ጃዋር ከኦዴፓ (ODP)  ጋር አብረን እየሰራን ነው እንዳለው የኦዴፓ (ODP) ሰዎች በበኩላቸው የኦነግን አጀንዳ የራሳቸው አድርገው መንቀሳቀስ ጀምረዋል!!!   (ከህዝባዊ ሰልፉ)

ለሁሉም ግልፅ እንደሚሆነው የኦነግ ተልዕኮ ኦሮሚያን “”ከቅኝ ገዥዋ አቢሲኒያ [ኢትዮጵያ] ነፃ ማውጣት”” ነው። ይህን ተልዕኮውን ደግሞ በድህረ ገፁ ላይ በ’ንግሊዝኛ ቋንቋ በሚከተለው መንገድ ከትቦት ይገኛል። እንዲህም ይነበባል The Oromo Liberation Front (OLF) is a political organization established in 1973 by Oromo nationalists to lead the national liberation struggle of the Oromo people against the Abyssinian colonial rule. Please follow the link herein next for further information.

የኦነግና ደጋፊወቹ ጥያቄ ቅኝ ገዝታናለች ብለው ከሚያስቧት ኢትዮጵያ ነፃ መውጣት ብቻ ሳይሆን የቅኝ ግዛቱ መሪዎችና በዙሪያቸው ያሉ ሰዎቻቸውም በድለውናል ብለው ያስባሉ። በዚህም ምክኒያት ከቅኝ ግዛቱ ጋ የተያያዙ ናቸው የሚሏቸውን የሌላ አከባቢ ተወላጆች ሁሉ “ሰፋሪ” ወይም “መጤ” የሚል ጥልቅ በሆነ ጥላቻ ላይ የተመሰረት መጠርያ ሰጥተዋቸዋል። ዋናው ችግር ያለው ስሞቹ ላይ አይደለም፤ እነዚህ ስሞች የተሰጧቸው የሌላ አከባቢ ሰዎች ጠቅልለው ይውጡልን የሚል እንደምታ ያለው ቅስቀሳ እንጅ።

የኦዴፓ ሰዎች በበኩላቸው “መጤዎች” እና “ሰፋሪዎች” ተብለው በሚታወቁ ነዋሪዎች ላይ እየተሰነዘረ ያለን ስር የሰደደ ጥላቻ በሚገባ ይገነዘባሉ። ይሁን እንጅ ታግለው በማስተካከል አብሮነትን ከማጎልበት ይልቅ ስልጣናቸውን ለማስቀጠል በሚያመቻቸው ሁኔታ እየተጠቀሙበት እንደሆነ በርካታ ማሳያዎችን መጥቀስ ይቻላል። በዚህ ረገድ ሊገለፅ የሚችለው ዋና ማሳያ ሰሞኑን በአዲስ አበባ ዙሪያ ባሉ ለገጣፎን በመሳሰሉ አካባቢዎች “የመጤዎችና “የሰፋሪዎች” ናቸው የተባሉትን ቤቶች በጅምላ በዶዘር ማፍረሳቸው ነው። ሌላው ከዚህ ጋ ተያይዞ ሊነሳ የሚችለው ደግሞ በአንድ በኩል “መጤና ሰፋሪ” በሚሏቸው ዜጎች የተሰሩ ቤቶችን በዶዘር እያፈረሱ በሌላ በኩል ደግሞ የእኛ ናቸው የሚሏቸውን ዜጎች ከሶማሊ ክልልና ከሃረር አከባቢዎች እያፈናቀሉ አዲስ አበባና በአዲስ አበባ ዙሪያ እያሰፈሩ የሚገኙ መሆናቸው ነው።

