አማራ፣ ግንቦት ሰባትና ኢሣት (?)- አሊጋዝ ይመር (ከላኮሜልዛ)

የማንም ደጋፊም ሆነ ተቃዋሚ አይደለሁኝም፡፡ ትዝብቴን ግን እጽፋለሁ፡፡ መፍቴም ነው፡፡

የማንም ደጋፊም ሆነ ተቃዋሚ አይደለሁም፡፡ የሚሰማኝን ግን እንደ አንድ ዜጋ ባመቸኝ መንገድ እገልጻለሁ፡፡  ይህ ደግሞ በመሠረቱ ማንም የማይሰጠኝ ወይም የማይነገፍገኝ ተፈጥሯዊና ዜግነታዊ መብት ነው፡፡ ይህ መብት ግን በወሮበላ የመንግሥት ሹመኞች ስለሚደፈጠጥ ብዙዎቻችን ዝምታን እንመርጣለን፡፡ ዝም ያለ ሁሉ ደግሞ ምንም የማያውቅና ስሜት-አልባ ነው ማለት አይደለም፡፡

የኢሣት ትንታጎች -ካሣሁን፣ ኤርምያስና ኢየሩሣሌም፣ ሀብታሙ- በዚህች ይህችን ማስታወሻ በጫጫርኩባት የዛሬዋ ምሽት ማለትም በመጋቢት ኪዳነ ምሕረት 2011ዓ.ም ያቀረቡትን የዕለታዊ ዝግጅት በሚገባ ተከታተልኩ፡፡ ኤርምያስ በአማራ አካባቢ እንቅስቃሴዎች ተስፋ የቆረጠ ይመስላል፡፡ ዝግጅታቸው በሁለት አጀንዳዎች ላይ ነበር፡፡ በደሴውና በባህርዳሩ የተቃዋሚ ተቃዋሚዎች ጉዳይና በታምረኛው ጠ/ሚኒስትር የሰሞኑ አስደማሚ የተባለ ግን ያልሰማሁትና ልሰማውም ፍላጎት የሚከዳኝ ንግግር ዙሪያ፡፡ ተወያዮቹ በተለይ ሀብታሙና ኤርምያስ ትግስት አጥተው የመናገር ተራቸው እንኳን እስኪደርስ ይቁነጠነጡ ነበር – የጤና እስከማይመስል ድረስ፡፡ የደሴና የባህርዳር ዐማጥያንን ለመወረፍ ቃላት እንዳጠሯቸው ከፊት ገጽታቸውና ከአኳኋናቸው መረዳት አይከብድም፤ በዚያ መልክ ማንንም ሲወርፉና ሲዝቱበት ተመልክቼ አላውቅም፡፡ ቢጨንቃቸው የቀደመውን አሮጌ ሜንጫ ከዛሬውና ብሶት ከወለደው ክላሽን አሳንሰው በማየት ሜንጫና ገጀራ ይዞ ወደ አደባባይ መውጣት እንዲያውም ተቃውሞን ከመግለጽ አኳያ የተሻሉ አማራጮች እንደሆኑ በኩራት መሰከሩ – ምን ጥልቅ አድርጎኝ የአንድን ሰው የመሞቻ መሣሪያ የመምረጥ መብት እዳፈራለሁ ብዬ እንጂ አንገት የሚበጥስን ሜንጫ ሰውነትን ከሚበሳ ክላሽን ጋር ማወዳደር ያስፈለገበት ምክንያት ፈጽሞ አልገባኝም – የአማራን እንደለመደው ፀጥ ረጭ ብሎ መገዛት አስፈላጊነት ለማጠየቅ ካልሆነ በስተቀር፡፡ ያኔ በስፋት እንደሚነገረው ኢሣትና አንዳንድ የግዘጣ ሙያ ባልደረቦቹ በርግጥም የግንቦት ሰባት አባላት እንደሆኑ ጠረጠርኩ፡፡ ጋዜጠኝነትና የፖለቲካ ድርጅት ሲገጣጠሙ አየሁ፡፡ “ፊስቱላ” ማለት አሁን ነው፡፡

