ኢትዮጵያችንን የጋራ አገር የማድረግ ሂደት ፈጽሞ ለአንዱ ብሄር ብቻ የሚተው ጉዳይ አይደለም

“የኦሮሞ ብሔርተኞች የሚታገሉት የኦሮሞ አባ ገዳዎች ባለርቱን እያፈለሱና ማንነቱን በኃይል እየቀየሩ እንደ ዋርካ ተስፋፍተው በያዙት ለምለሙ የጋራ አገራች እምብርት ላይ ያበቀሉትን ኦሮምያ የሚባል እባጭ የኦሮሞ አገር ብቻ ለማድረግ ነው። አማራ ደግሞ የሚታግለው መላው የኢትዮጵያ ክፍል ሁሉም ኢትዮጵያዊ ማንነቱ ተከብሮ በእኩልነት የሚኖርበት የጋራ አገር እንዲሆን ነው። ” የሚል መደምደሚያ አንብቤ አልመስልህ ስላለኝ ከሌሎች ጋር ልወያይበት አሰብኩኝ።

በመጀመሪያ ከበጎው የጋራ መነሻ ሃሳብ እንነሳ።

“አማራ የሚታገለው መላው የኢትዮጵያ ክፍል ሁሉም ኢትዮጵያዊ ማንነቱ ተከብሮ በእኩልነት የሚኖርበት የጋራ አገር እንዲሆን ነው።”

ይህ ከባድ ሃቅ ነው። አማራው ሕብረተሰባችን በመላዋ ኢትዮጵያ በየአከባቢው ካሉ ማህበረሰቦች ጋር እንዴት በፍቅር ተከባብሮ መኖር እንዳለበት አውቆ በሰላም ተጋብቶና ተዋልዶ በመኖር ላይ ይገኛል። አቻም የገለጸውን ሃሳብ አማራ በሚለው ቦታ አብን የሚባለውን ፓርቲ ስናስገባበት ትርጉሙ ሙሉ በሙሉ ይቀየራል። እውነትነቱንም ያጣል።

አማራው ኢትዮጵያን የጋራ ሃገር ለማድረግ ሲታገል አንድ ከጉራጌ ማህበረሰብ የተወለደ ኢትዮጵያዊ የፖለትካ መሪ ከባህር ዳር ነዋሪዎች ጋር እንዴት አድርገን ኢትዮጵያችንን የጋራ አገር እንድትሆን እንታገል የሚል ውይይት ለማድረግ ቢመጣ ኢትዮጵያዊነትን ለእኛ መስበክ አቅም የለህም ተብሎ ሊገፋ ወይስ የተወሰኑ የአካሄድ ልዩነቶች ቢኖሩብንም ትልቁ ግባችን “የጋራ አገር” የሚለውን አተልቀን በመያዝ እንኳን ደህና መጣችሁ ተብሎ እንደ ዓላማ ጓድ ልንቀበለው ይገባ ነበር? ከዝህና ከበርካታ ሌሎች ነጥቦች ጋር አያይዘን አብን የተባለው ክልላዊ የፖለትካ ቡድንን የአማራው ነጸ ብራቅ አድርገን ካየነው አማራ የሚታገለው ለጋራ አገር ነው የሚለውን ያበላሽብናል።

ኢትዮጵያን የጋራ አገር የማድረግ ፍላጎቱ ያላቸው 84ቱም ብሄሮች ናቸው እንጂ አማራው ብቻ አይደለም። አቻም በተለይ በአጻጻፍህ ላይ የኦሮሞን ማህበረሰብ በሙሉ በአንድ ቅርጫት ውስጥ ከተህ ከዝህ ከጋራ አገር ከሚለው እሳቤ ያወጣህበት አካሄድ ያለውን እውነት አይገልጽም። ለምን መሰለህ? በኢትዮጵያዊነት ትግል ውስጥ እንኳን ኦሮሞ የሆኑ ወገኖቻችን በቆራጥነት ለጋራ ሃገር የሚታገሉ የኦሮሞ ልጆች አውቃለሁኝ። ዛሬ እነ ዶ/ር አብይ በልባቸው ውስጥ ስላለው ድብቅ ዓላማ ብለህ ልትከራከረኝ ብትችልም በዓለም አደባባይ ላለፉት 27 ዓመታት አንዴም ኢትዮጵያ የምትባል ቃል በኩራት ሳይገለጽባት የዘለቀችውን ሃገራችንን በ 30 ደቂቃ ንግግር ውስጥ 40 ጊዜ ስሟን የሚገልጹ መሪዎችን ከኦሮሞ ማህበረሰብ እያየን ነው።

