“ብናምንበትም፤ ባናምንበትም ሕገመንግሥቱን ያወጣው ህወሓት ነው አሁን ግን መልሶ የወለደውን ልጅ ራሱ እየገደለ ነው” አቶ አንዷለም አራጌ የኢዜማ ምክትል መሪ

«ብናምንበትም፤ ባናምንበትም ሕገመንግሥቱን ያወጣው ህወሓት ነው፤ ሲመራበት ነበር፤ እሱን አላከበራችሁም እየተባልን ብዙ በደል ደርሶብናል፤ አሁን ግን መልሶ የወለደውን ልጅ ራሱ እየገደለ ነው» አቶ አንዷለም አራጌ የኢዜማ ምክትል መሪ
• ሕወሓት ዕድሉ በነበረው ጊዜ ዴሞክራሲ በአገሪቱ ማስፈን ሳይችል አሁን ላይ ለዚያውም ሕገመንግሥት ጥሶ በሚያካሂደው ምርጫ ዴሞክራሲ ለማስፈን ነው ቢል ተቀባይነት አይኖረውም።
• የሚያሳዝነው ነገር ጦርነት ቢቀሰቀስ አንዱም የህወሓት ባለሥልጣን ሄዶ አለመሞቱ ነው። በተመሳሳይ የብልፅግና አመራር ሄዶ አይሞትም።
• የሚሞተው የኢትዮጵያ ሕዝብ ነው። የሚጋደሉት የኢትዮጵያ የደሃ ልጆች ናቸው። ይህንን ግፊት እያደረገ ያለው ደግሞ በዋናነት ህወሓት ነው።
• ሕወሓት እንደሌሎቻችን ታግሶ መጠበቅ ