የኦሮሚያ ክልል በወልዲያ ዩኒቨርሲቱ በተማሪዎች ላይ የተፈጸመውን ድርጊት እንደሚያወግዝ ገለጸ

የኦሮሚያ ክልል በወልዲያ ዩኒቨርሲቱ በተማሪዎች ላይ የተፈጸመውን ድርጊት እንደሚያወግዝ ገለጸ 1የኦሮሚያ ብሔራዊ ክልላዊ መንግስት በወልዲያ ዩኒቨርሲቱ በተማሪዎች ላይ የተፈጸመውን ድርጊት እንደሚያወግዝና በዚህ ድርጊት የተሳተፉ አካላትን ከፌዴራል መንግስትና ከአማራ ክልል መንግስት ጋር በጋራ በመሆን ለሕግ እንደሚያቀርባቸው ዛሬ በሰጠው መግለጫ አስታውቋል፡፡

እስከ አሁን ባለው መረጃ በዩኒቨርቲው በተማሪዎች ላይ በተፈጸመው ድርጊት የሁለት ተማሪዎች ሕይወት መጥፋቱን የገለጹት ም/ፕሬዝዳንቱ በርካታ ተማሪዎች ላይም ጉዳት ደርሷል ብለዋል፡፡

የጥፋት ኃይሎች ዓላማ ሰላም እንዳይኖር በማድረግ፣ ህዝቡን ስሜት ውስጥ በማስገባት የህዝቦች አብሮነትን ለማፍረስ፣ እንዲሁም በህዝቦች መካከል መተማመን እንዳይኖር ማድረግ መሆኑን ህዝቡ ተረድቶ ህዝቡ ከስሜታዊነት ወጥቶ በሰከነ ሁኔታ ነገሮችን ማየት አለበት ብለዋል፡፡

ህዝባችን እንድ ከዚህ ቀደሙ ሁሉ ከብሔር ብሔረሰቦች ጋር በሰላም በመኖር ታላቅነቱን ማስመስከር አለበት” ብለዋል አቶ ሽመልስ፡፡

ም/ፕሬዝዳንቱ በመግለጫቸው የኦሮሚያ ክልል ህዝብ ከሌሎች ክልሎች የመጡና በኦሮሚያ ክልል ውስጥ በሚገኙት ዩኒቨርሲቲዎች ውስጥ የሚማሩ ተማሪዎች ደህንነት እንዲጠበቅ መስራት እንዳለበትና ተማሪዎቹን እንደ ልጆቹ እንክብካቤ አድርጎላቸው የጥፋት ኃይሎችን ፍላጎት ማክሸፍ እንዳለበት ጥሪ አቅርበዋል፡፡

እንደኢቢሲ አቶ ሽመልስ በኦሮሚያ ብሔራዊ ክልላዊ መንግስት ስም የተማሪዎች ሞትን አስመልክቶ የተሰመውን ጥልቅ ሀዘን ገልጸው፣ ለቤተሰቦቻቸው መጽናናትን ተመኝተዋል፡፡

(ኢፕድ)

 

Spread the love
  •  
  •  
  •  
  •  
  •  
  •  
  •  
  •  
  •  
  •  

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.