በረዥሙ ሃተታዬ ውስጥ በፍጹም እንዳይዘነጋብኝ የምፈልገውና አብዛኞቻችን የምንስማማበት የጋራ ሃሳብ ‘ኢትዮጵያን የጋራ አገር” የማድረጉ ሃሳብ ነው። ይህ የአቻም ሃሳብ የእኔም ሃሳብ የብዙዎቻችን እንደሆነ ካልዘነጋን ከዝህ ቀደም በነበረን የታሪክ ዕይታ ወይም የታክቲክ መለያየት ተነስተን ሜዳውን የንትርክ እንድናደርገው አልመኝም። ይልቁንስ ትልቁ ራዕይ ላይ ኣተኩረን የጋራ አገር ለመመስረት ሃላፊነቱን በሙሉ ለአማራው ሕዝብ ልንተወው መታሰብ የለበትም በሚለው ብንመክር?

ለምን የጋራ አገር በአማራው ብቻ ሊገነባ አስፈለገው? አማአኣው ኢትዮጵያ የጋራ አገር መሆን አለባት ሲል ከኦሮሞ ከምባታ አፋር ጉራጌ ወዘተ ጋር ተጣምሮ ኢትዮጵያ ብሎ ቢነሳ ለምን ስህተት ይሆንበታል?

አቻም ኢዜማ ምስረታ ላይ አማሮች ከሌሎች ኢትዮጵያዊያን ጋር በመሆን ኢትዮጵያን የጋራ አገራችን እናድርጋት ብለው መነሳታቸውን በሚገባ ተቃውመህ ጽፈሃል።

ከአማራው ውጪ ያለነው ኢትዮጵያዊያን እንዴት እጃችንን ኣጣምረን ተቀምጠን አመራው ሌሎቻችንን ኣግልሎ የመታገያ ድርጅቱንም በአማራ ስም ብቻ ሰይሞ መላዋን ኢትዮጵያ የጋራ አገር እንዲያደርግልን ተማምነን እንቀመጣለን? በዝህ መልኩ የጋራ አገር ናትና ተቀበሏት የምንባለውን ሃፈራችንን በምን ሂሳብ የጋራ አገር ናት ብለው ሊረከቡን ይችላሉ ተብሎስ ታሰበ?

ወንድሜ አቻም የጋራ አገር የምንገነባው በጋራ መክረን እንጂ በምን ዕዳው አማራው ለብቻው ተደራጅቶ በደሙ የጋራ አገር ሊሰጠን ይችላል? ድሮም አልሆነም ዘንድሮም ሊሆን ኣይችልም።

መላው ኢትዮጵያዊያን በጋራ በመደራጀት የጋራ አገራችንን በእኩልነት ተጠቅመንባት ተከብረንባት አክብረንባት የምንኖርባትን ድሞክራሲያዊት አገር እንገንባ።

Achamyeleh Tamiru ያስነበበን ሙሉ መልዕክት የሚከተለው ነው።

ፍርደ ገምድሉ የኢትዮጵያ ፖለቲካ

ተንታኝ ነኝ የሚል ሁሉ በያገኘው መድረክ እየወጣ የኢትዮጵያን ፖለቲካ የአማራና የኦሮሞ ልሂቃን ጫፍና ጫፍ ይዘው እየጎተቱ ዋልታ ረገጥ ያደረጉት አስመስሎ ሲያቀርበው ይውላል። ይገርማ! የኦሮሞ ብሔርተኞች የሚታገሉት የኦሮሞ አባ ገዳዎች ባለርቱን እያፈለሱና ማንነቱን በኃይል እየቀየሩ እንደ ዋርካ ተስፋፍተው በያዙት ለምለሙ የጋራ አገራች እምብርት ላይ ያበቀሉትን ኦሮምያ የሚባል እባጭ የኦሮሞ አገር ብቻ ለማድረግ ነው። አማራ ደግሞ የሚታግለው መላው የኢትዮጵያ ክፍል ሁሉም ኢትዮጵያዊ ማንነቱ ተከብሮ በእኩልነት የሚኖርበት የጋራ አገር እንዲሆን ነው።