ያስጠረጠረኝ ደግሞ ኤርምያስ ዘመድ የሞተበት ያህል ፊቱን በሀዘን ከስክሶ ባልተለመደ ፍርደገምድላዊ ፍርዱ “የአማራ ክልል መንግሥት ባህርዳር ላይ ለግንቦት ሰባት ስብሰባ መጨናገፍ ይቅርታ መጠየቅና ‹አሸባሪዎቹ›ን (የኔ ቃል ናት) ለፍርድ ማቅረብ አለበት፡፡” ብሎ በልበ ሙሉነት መናገሩ ነው – ብአዴንን መናቅ እንዲህ ነው፤ ኦህዲድን ወይም ኦነግን ወይም ሕወሓትን ቢሆን እንዲህ እንደማይላቸው ሞቶ በሞቶ እርግጠኛ ነኝ፡፡ ለማንኛውም ለርሱ የነበረኝን ፍቅርና አድናቆት ለጊዜው ደበቅ አድርጌ ጀብድ የተሞላበት ደፋርነቱን አደነቅሁለት፡፡ ይህችን “ይቅርታ ጠይቁ” የምትል የወያኔ ዜማ እንዴት አሁን ሊጠቀምባት እንደፈለገም ሌላ ጥርጣሬ ገባኝ፡፡ እርሱም “ባለቤቱን ካልናቁ አጥሩን አይነቀንቁ” እንዲሉ መጋቢት 17 ቀን 81 ዓ.ም በጥቂት  ኦሮምኛ ተናጋሪ ምርኮኛ የደርግ መንግሥት ወታደሮች ሰሜን ሸዋ ደራ ከተማ ላይ በሕወሓት የተጠፈጠፈው ኦህዲድ እንኳን ባቅሙ የሚጫወትበት ብአዴን በፈለግነው መንገድ ብንተቸው ምንም አያመጣም ከሚል ንቀት የመነጨ የሥነ ልቦና መነፋፋት መሆን አለበት፡፡ ግን ያ እነሱ በሚረዱት መልክ የተረዱት ብአዴን እነሱ በተረዱት መልክ የወረደ ቁመና እንዳለውና እንደሌለው እየቆዬን የምናየው ይሆናል፡፡ ይህ የኢሣት ንቀት በራሱ ትልቅ የቁጭት መንስኤ ሆኖት ራሱን ሊለውጥ ይገባል፡፡ “ይቅርታ ይጠይቅ!” ትልቅ መነሳሳት ይመስለኛል – ድፍረት ላለማለት ማሰቤን ተረዱልኝ፡፡

በነገራችን ላይ የኢሣትን ሀገራዊ አስተዋፅዖ በዚህች የተለዬች አጋጣሚ ሳቢያ ማንኳሰስ አልሻም፡፡ ማንም በዚህ ነጥብ ዙሪያ ቢከራከረኝ አንገቴን እሰጣለሁ፡፡ በተለያዬ ግላዊም ይሁን ድርጅታዊ የዓላማና ፍላጎት መለያየት ምክንያት ኢሣትን ጠላነውም ወደድነውም ለሀገራችን ትልቅ መስዋዕትነትን ከፍሏል፤ እየከፈለም ነው፤ ለእምዬ የክፉ ቀን ደራሽዋ አንዱ የቁርጥ ቀን ልጅ ነው፡፡ ስህተት ሊሠራ ይችላል – ምድራዊ ነውና ፍጹምነትን አንጠብቅም፤ ከጠበቅንም የዋህነት ነው፡፡ ስለዚህ በአንድ ወይ በሌላ አጋጣሚ ቢሳሳት መጠቆምና እንዲያስተካክል ማድረግ እንጂ ፈጽሞውን ማውገዝ ተገቢ አይደለም፡፡ ሚዲያውም(ኢሣትም) በሚደርገው አስተዋፅዖና ሕዝባዊ ፍቅር ሊደሰት እንደሚገባው ባምንም ሊኩራራና በሰይናጣዊ የአይተኬነት ስሜት በዕብሪት ሊኮፈስ እንደማይኖርበት እንደሃሳብ ማንም ቢሰነዝር በበኩሌ አልቃወምም፡፡ አንዱ የሀገራችን ጠላት በውዳሤ ከንቱ መጀነንና ጥሩ ሥራን ማጠልሸት መሆኑን ስለምረዳ ነው እንዲዚህ የምለው፡፡ ምሥጋና አማሳኝ የሚሆንባቸው ብዙ አጋጣሚዎች አሉና፡፡…

