ሃገራችን ከየት ወዴት? – በመክሊት ፀጋዬ ካሳሁን (አዲስ አበባ)

መክሊት ፀጋዬ ካሳሁን
ኢሜይል፡ meklittsegaye30@gmail.com

ሃገራችን ኢትዮጵያ ረዥም ታሪክ ያላት ሃገር ከመሆኗም በላይ አብዛኛው ህዝቧ ስለ ህዝቡ ጨዋነትና አስተዋይነት፣ ታጋሽነትና እንግዳ ተቀባይነት ሰው ወዳድነት፣ ስለ መቻቻልና አብሮ መኖር፣ ስለ ጀግንነትና ፍትሃዊነት በስፋት ሲያወራ እሰማለሁ። ይህ ሁሉ መልካም ነገር ታዲያ ማን ወዴት ወሰደው ብዬ ስጠይቅ ግን መልስ አላገኝለትም።

በዕውነት ይህ ህዝብ እንደተባለው ለሶስት ሺ ዘመናት የቆየ ታሪክና መቻቻል ከነበረው አሁን እንዴት በአጭር ጊዜ ውስጥ ጠፍቶ እንዲህ ህዝብ በህዝብ ላይ ከፍተኛ መጠራጠርና ስጋት ሊፈጠር ቻለ? ይህ የዛሬ ሁለት ዓመት አከባቢ የተፈጠረው ለውጥ የሚባለውስ ለምን? ገና ምኑም ሳይታይ ሃገራችንን እንዲህ ወዳለ ስርዓት አልበኝነት ዝም ለማለት መረጠ።።በቅርቡ ጠቅላይ ሚኒስትሩ ስለተደራጁ ወንጀሎችና በህዝቡ ላይ እያደረሱት ስላሉ ሰቆቃ ሲጠየቁ ትዕግስት እንደሚያስፈልግ እንጂ ማሰርና መግደል እንችልበታለን ሲሉ በመስማቴ ከፍተኛ የሆነ ፍርሃት ለቆብኛል። እኝህ ጠቅላይ ሚኒስትር ስለ ሰላማዊ ተቃውሞና ስለወንጀል ያላቸው የአመለካከት ልዩነት ሊገባኝ አልቻለም። የወንጀል ድርጊት በማንኛውም መልኩ ከዲሞክራሲ ሂደት ጋር እንዲቆራኝ ተደርጎ ወንጀለኛን መታገስ የሚባል ፍልስፍና ከሰፈነ እንደ ጠቅላይ ሚኒስትሩ በሪፐብሊካን ጋርድ ኮማንዶዎች የማይታጀቡ ዜጎች በተገኙበት ቢገደሉና ቢዘረፉ ማንም ሊከላከልላቸው የሚችል መንግስታዊ ሃይል የለም ማለት ነው። ይህ በጣም ያሰጋልም ያስጨንቃልም። ሴትን ልጅ አስቁሞ የዘረፈ፣ የደበደበና የደፈረን ሰው በትዕግስት ማየት ከየትኛውም አቅጣጫ ቢታይም ችግር ያለበት አመለካከት ነው። ይህ አስተሳሰብ ደግሞ በቡራዩና በቅርቡም በተለያዩ የኦሮሚያ ከተሞች ታይቷል። እነዚህ በሺዎች የሚቆጠሩ ዜጎች ከቤታቸው ሲፈናቀሉና ሲገደሉ ያየ ህዝብ አነባ አዘነ ቁጣውም ገለጸ፣ ያ የህዝቡ ከተፈጥሮአዊ ዕውነት የሚመነጭ ቁጣና ወኔ መንግስት ላይ ባለመኖሩ ታዲያ ማንም ሳይታሰርና የእጁን ሳያገኝ ይኸው ሌላ ዘመን ሊቀየር ነው። ማነው ወንጀለኛን ለፍርድ ማቅረብ የዲሞክራሲ ጠላት ያደረገው? ዲሞክራሲ ማለት ሁለት ጫፍ ያለው መሳሪያ አይደለም እንዴ? ዲሞክራሲ እኮ እሳትና ውሃ አንድ ላይ በማቅረብ እጅህን ወደ ፈለግክበት መክተት መብትህ እንደሆነ የሚገልጽ ስርዓት እንጂ ማንም ሰው የሊኣልን ሰው መሰረታዊ መብቶችን እየጣሰና የዜጎች በነጻነት የመኖር መብት እያሳጣ ለዲሞክትራሲ ሲባል በትዕግስት ይታለፍ ማለት አይደለም። ይህ አስተሳሰብ በራሱ ወንጀልንና ወንጀለኞችን ያበረታታል እንጂ ወደ መካልምና ሰላማዊ መንደግ አይመራንም።