በኦሮሞ ብሔርተኞችና በአማራ ልሂቃን መካከል ያለው ልዩነት ምድሩንም ሰማዩንም የኦሮሞ ብቻ ነው በሚሉ አግላዮችና መላው ኢትዮጵያ የጋራችን ነው በሚሉ አካታቾች መካከል ያለ ልዩነት ነው። የኢትዮጵያን ፖለቲካ እንተነትናለን የሚሉ አፍ ነጠቆች ግን መላው ኢትዮጵያ የጋራ አገራችን ነው የሚሉትን አካታች የአማራ ልሂቃንና ሰማዩንም ምድሩንም የኛ ብቻ ነው የሚሉ አግላይ የኦሮሞ ብሔርተኞችን ጠርዝና ጠርዝ ላይ የቆሙ፤ የኢትዮጵያን ፖለቲካ በመወጠር ወደ ግጭት እንዲያመራ እያደረጉ ያሉ እኩል አጥፊ ኃይሎች አድርገው ይከሷቸዋል። ይህ ግፉዓንንና ግፈኞችን እኩል የማውገዝ ፍርደ ገምድል ብያኔ የጭካኔ አስተሳሰብ ከማለት በስተቀር በሌላ ቃል ሊገልጸው አይችልም።

ለአቅመ ማሰብ የደረሰ ማንም ሰው የአባቶቻችን አገር ኢትዮጵያን በጋራና በእኩልነት የምንኖርባ የሁላችን ርስት ለማድረግ የኢትዮጵያን ሰንደቅ ዓላማ ተሸክመው የሚታገሉንና ባለርስቱን ከቤቱና ካገሩ እያፈለሉ፤ ሀብትና ንብረቱን እየወረሱ ምድሩንም ሰማዩንም «የኦሮሞ ብቻ» ለማድረግ አገር ለመመስረት የፈጠሩትን አርማና ቆራጣ ካርታ አንጠልጥለው ሲዞሩ የሚውሉ ናዚዎችን በእኩል ሚዛን ሊያስቀምጥና እኩል የኢትዮጵያ ፖለቲካ ችግሮች አድርጎ ሊያቀርባቸው አይችልም።

የኢትዮጵያ ብቸኛው ችግር የኦሮሞ ብሔርተኞች ናዚያዊና የትግራይ ብሔርተኞች ፋሽስታዊ ፖለቲካ ነው። አካፋውን አካፋ፤ ዶማውን ዶማ ለማለት የማይደፍሩ ተንታኝ ነን ባዮቻችን ግን ሰውን ከርስቱ እያፈለሱ ሰማዩንም ምድሩንም የኦሮሞ ብቻ ለማድረግ ቆራጣ ካርታ ይዘው የሚዞሩን ናዚዎች ፖለቲካ ሕጋዊ ለማድረግ [legtimacy ለመስጠት] ምናባዊ የአማራ ጽንፍ ፈጥረውላቸው false equivalce ሲሰሩ ይውላሉ።

ኢትዮጵያ የጋራ አገራችን ናት፤ ውስጣቸው የሌለችዋን ኢትዮጵያ እንመራለን የሚሉ የመንደር ብሔርተኞች ለኢትዮጵያ መንበረ መንግሥት አይመጥኑም፤ ዜጎች በአገራቸው እየኖሩ አገርህ ሂድ ተብለው መፈናቀላቸው ይቁም፤ አፓርታይድን ተቋማዊ ያደረጉት የጎሳ ክልሎች ይፍረሱ፣ ሕገ መንግሥት ተብዮው የቅሚያና የዘረፋ ደንብ ይሻር፣ ወዘተ የሚሉት ሰብዓዊና ፍትሐዊ ጥያቄዎች እንደ ግፍ ካልተቆጠሩ በስተቀር የአማራ ልሒቃን የሚያራምዱት አካታች ፖለቲካ የአግላዩ የኦሮሞ ብሔርተኞች ሌላ ጽንፍ ሊሆን አይችልም።