በነገራችን ላይ የኦዴፓ ሰዎች በዚህ አይነት ሁኔታ የኦነግን አጀንዳ እየነጠቁ የራሳቸው በማድረግ ተግባራዊ እንቅስቃሴ ውስጥ መግባታቸው በዚህ የቤት ማፍረስ ሂደት ብቻ ተወስኖ የሚቀር አይመስልም። ልክ ትላንት በመግለጫቸው ግልፅ እንዳደረጉት ሁሉ አዲስ አበባ የኛ ናት ብለው በበላይነት ከተቆጣጠሩ በኋላ ቀስ በቀስ ደግሞ ሌላውን ህዝብ መጤናሰፋሪነውበሚልለማፈናቀል መሞከራቸውና ጎን ለጎንም መዋቅሩን ሁሉ ኦሮሟዊ ለማድርግ ጥረት ማድረጋቸው አይቀርም። ነግርን ነገር ያነሳዋል እንዲሉ ይህ ኦዴፓ ሰዎች  መግለጫ የተካተተ የአዲስ አበባ የባለቤትነት ጥያቄ / አብይ ጠቅላይ / ከመሆናቸው በፊት ልክ እንደጃዋር ሁሉ እሳቸውም አዲስ አበባ የኦሮሚያ ናት እያሉ ሽንጣቸውን ገትረው ሲከራከሩ የሚደመጡበትን በምስል የተደገፈ ንግግር አይተናል። 

በተጨማሪም እነዚሁ የኦዴፓ ሰዎች የኦሮሚያ ህዝብ ቁጥር ብዙ ነው በሚል ሂሳብ ያለኢትዮጵያ ህዝብ ውሳኔ የኦሮምኛ ቋንቋን የፌዴራል መንግስቱ የስራ ቋንቋ ለማድረግ ተፍ ተፍ እያሉ እንደሆነ እየሰማን ነው። በቅርብ ቀን ባወጡት መግለጫቸውም አፋን ኦሮሞን የፌዴራል መንግስቱ የስራ ቋንቋ የማድርገ ጉዳይን በተመለከተ እየሰራንበት ነው ብለውናል።  በጎጥ ላይ የተመሰረተው ፌዴራሊዝምም ቢሆን ለድርድር እንደማይቀርብ ቁርጥ ያለ አቋም እንዳላቸው በዚሁ ባወጡት መግለጫ ገልፀዋል። ሌሎችም ኦሮሟዊነትን ከሌላው የኢትዮጵያ ህዝብ በላይ ሊያደርጉ የሚችሉ እንቅስቃሴዎች መጥቀስ ይቻላል። በዚህ ረገድ በነጃዋር በኩል እየተሰራበት ያለው የኦሮሚያ የሚድያ ኢምፓየርን በኢትዮጵያ (Media Empire in Ethiopia) የመፍጠር እንቅስቃሴና የኦሮሞ ባህልን ከፍ ከፍ የማድርግ ጅምሮች ሊጠቀሱ የሚችሉ ናቸው።

የብዙ ሰው ልብ እየሰበረ ያለው ደባ ደግሞ እነዚሁ የኦዴፓ ሰዎች ስውር (Unofficial) ሊቀመንበር በሆኑት አቶ ለማ መገርሳ አስተባባሪነትና በነጃዋር ገፊነት ከላይ በተገለፀው መልኩ ሁሉንም ነገር ኦሮሟዊ ለማድርገ እያደቡ በሚንቀሳቀሱበት ወቅት የሰውን ሃሳብ ወደሌላ አቅጣጫ ለማስቀየር ዶ/ር አብይ የኢትዮጵያዊነትና የአንድነት መዚቃዎችን እንዲጫወቱ እየተደረገ መሆኑ ነው። ይህ መሆኑን በደንብ የሚያሳይ አንድ ሃቅ ማንሳት ይቻላል።  ከሳምንታት በፊት የኦዴፓ ሰዎች በፌዴራሊዝም ላይ አንደራደርም የሚል ቁርጥ አቋም እንዳላቸው አሳወቁ። በዚህ የኦህዴድ አቋም ላይ የተላያዩ የህብረተሰብ ክፍሎች ማጉረምረም ሲጀምሩ ደግሞ እንደተለመደው ዶ/ር አብይ የኢትዮጵይዊነት ሚዚቃ እንዲጫወቱ ተልዕኮ ተሰጣቸውና ኢህአዴግን አፍርሰን ሌላ ከጫፍ ጫፍ የሚያቅፍ አገራዊ ፓርቲ እንመሰርታለን የሚል አዝማች ያለው ዘፈን ይዘው ብቅ እንዲሉ ተደረገ።