ራስን ማወቅ አንዳንዴ ጥሩ ነው፡፡ ግንቦት ሰባትን ደግፎ ያን ያህል በአማራ ሕዝብ ላይ መሣለቅ አግባብ አይደለም፡፡ ይህንን ስልም ደሴና ባህርዳር ላይ የተሠራው የተቃዋሚ ተቃዋሚ ተግባር ትክክል ነው እያልኩ አይደለም፡፡ ዐማጥያኑ ሙሉ በሙሉ ተሳስተዋል፡፡ የ “ጋዜጠኞቹ” አተቻቸት ግን ይህ አማራ-ጠል ድርጅት በሌሎች ክልሎች ተመሳሳይ የ “አናስገባም ሠርገኛ እደጅ ይተኛ” ዓይነት ጽኑ ተቃውሞ ሲገጥመው ይህን ያህል እሪ አላሉም – ለምን?  ምነው ትችታቸውና ውረፋቸው በአማራው ሲሆን እንዲህ ጠነከረ? የአማራው አካባቢ ባጣ ቆይኝ ነው ያላቸው ማን ነው? ምንም እንኳን ግንቦት ሰባት በተለይ በንግግር ደረጃ አማራውን የሚያስከፋ ነገር ባህርዳር ላይ ለጊዜው በከሸፈው ስብሰባ ላይ ይናገራል ብለን ባንጠብቅም እንደአጠቃላይ ግን የአማራው አካባቢ እንደጋለሞታ ቤት ማንም እንደፈለገ ኮተቱን የሚያራግፍበት መግላሊት የሌለው ድስት ሊሆን ይገባዋል ወይ? ይህ የሲሞቅ በማንኪያ ሲቀዘቅዝ በእጅ ዓይነት የግንቦት ሰባት አካሄድ እንዴት ሊያዋጣ ይችላል? ጎበዝ ከሆኑ ነቀምትን ማን ያዘባቸው? “ወንድ” ከሆኑ ደምቢዶሎን ማን ያዘባቸው? አማራን ዋስ ጠበቃ የሌለውና ቀን የጣለው ነው ብለው ይሆን? አዎ፣ እውነታቸውን ነው – “የወደቀ ግንድ ምሣር ይበዛበታል”፡፡ ግን ለዕብሪተኛም ዕብሪተኛን ያዝበታልና “አይደፈሬው” ግንቦት ሰባት እነሱው ራሳቸው ጭንቅላቱን ያዞሩት የቀድሞ ታጋያቸው እነሱንም ናላቸውን አዞራቸው – የዘሩት ይበቅላል፡፡ ስብሰባውንና የስብሰባ አዳራሹን የፈቀዱት የክልሉ ባለሥልጣናት ግን እጃቸው ዐመድ አፋሽ ሆነና ይቅርታ እንዲጠይቁ በቀጭን ጌታ አቤቶሁን ኤርምያስ ለገሠ ታዘዙ – ኤርሚን ለመጀመሪያ ጊዜ ታዘብኩትኝ፡፡ የነገ ወያኔ ከዛሬ ኦህዲድና ከትናንት ወያኔ ካልተማረ ፈርዖናዊ አገዛዙ የፀና አይሆንምና የግንቦት ሰባት ካድሬዎች በ“እንዴት”ና “ለምን” ተደፈርን እንዲያ መብከንከናቸው የማይጠበቅ አልነበረም፡፡