ስለሆነም ከፍርደ ገምድሉ የኢትዮጵያ ተንታኞች እይታ በስተቀር ኢትዮጵያ ምድር ላይ የአማራና የኦሮሞ የሚባል ፖለቲካ የለም! ኢትዮጵያ ውስጥ ያለው ፖለቲካ ምድሩንም ሰማዩንም ኬኛ የሚሉ ጽንፈኛ የኦሮሞ ብሔርተኞች የሚያራምዱት ናዚያዊ ፖለቲካና አማራውና ሌላው ኢትዮጵያዊ የተካተተበት ሁሉንም የኢትዮጵያ የማኅበረሰብ ክፍል የመላው ኢትዮጵያ ባለበት ለማድረግ የሚካሄድ ትግል ብቻ ነው። የኦሮሞ ብሔርተኞችን የወንጀል ፖለቲካ ቅቡል ለማድረግ በምናብ የተፈጠረው አይነት ሌላ ጽንፍ ላይ የቆመው አግላይ የአማራ ፖለቲካ እንቅስቃሴ ኢትዮጵያ ውውጥ የለም። የአማራ ልሂቃን የሚታገሉ ኢትዮጵያ የሁሉም የፍትሕ አገር እንድትሆን እንጂ እንደ ኦሮሞ ብሔርተኞች አንዱ ብቻ ተለይቶ ባለቤት የሚሆንባት የግፍ ምድር እንድትሆን አይደለም።

«ኢትዮጵያ የጋራችን» የሚሉትን የአማራ ልሒቃንና ምድሩንም ሰማዩንም «ኬኛ» የሚሉት የኦሮሞ ብሔርተኞች ሁሉት ተቃራኒ ጫፎች አድርገው የሚያስቀምጡ ተንታኞች ግን እነሱ ኢትዮጵያውያን ማዕከል ያደረገ ብለው የሚያስቡት ፖለቲካ ምን አይነት ይሆን? ኢትዮጵያን የጋራ አገራችን ናት ብሎ ማሰብስ እንዴት ሆኖ ኢትዮጵያን ለማፍረስ ማተባቸውን ከበጠሱ የኦሮሞ ብሔርተኞች እኩል ጽንፈኛት ይሆናል? ለጋራ አብሮነት የሚተጉት የአማራ ልሒቃን ለልዩነት የማይወዳጁት የኢትዮጵያ ጠላት ከሌላቸው የኦሮሞ ብሔርተኞች እኩል እኩል ስጋቶች ሊሆኑ ይችላሉ? ኢትዮጵያዊ ሆኖ ለመኖር የቆረጠስ አካታቹ የአማራ ልሒቃን ፖለቲካ ከአግላዩ የኦሮሞ ፖለቲከኞች እኩል እንዴት ስጋት ሊሆንበት ይችላል?

እንደ እውነቱ ከሆነ ምድሩንም ሰማዩንም «የኦሮሞ ብቻ ነው» የሚለውን ናዚያዊ እሳቤ ማዕከል ያደረገውን የኦሮሞ ብሕርተኞች ፖለቲካ «ኢትዮጵያ የጋራ አገራችን ናት» የሚለውን የአማራ ሊሒቃን አካታች ፖለቲካ ሌላ ጽንፍ አድርጎ ለማቅረብ መሞከር ለእኩልነትና ለጋራ አብሮነት እየታገሉ ያሉትን ሁሉ በማሸማቀቅ ሰማዩንም ምድሩንም ኬኛ የሚሉ ወሮበሎችን ከማፈርጠሙና አቻ አግኝተናል ብለው ናዚያዊ ፖለቲካቸውን የበለጠ እንዲገፉበት ከማድረግ የዘለለ ፋይዳ የለውም!

2 COMMENTS

  1. ህዝባዊ ብሔረተኝነት !!!!!!!!!!!!

    **********//***********//*********//***********

    የኦሮሞ ብሔረተኝነት የኦሮሞ ህዝብ ስለፈለገው የመጣ አይደለም ፡፡ ሌሎችም ስለወደዱት የሚኖር ወይንም ሌሎች ስለጠሉትም የሚጠፋ ያለመሆኑን ልብ ማለት ያስፈልጋል፡፡

    የኦሮሞ ብሔረተኝነት የብዙ አመታት ጭቆና ፤ በደል ፤ መገፋት ፤ የመገለል ና የአድልዎ አስተዳደር ውጤት ነው፡፡ ስለዚህ አሮሞ ብሔረተኝነቱን ፈልጎት ና አቅዶት ያመጣው አለመሆኑን ልብ ይሏል፡፡

