የመከላከያ ሚኒስትሩ በጀኔራል ሰዓረ መኮንን እና በዶክተር አምባቸው መኮንን ላይ በተፈጸመው ጥቃት የተሰማቸውን ሃዘን ገለጹ

አዲስ አበባ ፣ ሰኔ 16 ፣ 2011 (ኤፍ ቢ ሲ) የኢፌዴሪ መከላከያ ሚኒስትር አቶ ለማ መገርሳ በጠቅላይ ኢታማዦር ሹም ጀኔራል ሰዓረ መኮንን እና በአማራ ክልል ርዕሰ መስተዳድር ዶክተር አምባቸው መኮንን ላይ በተፈጸመው ጥቃት የተሰማቸውን ሃዘን ገለጹ።

ሚኒስትሩ የተፈጸመው ጥቃት ከኢትዮጵያዊነት ያፈነገጠና አሳዛኝ መሆኑን ገልጸዋል።

በድርጊቱ የተሰማቸውን ጥልቅ ሃዘን በመግለጽም ለወዳጅ ዘመዶችና ቤተሰብ መጽናናትን ተመኝተዋል።

ሚኒስትሩ ሃገሪቱ ለውጥ ላይ መሆኗን ጠቅሰው፥ የለውጡ ሂደት በፖለቲካው ምቹ መደላድል ይፈጥራል ብለን እናምናለንም ነው ያሉት።

በዚህ ጊዜም ለውጡን ተባብሮ ወደተሻለ ምዕራፍ ማድረስ ይገባ እንደነበርም አንስተዋል።

የሃገር መከላከያ ሰራዊትም ድርጊቱ ከተፈጸመበት እለት ጀምሮ ሰላምን ለማስፈን እየሰራ መሆኑን ተናግረዋል።

መላው ኢትዮጵያውያንም ከመንግስት ጎን በመቆም ለሰላምና መረጋጋት እንዲሰሩም ጥሪ አቅርበዋል።

በተያያዘም የኦሮሚያ ክልል ምክትል ርዕሰ መስተዳድር አቶ ሽመልስ አብዲሳ በተፈጸመው ጥቃት የተሰማቸውን ጥልቅ ሃዘን ገልጸዋል።

ምክትል ርዕሰ መስተዳድሩ ጥቃቱ ተገቢነት የሌለውና የተጀመረውን ለውጥ ለማደናቀፍ ያለመ መሆኑንም አውስተዋል።

የኦሮሚያ ብሄራዊ ክልላዊ መንግስትም በአማራ ክልል ሰላምን ለማስፈን ለሚደረግ ጥረት ድጋፍ ያደርጋል ነው ያሉት፤ ለሟች ቤተሰቦችም መፅናናትን ተመኝተዋል።

በሌላ በኩል የትግራይ ብሄራዊ ክልላዊ መንግስት ምክትል ርዕሰ መስተዳድር ዶክተር ደብረጽዮን ገብረሚካኤል ጥቃቱን በማውገዝ የተሰማቸውን ሃዘን ገልጸዋል።

ምክትል ርዕሰ መስተዳድሩ ድርጊቱ ፌደራላዊ ስርዓትን እና ህገ መንግስቱን ለማፍረስ የሚደረግ እንቅስቃሴ መሆኑንም ጠቅሰዋል።

የክልሉ መንግስትም ሰላምን ለማስከበርና ወንጀለኞችን በቁጥጥር ለማዋል በሚደረገው እንቅስቃሴ የበኩሉን ይወጣል ብለዋል።

የሶማሌ ክልል ምክትል ርዕሰ መስተዳድር አቶ ሙስጠፌ መሃመድ በበኩላቸው በጥቃቱ የተሰማቸውን ጥልቅ ሃዘን ገልጸዋል።

አቶ ሙስጠፌ ጥቃቱ የሚያሳዝን ቢሆንም ለውጡን እንዳሰቡት የሚቀለብስ አይደለም ነው ያሉት።

ለወዳጅ ዘመዶችና ቤተሰቦቻቸውም መጽናናትን ተመኝተዋል።

EBC

1 COMMENT

  1. The article is BS government propaganda. And Satenaw is publishing it without comments. That way Satenaw is positioning itself against the Ethiopian people and with the tribalists and foreign agents of the so-called EPRDF.

    However the Ethiopian people reject the tribalist and foreign agents of the so-called EPRDF regime, as written below.

    ” በየከተማው ሰልፉን በሚያካሂደውና ለውጡ ፈላጊው ሕዝብና ለውጡን በሚመሩት የመንግሥቱ ክፍል መካከል ክፍተት ተፈጥሯል። ለምሳሌ፤ የትግሬዎቹ ነፃ አውጪ ግንባር በሰንደቅ ዓላማችን ላይ ያስቀመጠውን ምልክት ጥለው፤ አረንጓዴ፣ ብጫና፣ ቀይ ቀለማት ብቻ ያሉትን የኢትዮጵያ ሰንደቅ ዓላማ፤ ከሰሜን እስከ ደቡብ፣ ከምሥራቅ እስከ ምዕራብ ድረስ፤ ሕዝቡ እያውለበለበ፤ “ተደምሬያለሁ!” እያለ የጠቅላይ ሚኒስትር አብይን ስም እያሞገሰ ወጥቷል። ነገር ግን፤ የትግሬዎቹ ነፃ አውጪ ግንባርን ሰንደቅ ዓላማ ለማስከበር፤ መንግሥታዊ መዋቅሩ፤ እኒህን አውለብላቢዎች እያሰረ ነው። ሕዝቡ ቀድሞ፤ “አንለያይም!” “አንድ ነን!” “በዘር አጥር መከፋፈሉ ያብቃ!” “ኢትዮጵያዊ ነን!” እያለ ነው። አሁንም በየክልሉ ያሉትን መሪዎች ይሄ የሚጋፋቸው ሆኗል። ”

    Source: ethioforum dot org

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.