try to pull out this country from beggary.

  7. I read all the above.To say the real I know,and by some reasons,the number of educated adult peoble in addis is highest from Amhara.If three jobs are declared to be occopied,the candidates will be 4 from Amhara and 1 from Oromo.Then by chance,the three jobs may be for three Amhara candidates due to exam results.Therefore,Oromo says,why only from Amhara,and Amhara says It shoud only by ability.This is the cause for debate.

  8. Dear Habtamu Wubshet,

    What are the criterias of your categorization? I think your not taking about academic achievements. Most probably you are telling us that those from Amahara region speaking amaharic fluently. Thus they fit more for the jobs as those from Oromia.

    This our Ethiopia “which has been treating all her children equally”.

    Still I want to ask the question of obbo Ibsa Gutema which he asked about 55 years ago: who is an Ethiopian?

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.