በደሴም ሆነ በባህርዳር ወጣቶቹ ያደረጉት ነገር ዘመናዊ አይደለም፡፡ ያደረጉት ከወያኔ የተማሩትን ነው፡፡ የፈጸሙት ከሌሎች ክልሎች ያዩትን ነው፡፡ አዲስ ነገር አልፈለሰፉም፡፡ ስህተትን በስህተት ለመመለስ ያደረጉት አካሄድ ለውግዘትና ለሰላ ትችት እንደዳረጋቸው እረዳለሁ – መተቸታቸውም ትክክል ነው፤ እንደዚህ ዓይነት ነገር መድገም የለባቸውም፤ ችግራቸው ግን መፈታት አለበት፡፡ እንደዚያ ያደረጉት ሌላ አማራጭ በማጣታቸው ሊሆን እንደሚችል ግን እገምታለሁ፡፡ በሌሎች ቦታዎችም ሲደረግ የታዘቡት እንደዚያ በመሆኑ የነሱ ከናዝሬትና ከአዋሣ የተቃዋሚ ተቃዋሚዎች ድርጊት ባልበለጠ ሁኔታ ፀረ አማራ ነው ብለው የፈረጁትን ድርጅት በክልላቸው እንዳይንቀሳቀስ እርምጃ መውሰዳቸው ያን ያህል ብርቅ ሆኖ በኢንተርሃሞይና ቱትሲ የበረሮ ታሪክ መገለጽ አልነበረባቸውም፡፡ እንዲያውም ለማስፈራሪያነትና ለመደራደሪያነትም ጭምር ድርጅቱን ከጠቀሙ በኋላ እንደኪራይ ዕቃ የትም የተጣሉ ዜጎች ስብሰባን በመበተን ብቻ መቆማቸው ያስመሰግናቸዋል፡፡

ግራም ነፈሰ ቀኝ የግንቦት ሰባት ካድሬዎች ትንሽ የተደናገጡና በዚያም ሰበብ ወጥ ወደ መርገጥ የተሸጋገሩ ይመስላል፡፡ ስህተት ነው፡፡ መጀመሪያ ሕዝብን ማፍቀር ይገባል፡፡ ሕዝብን እየናቁ “ለአንቺ ነው ኢትዮጵያ…” ብሎ መዘመር ለትዝብት ይዳርጋል፡፡ እነዚያ ዜጎች እኮ ኢትዮጵያውያን ናቸው፡፡ የድርጅቱን ኪስ ከሞሉ በኋላ በዜሮ የትም ሊወረወሩ አይገባቸውም፡፡ ድርጅቱን እንዲህና ከዚህም በላይ የምንወቅሰው ብዙ ስህተት ስለሠራና ራሱን ከማየትና ከማስተካከል ይልቅ በትዕቢት እየተወጠረ በ “ምን ታመጣለህ” አስተዋይነትን የተጠየፈ ቤት-አፈራሽ ዕብሪታዊ ድንቁርናው ስለሚኮፈስ ብቻ ነው፡፡ እንጂ የዜግነት ፖለቲካን ማራመዱ ወርቅ ነው፤ የኢትዮጵያ ችግር የሚፈታውም በዚያ አቋም ውስጥ መሆኑ ግልጽ ነው፡፡ ነገር ግን በማስመሰልና አንዱን ነገድ አርቆ ሌላውን በማቅረብ ሳይሆን ለሁሉም እኩል አመለካከት ሲኖር ነው፡፡ በአማራ ላይ እያሾፉ ደግሞ በክልሉ ለማዘዝ መሞከር አያስኬድም፡፡

ለመሆኑ ግንቦት ሰባት ከሥጋው እየጦመ ከመረቁ አውጡልኝን ለምን መረጠ? አማራን እየጠላ በሌሎችና “በሚወዳቸው ክልሎች” የተነፈገውን ዕድል ለምን በሚጠላው ሕዝብ መሀል ሊያገኝ ፈለገ? ምን ዓይነት ዕንቆቅልሽ ነው? ግንቦት ሰባትም ዴሞክራሲያዊ ድርጅት ሆኖ ሞቶ ሌሎችን በዴሞክራሲን ማቀጨጭ ወንጀል ሲከስ ሀፍረት የለውም፡፡ ወግ ነው ሲዳሩ ማልቀስ፡፡ ለመሆኑ እርሱን የሚተቹ አስተያየቶችንና ዘገባዎችን በሚዲያ አውታሮቹ ያወጣል? እርሱ የማይሆነውን ከሌሎች ለምን ይጠብቃል ታዲያ? እንደግንቦት ሰባት ትዕቢተኛና ቂመኛስ ይኖር ይሆን? ወያኔን ለምን እንጠላለን? በሸረኝነቱና በተንኮሉ አይደለምን? ሌሎችን በኢ-ዲሞክራሲያዊነት ከማበሻቀጥ በፊት በሠሩት ስህተት መጸጸትና ሕዝብን ይቅርታ መጠየቅ ተገቢ ነው፡፡ ብዙ ዝግንትል ገመና ይዞ ሌላውን መውቀስ በብርጭቆ ቤት ውስጥ እየኖሩ ድንጋይ ለመወርወር ቅድሚያውን እንደመውሰድ ነው፡፡