ይህን ሁኔታ በተመለከተ ሌላም ሃቅ ማንሳት ይቻላል። ኢትጵያዊነት እያሉ ዘወትር እየሰበኩ በሌላ በኩል ግን በእርሰዎ ሊቀመንበርነት በሚመራው የኦህዴድ መንግስታዊ መዋቅር ከቢሮዎ ብዙም ርቀት በሌለው ለገጣፎ ከተማ በማንነት ላይ የተመሰረተ የቤት ማፍረስ እርምጃ ሲወሰድ ለምን መፍትሄ አልሰጡም የሚል እንደምታ ያለው ጥያቄ ሲቀርብላቸው ዶ/ር አብይ የሰጡት መልስ ደግሞ እኔ የኢትዮጵያ መሪ እንጅ ከንቲባ ስላልሆንኩ የተፈፀመውን ነገር አላውቅም የሚል መንፈስ ያለው ነበር። እዚህ ላይ እንደ አንድ ጠቅላይ ሚንስትር በሚያስተዳድሩት አገር እየተፈፀመ ያለን ግፍ አላወኩም በማለታቸው እንዳደጉት አገሮች ከስልጣን ይልቀቁ የሚለውን ጉዳይ ለጊዜው እንተወውና እንደዛ ከሆነ ታዲያ ባለፈው የመከላከያ አባላት ቢሯቸው ድረስ ፑሻፕ ያሰሯቸው ቀን የሰበታና ሌሎችም በአዲስ አበባ ዙሪያ ያለው ህዝብ መንግስቴ ፈረሰ ብሎ ግልብጥ ብሎ መንቀሳቀስ የጀመረ መሆኑን እንዴት አወቁ የሚል ጥያቄ ቢነሳባቸው ምንድን ነው ጥፋቱ??? እረ እየተስተዋለ!!! ለነገሩ አንድ ወቅት ላይ የኢትዮጵያ ህዝብ የመርሳት ችግር አለበት ብለው ሲናገሩ ስለተሰሙ ትላንት የተናገርኩትን ዛሬ ብቀይር የሚያስታውስ የለም ብለው ሊሆን እንደሚችል መገመት ይቻላል። ይሁንና በተናገሩበት ወቅት ሳይረሳ ወዲያው ተፅፎም ቢሆን ስለሚቀመጥ የኢትዮጵያ ህዝብ ማስታወስ ሲጀምር በታሪክ ሊወቅሳቸው እንዳይችል በንግግሮቻቸው ሁሉ ወጥነትን (Consistency) እንደመርህ እንዲይዙ ቢመከሩ የተሻለ ይሆናል።

የኦዴፓ ሰዎች የማታለያ ዘዴ ኢትዮጵያዊነትን እንደውዳሴ ማሪያም መደጋገማቸው ብቻ አይደለም። ከልብ ያልሆነ ህዝባዊነትን ማቀንቀንም ሌላው ማደንዘዣ ዘዲያቸው ነው። ለዚህ ማሳያ የሚሆን አንድ ነገር ላንሳ። ይህም እነጃዋር አንድ ነገር ይጠነስሳሉ። ይህ ጥንስሳቸው እንዲፈላ ደግሞ ለህዝብ በተለይም ደግሞ ቄሮ እየተባለ ለሚጠራ ሃይል ትዕዛዝ ያስተላልፋሉ። ይህ ቄሮ የሚባል ሃይል ደግሞ በዱላም ሆነ በገጀራ ታግዞ የነጃዋርን ጥንስስ ሲያፈላው እነ አቶ ለማና ዶ/ር አብይ የህዝብ ጥያቄ ነውና መመለስ አለበት በሚል መንግስታዊ “ስልጣናቸውን” ተጠቅመው ጥያቄው እንዲመለስ ያደርጋሉ። በነገራችን ላይ የኦዴፓ ሰዎች በዚህ መልኩ የነጃዋር ፍላጎት አስፈፃሚ ባይሆኑና ለሌላውም የኢትዮጵያ ህዝብ የቆሙ ቢሆን ኖሮ ገና የኮንዴሚንየም ቤቶቹ ግንባታ ሲጀመር “የኦሮሚያ መሬት ላይ” ስለሆነ በኋላ ችግር ስለሚፈጥር ሊገነቡ አይገባም ብለው ተቃውሟቸውን ማንሳት ይችሉ ነበር። የነዚህ የኦዴፓ ሰዎች ጭንቀት ግን የሌላው የኢትዮጵያ ዜጋ ስቃይና እንግልት ሳይሆን የነጃዋርና መሰሎቻቸው ፍላጎት በባሌም በቦሌም ተሂዶ መሟላት መቻሉ ላይ ነው።