    ዛሬ የኦሮሞ ብሔተኝነት ሌሎች እንደሚገምቱት በጥቂት አክቲቪስቶች ና በኦሮሞ የፖለቲካ ጅርጅቶች አካባቢ ተወስኖ ያለ ያለመሆኑን በደንብ መረዳት ያስፈልጋል፡፡ በየትኛው የኦሮሚያ አካባቢ ማለትም በከተማ ከሚኖረው ኦሮሞ ጭልጥ እስካለው ገጠር የሚኖረው ኦሮሞ ፤ ተምሮ እስከፕሮፌሰርነት ከደረሰው ኦሮሞ ትምህርት እስካልቀመሠው ኦሮሞ ፤ ሀብት ካፈራው ኦሮሞ እስከ ምንም እስከሌለው የነጣ ደሀ ኦሮሞ ፤ ከትላልቅ የስራ ዘርፎች ከተሰማራ ኦሮሞ እስከ ጉልት ቸርቻሪውና በቀን ስራ እስከሚተዳደረው ኦሮሞ ፤ በተሻለ መኖሪያ ከሚኖር ኦሮሞ እስከ በረንዳ አዳሪው ኦሮሞ ወዘተ ድረስ በዚህም ይባል በዚህ ተወደደም ተጠላም በሁሉም የኦሮሞ ተወላጅ ደም ውስጥ ከጭቆና ከበደል የመነጨ ብሔረተኝነት አለ፡፡

    ይህ በእያንዳንዱ ኦሮሞ ደም ውስጥ የሚዘዋወር ጭቆና ና መበደል የወለደው ብሔረተኝነት በነጃዋር መሀመድ ፤ በነበቀለ ገርባ ና፡አነግ በመሳሰሉ የፖለቲካ በድኖች ላይ ብቻ አንጠልጥሎ መተው ፍፁም የተሳሳተ ና መሬት ላይ ያለውን እውነት ያለመረዳት ወደ እውነተኛ መፍትሔ እንዳንቀርብና እንደሐገር የመቀጠሉን ጉዳይ አሳሳቢ የሚያደርገው ጉዳይ ነው፡፡

    የኦሮሞ ህዝብ ባለው ህዝብ ብዛት ፤ በያዘው ሐብት ልክ መጠን በሐገሪቱ የፖለቲካ የኢኮኖሚ ውስጥ የሚገባውን ሚና መጫወት እንዲችል ካልተደረገ በስተቀር ያለፈውን የአድልዎ የማግለል የበይ ተመልካች አድርጎ መቀጠል ፈፅሞ የማይታሰብ ነው፡፡

    የቋንቋ ፈድራዚም ይፍረስ ፤ የጎሳ ፖለቲካ በህግ ይታገድ ፤የዜግነት ፖለቲካ ለዚህች ሀገር ችግር ብቸኛ መፍትሔ ነው እያሉ የሚያላዝኑ የጨቋኝ ነገሥታት ወገን የሆኑ ሳት ሲላቸውም ወራሽ ነን የሚሉ ሰዎች ጩኸት በዋናነት ያነጣጠረው በኦሮሞ ህዝብ ብሔረተኝነት ላይ ቢሆንም የኦሮሞ ህዝብ በደረሰበት ንቃተ ሂሊና ና አንድነት ማንም ሊጠመዝዘው በማይችል ቁመና ላይ እንዳለ ጠላትም ወዳጅም ሊረዳው ይገባል ፡፡ ስለኦሮሞ ብሔረተኝነት ሲታሰብ ና ሲነሳ ስለ 50 ሚሊዮን ኦሮሞ ብሔረተኛ መሆኑ ስሌት ውስጥ እየገባ ቢሆን ለሁሉም ጠቃሚ ይሆናል፡፡

    ********//************//**********//***********

  2. ሁለቱ ኮሜንቶችና መግቢያው ፅሁፍ ፍፁም ከአቻሜለህ ፅሁፍ ጋር አይገናኙም
    ደንበኛ የደንቆሮዎች ጨዋታ ይመስላል ውይይትሳይሆን ዛቻ መለዋወጥ ነው
    ሁለቱ ተችዎች ዛቻ ለመሰንዘር ስለተስገበገቡ የኦሮሞ ጥያቄ የሚሉትን እንኳ በቅጡ ማስረዳት አልቻሉም ዛሬም በሰባዎቹ አመታት ቀመው የቀሩ ናቸው እንዲህ ያሉ ሰዎች እዚያው የለመድት መጠጥ ቤት ቢጮሁ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.