የኢሳትን ውዝግብ ለመፍታት ቁልፉ ያለው እነ ዶ/ር ብርሃኑ ጋር ነው (ግርማ ካሳ)

ኢሳት ችግር አጋጥሞታል። ንአመን ዘለቀና አበበ ገላው በአደባባይ እየእትወዛገቡ ነው።ንአመንማ አበበ ገላው በጻፈው መበሳጨቱን ሁሉ ገልጿል። የኢሳት የዲሲ ዳይሬክተር ታማኝ በየነ ኢትዮጵያ ነው። “እኔ ወደ አሜሪካ እስክመለስ ትንሽ ረጋ በሉ” ብሎ ነበር።

ይህ በዚህ እንዳለ በቦርድ ተብዬው የተባረሩትና በፍቃዳቸውን የለቀቁት የኢሳት ጋዜጠኞች፣ ሕዝብን ማገልገላቸውን ማቆም ስለሌለባቸው ሜዲያ 360 የሚል አዲስ ሜዲያ ከፍተዋል።

የኢሳት ሱብስክሪፕሺን በጣም ወርዷል። እለታዊ የተባለው ተወዳጅ ፕሮግራም አሁን ብዙ የሚያዳጠው የለም። በአንጻሩ  አዲሱን ሜዲያ ብዙዎች በጉጉት እየተጠባበቁት  ነው። በጥቂት ቀናት ውስጥ ብቻ ለአዲሱ ሜዲያ ብዙ ገንዘብ ተሰብስቧል።

በኔ እይታ ችግሩ ያለው ቦርዱ ጋር ስለሆነ፣ ቦርዱ እንደገና በአዲስ መልክ ነጻና ገለልተኛ ሆኖ ቢዋቀር ፣ ሜዲያ 360ም እንደገና የኢሳት አካል ሆኖ ቢደረግ ጥሩ ነው። እንደ ፕሮፌሽናል ሜዲያ ኢሳት ሁሉንም አመለካከቶች በነጻነት የሚያስተናግድ ሜዲያ መሆኑ በጣም የተሻለ አማራጭ ነው የሚሆነው። ሲሳይ አጌና አሁን የሚያራምደውን በነጻነት ያራምድ። እነ ርዮት አለሙም ያራምዱ። ሲሳይ አጌና በሚያዘጋጀው ፕሮግራም የፈለገውን ይጋብዝ። ቢፈልግ ዶ/ር ደብረጽዮንን ወይንም ዳዎድ ኢብሳን። እነ ርዮትም በሚያዘጋጁት ፕሮግራም የፈለጉት ይጋብዙ።  ዋናው ነገር ኢሳት ለማንም በሩ አይዘጋ። ሁሉንም አመለካከቶች ሚዛናዊ በሆነ መንገድ ያስተናግድ። ከዚህ በፊት በግንቦት ሰባት ተጽኖ ስር እንደነበረው ከዚህ በኋላ በማንም ፓርቲ ወይንም በመንግስት ተጽኖ ስር አይሁን።

ኢሳት ከአንድ ድርጅት ተጽኖ ወጥቶ ነጻና ገለልተኛ እንዲሆን አሁን ሳይሆን ለአመታት ስጠይቅ ነበር። ችግሩ አሁን ፈነዳ እንጂ፣ ችግሩ የጀመረው ከመጀመሪያ ነው። እነ ዶ/ር ብርሃኑ መጀመሪያ የነበረውን ቦርድ አፍርሰው ቦርዱን የግንቦት ሰባት አመራሮች(ጓደኞቹ) እንዲቆጣጠሩት ካደረጉ በኋላ። ረዘም ላለ ጊዜ “ኢሳት ገለልተኛ መሆን አለበት” በሚል ጠንካራ አቋሜም ብዙ ትችትን አስተናግጃለሁ። ሊሰሙንም ፍቃደኛ አልነበሩም።

አሁንም ኳሷ ያለችው እነዚህ ቦርድ የተባሉትና ዶ/ር ብርሃኑ ጋር ነው። ሁሉንም እኛ ካልተቆጣጠርን ከሚል ጎጂ አመለካከት ወጥተው ኢሳት ነጻና ገለልተኛ በአዲስ ቦርድ እንዲመራ ለማድረግ ቢዘጋጁ ጥሩ ነው። እንግዲህ ትልቁ ጥያቄው ግን ይፈልጋሉ ወይ ? የሚለው ነው።

—–

የኢሳት የቦርድ አባላት፡

አዲሱ መንገሻ (ገድሉ) – የግንቦት ሰባት አመራር
ንአምን ዘለቀ – የግንቦት ሰባት አመራር
ዶ/ር አዚዝ መሐመድ – የግንቦት ሰባት አመራር
ዶ/ር ሙሉዓለም – (የዶር ታደሰ ብሩ ባለቤት ሳትሆን አትቀርም፤ ዶር ታደሰ የግንቦት ሰባት አመራር ነው። ዶ/ር ሙሉ አለምም ትሁን አትሁን አላውቅም)
አቶ ዘላለም – ብዙ መረጃ የለኝም።

በኢትዮጵያ ብሮድካት የተመዘገቡ የኢሳት ብቸኛ አክሲዮን ባለቤቶች የግንቦት ሰባት አመራር የሆኑት ፡

አዲሱ መንገሻ (ገድሉ) – የግንቦት ሰባት አመራር
ኤፍሬም ማዴቦና – የግንቦት ሰባት አመራር
የኢሳት ዋና ስራ አስኪያጅ የሆነችው ወይዘሮ ሳባ አታሮ – ብዙ መረጃ የለኝም
ሁለት ሰዎችን ገና ለማውቅ አልቻልኩም።

ከነዚህ ሰዎች ጀርባ ደግሞ ዶ/ር ብርሃኑ ነጋ እንዳለ በግልጽ የሚታውቅ ነው። ኢሳት ሲቋቋም መጀመሪያ የነበሩ የቢርድ አባላት ተወግደው የግንቦት ሰባት አመራሮች ብቻ የቦርድ አባላት እንዲሆኑ ያደረገውን ዶ/ር ብርሃኑ ነጋ ነውና።
—–

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.