ወጣም ወረደ  ይህን የተለመደ የማታለያ ዘዲያቸውን የኢትዮጵያ ህዝብ እየተረዳው መጥቷል። ቁምነገሩ ያለው እስከመቸ ነው እነዚህን የመሳሰሉ የማታለያ ዘዴዎች መሸከም የምንችለው የሚለው ነው። እስከመቸስ ነው አዲስ አበባ የኢትዮጵያውነት መያዣ ሆና የምትቀጥለው? እነዚህና መሰል ጥያቄዎች መልስ የሚሹ አንገብጋቢ ጥያቄዎች ናቸው።  

በአጠቃላይ ይህ ዶ/ር አብይና አቶ ለማ መገርሳ እያቀነቀኑት ያለው የኢትዮጵያዊነትና የአንድነት ሙዚቃ ኦሮሟዊነትን ለማንገስ እንጅ ከልባቸው እንዳልሆነ ከድርጊቶቻቸው እየተረዳን መጥተናል። የኦዴፓ ሰዎች አክራሪ ብሄርተኛ በሆኑት በነጃዋርና መሰሎቻቸው እየተመሩ አዲስ አበባን ሙሉ በሙሉ ተቆጣጥረውና ኦሮምኛን የፌዴራል መንግስቱ የስራ ቋንቋ አድርገው ኢትዮጵያን በበላይነት ለመምራት በተጠናና በተቀናጀ መንገድ እየተቀሳቀሱ እንደሚገኙም ተገንዝበናል። ይህ የማይሳካላቸው መስሎ ከተሰማቸው ደግሞ አንቀፅ ሰላሳ ዘጠኝን በመጠቀም ከኢትዮጵያ ለመገንጠል እንደሚሞክሩም ለመረዳት አይከብድም። በነዚህና መሰል ምክንያቶች የተነሳ ነው የኦዴፓ ሰዎች ከነጃዋር ጋ በመተባበር የኦነግን አጀንዳዎች የራሳቸው በማድረግ እየተንቀሳቀሱ ነው አያልን ያለነው።

 

2 COMMENTS

  1. No PM Abiy Ahmed without Jawar. You cannot make a division among Oromo elites.

    We demand justice and human dignity for the Oromo people. Stop accumulating wealths at the cost of social, economic and cultural values of the Oromo people.

    The naked truths and the constitution of the federal republic of Ethiopia are by our side. We are not demanding unconstitutional rights. In collaboration with the TPLF you have been evicting the Oromo in the past 28 years illegally. You have been accumulatin wealths at the cost of the millions of Oromo unconstitutionally. You have your own. Additionally you want get a great portion of Oromia at the expense the ordinary Oromo families. Such deals cannot work anymore.

    Your cheap propoganda will not help you. No power on earth will stop the Oromo people from fulfilling its aspirations as a freedom loving nation to regain its human dignity and rights. It is up to you to respect this great nation for the sake of your own benefits. For durable solutions use your mind as a rational thinker, but don’t use your belly like a big.  

  2. You put it correctly. Abiy, Lemma, Dawad and the rest of the bunch are one. No difference. Few of us have been warning the public not to be swayed with empathy rethoric of medemer. It is time the people wake up and wage a sustained peaceful struggle to overthrow this menace from the yoke of the Ethiopian people.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.