በነገራችን ላይ የኢሣትን ሀገራዊ አስተዋፅዖ በዚህች የተለዬች አጋጣሚ ሳቢያ ማንኳሰስ አልሻም፡፡ ማንም በዚህ ነጥብ ዙሪያ ቢከራከረኝ አንገቴን እሰጣለሁ፡፡ በተለያዬ ግላዊም ይሁን ድርጅታዊ የዓላማና ፍላጎት መለያየት ምክንያት ኢሣትን ጠላነውም ወደድነውም ለሀገራችን ትልቅ መስዋዕትነትን ከፍሏል፤ እየከፈለም ነው፤ ለእምዬ የክፉ ቀን ደራሽዋ አንዱ የቁርጥ ቀን ልጅ ነው፡፡ ስህተት ሊሠራ ይችላል – ምድራዊ ነውና ፍጹምነትን አንጠብቅም፤ ከጠበቅንም የዋህነት ነው፡፡ ስለዚህ በአንድ ወይ በሌላ አጋጣሚ ቢሳሳት መጠቆምና እንዲያስተካክል ማድረግ እንጂ ፈጽሞውን ማውገዝ ተገቢ አይደለም፡፡ ሚዲያውም(ኢሣትም) በሚደርገው አስተዋፅዖና ሕዝባዊ ፍቅር ሊደሰት እንደሚገባው ባምንም ሊኩራራና ለትዝብት በሚዳርግ የአይተኬነት ስሜት ሊኮፈስ እንደማይኖርበት እንደሃሳብ ማንም ቢሰነዝር በበኩሌ አልቃወምም፡፡ አንዱ የሀገራችን ጠላት በውዳሤ ከንቱ መንጠባረርና ጥሩ ሥራን ማጠልሸት መሆኑን ስለምረዳ ነው እንደዚህ የምለው፡፡ ምሥጋና አማሳኝ የሚሆንባቸው ብዙ አጋጣሚዎች አሉ፡፡

በቀጣዩ ጊዜ ስለግንቦት ሰባት አማራ-ጠልነት ያሉኝን ማስረጃዎች ከሥሩ ጀምሬ እገልጻለሁ፡፡ “stay tuned” ይላሉ የፈረንጅ ጋዜጠኞች – እኔም አልኩት፡፡ aligazyimer@gmail.com

2 COMMENTS

  1. The hooligans of the so called ESAT TV try to sell themselves as human right defenders and ture journalists. They make here a fake show. They promote hatreds and divisions amongst different groups.

    Their poor discourse has nothing to do with the reality at hands. The changes in Ethiopia came with the bitter struggles of the beloved Oromo children. Don’t worry they will also protect it bravely.

    Cheap propoganda  is not helpful. No power on earth will stop the Oromo people from fulfilling its aspirations as a freedom loving nation to regain its human dignity and rights. It is up to you to respect this great nation for the sake of your own benefits.   

    Let me make it clear: The malicious politics will never work in the new Ethiopia. The scramble for Oromia like the Menilik’s era is no more possible. The  persistent stubbornness and greediness of the ultra nationalists will help even more as a fuel in strengthening and speeding up the de-Amaharaization of the whole Ethiopian politics in order to substitute it with the politics of a true multinationalism. 

    While one is pointing to the others with one of his  fingers, three of his fingers are pointing at himself. Stop hypocrisy! First of all  one has to clear himself. The stupid journalists of ESATTV have been waging war on the Oromo people since its existence. They have been campaigning against the beloved Oromo  leaders like Obbo Lemma Megerssaa, Takle Uma, Jawar Mohammed and others. But such nonsense will be helpful even for strengthening the unity of the Oromo people.

  2. Gamadaa, you are reviled as Weyanes agent you are far from being Oromo and you are not Oromo. The article written by Aligaz Omar is full of rabish and ESAT has condem and critcised OLF, OPDO in many occasions for tragedies that ocuured to the people of Gedio, Oromos in Somalie region, what happened to Tigray people in Gonder and to Amharas in Gogie. I am afraid both Aligaz and Gemedaa you smell Weyane.
    Suggestion for Gemeda find a new name.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.