የዚህ ፅሁፍ አቅራቢ የኖርኩትም ያለሁትም በኢትዮጵያ ውስጥ ነው። ምንም ቢሆን ግን ከንባብም ሆነ ዘጋቢ ፊልሞችና ዜናዎችን በማዳመጥ የዲሞክራቲክ ሃገራት በወንጀለኞች ላይ ያላቸው አመለካከት በደንብ ይገባኛል። አሜሪካ እና ሌሎች ምዕራባውያን ወንጀልን ከመፀየፋቸው የተነሳ አንድን ወንጀለኛ በቁጥጥር ስር ለማዋል ሲባል የተከፈለ መስዋዕትነት ሁሉ ከፍለው የዜጎቻቸውን ደህንነት ይጠብቃሉ። ይህ ተገቢና መሰረታዊ የአንድ ሃገር ምሰሶ ነው። ህግና ፍትህ በሌለበት ሃገር ማንም ሰው መንግስት ላይ ተስፋ ሊያደርግና የመንግስትን ጥበቃ ተማምኖ ስራውን በተገቢ መንገድ ሊያከናውን አይችልም። መንግስት ይጠብቀኛል ብሎ በሰከነ አዕምሮው አምራች ያልሆነ ዜጋ ደግሞ የሃገሪቱን ኢኮኖሚ ሊገነባም ሆነ ወደተሻለ ምዕራፍ ሊሻገር አይችልም። አሁን በሃገራችን ላይ ያለው ስርዓት አልበኝነት በጣም አሳዛኝ ከመሆኑ የተነሳ አንድ ሰው በሰላም ወጥቶ ለመመለሱ የሚጠራጠርበት ሁኔታ ተስፋፍቷል።

ለኢትዮጵያ ችግር መባባስ እንደ ጸሃፊዋ ግንዛቤ የፖለቲከኞች ሸርና እርስ በርስ መጠላለፍ፣ የመንግስት ባለስልጣናት ስልጣናቸውን ከህዝብ ደህንነት በላይ አድርገው የማየት እንዲሁም በብልጠትና በማታለል ሃገርን ለመምራት መሞከር በዚሁ ወቅትም የራስንና የወዳጆችህን ኪስ መሙላት መሆን አለበት። ምክንያቱም መንግስት የህዝብ ጥያቄ በቀትታ ከመመለስ ይልቅ ነገ ሲፈተሹ ሃሰት ሆነው የሚገኙ መልሶችን ሲሰጥ በተደጋጋሚ ስንሰማ በጣም አስፈሪ ሁኔታ ላይ እንደሆንን እንገነዘባለን።ለምሳሌ በሰኔ 15/2011 ዓ/ም የሃገራችን ከፍተኛ መኮንን የሆኑት የጦር ሃይሎች ኤታማዦር ሹም ከሌላ ከፍተኛ በጡረታ የነበሩ ጀነራል ጋር በመኖሪያ ቤታቸው ውስጥ ተገደሉ ተባለ። ያኔ በዕለቱ የፖሊስ ባለስልጣናት ቀርበው ጄነራሉና ጓደኛቸው የተገደሉ አስር አለቃ መሳፍንት በተባለ የግል ጠባቂያቸው ነው ተብሎ ከመነገሩም በላይ ገዳይ የተባለው አስራለቃም በዕለቱ በጸጥታ ሃይሎች እንደተገደለ ተሰማ። ትንሽ ቆየት ብሎ ደግሞ ገዳዩ ቆስሎ በህክምና ላይ እንደሚገኝ ተነገረ። ከዚሁ ከመንግስት ዜና ጎን ለጎንም እንደዚሁ አንዴ ገዳዩ እሱ አይደለም አንዴ ደግሞ አምልጧል ሲባል እንዴት ነው ህዝቡ ግራ የማይጋባው? እንዴት ነው አንድ የፖሊስ ባለስልጣን ቆስሎ ሆስፒታል የተኛና ሞቶ አስከሬኑ የገረረን ሰው መለየት የሚያቅታቸው? እንዴትስ በትክክል ካላጣሩና ካላዩ ለህዝብ የሚቀርብ ዜና ላይ በግልጽ እጅግ የተለያዩ ዜናዎች ወደ ሚዲያ የሚወጡት?

