“ባለፉት ሃያ ሰባት ዓመታት ፌዴራሊዝም በተግባር አልነበረም” – አቶ ታዬ ደንደአ የኦዴፓ ማዕከላዊ ኮሚቴ አባል

አዲስ አበባ፡- ባለፉት ሃያ ሰባት ዓመታት በኢትዮጵያ የፌዴራሊዝም ሥርዓት በተግባር አልነበረም ሲሉ የኦዴፓ ማዕከላዊ ኮሚቴ አባል አቶ ታዬ ደንደአ በኢትዮጵያ ፕሬስ ድርጅት ከምትታተመው ዘመን መጽሄት ጋር ባደረጉት ቃለምልልስ ገለጹ።

አቶ ታዬ “ባለፉት 27 ዓመታት በአማራና ኦሮሚያ ክልልም ሆነ በአጋር ድርጅቶች ዘንድ የድርጅት ሊቀመንበር ማን ይሁን የሚለውን የሚወስነው ማን እንደነበር ይታወቃል። ይሁንና ‹በፊት ፌዴራሊዝም ነበር አሁን ሊፈርስ ነው፤ የብሔረሰቦች መብት ይከበር ነበር አሁን ወደ ኋላ ሊመለስ ነው› የሚል ቅስቀሳና ድራማ እየተሠራ ነውም” ብለዋል።

“በተጨባጭ ፌዴራሊዝም አልነበረም ሕገ መንግሥቱም በተግባር ሲከበር አልታየም። የብሄር ብሔረሰቦች መብትም ምናባዊ እንጂ ተጨባጭ አልነበረም። በሕገ መንግሥቱ እጅግ ወሳኝ ሰብአዊ መብቶች ተቀምጠውበታል ነገር ግን ሰዎች ሲኮላሹና
ያለጥፋታቸው በሐሳብ ምክንያት ብቻ ይታሰሩ ነበር። እኔ ለዚያ ምስክር ነኝ” ሲሉም አክለዋል።

አፈና ላይ ነበረን። አሁን የለውጡ መንግሥት የታፈነውን ሲከፍተው ፈነዳ፤ ፈንድቶ ግን አላመለጠም። መንግሥት እያስታመመና እያስታገሰ እዚህ ድረስ መጥቷል። ይሄንን ግልጽ ማድረግ ያስፈልጋል ሲሉም ተናግረዋል። የአቶ ታዬ ደንደአን ሙሉ ቃለ ምልልስ በዘመን መጽሄት የጥቅምት 2012 ዓ/ም ዕትም ላይ ያገኙታል።

አዲስ ዘመን ህዳር 5/2012

1 COMMENT

  1. Comment: amara kagarochu gar hzbawi embitegnanet amet madreg alebet.
    Alamawm hzbaw astedader shigo memesret new. Ager eyeferesech, motna sdet wayta negso zmta ayawatam.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.