ይህ በመንግስት ሰዎች የተሰጠው የተለያየ መልስ በቅርቡ ባልታወቁ ታጣቂዎች ተጠለፉ የተባሉት የደንቢደሎ አማራ ተማሪ ልጃገረዶችን አስመልክቶም እጅግ የሚያሳፍርና የሚያጠራጥር መግለጫ በመንግስት በኩል ተሰጥቷል። ለምሳሌ አንድ ወቅት ላይ የመንግስት ቃል አቀባይ ልጆቹ ተለቀው ትምህርታቸውን በዩኒቨርሲቲው ውስጥ እየተከታተሉ ናቸው ሲል ተለቀቁ የተባሉት ሰዎች ስልክም ስላልደወሉና መኖራቸውን የሚያሳይ ፍንጭም ባለመኖሩ በየአከባቢውከፍተኛ ህዝባዊ ቁጣ ተነስቶ መንግስት ሲደናበር “ልጆቹን ለመፍታት ጥረት እያደረግን ስለሆነ ታገሱ” ሌላ ተጨማሪ ሃሰት ከከፍተኛ የመንግስት ባለስልጣናት ቀረበ። ህዝቡ እንደሚለው ግን በርግጥ መንግስት ስለነዚህ ምስኪን ልጃገረዶች ምንም የሚያውቀው ነገር የለም። መንግስት ማን እንደያዛቸው የሚያውቅ ከሆነ ለምን እንዲለቀቁ አላደረገም። የጄነራሎቹ ግድያም ተመሳሳይ ጥርጣሬን አሳድሯል። በመጀመሪያ እንደተገደሉ ገዳያቸው ሞቷል ተባለ በኋላ ቆስሏል ሆነ። ስለሁለቱም ምንም የተሰጠ ግልፅ ያለ ማስረጃ የለም። ይህ ተደጋጋሚ በማስረጃ የተደገፈ የመንግስት ውሸት ህዝቡ ወደ ከፉ ጥርጣሬና ፍርሃት ሲያመራው አንዳንድ ዜጎችም በሚፈፀሙት ወንጀሎች ውስጥ መንግስታት ቀድሞ የሚያውቀው ወይም እያወቀ ሆን ብሎ እንዲጣመም የሚያደርገው መረጃ እንዳለ ይገምታሉ። አንድ መንግስት ስለዜጎቹ እንዲህ ያለ ድራማ ለመስራት የሚያነሳሳ ለጤነኛ አዕምሮ ተስማሚ የሆነ ሌላ መላምት ካለ ይምጣና እንየው እንጂ መንግስት ብቃት ከሌለው ለምን ጉድለቱን በሃሰትና በማታለል ሊሸፍን ይፈልጋል። ሃሰትና<span style=”f

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.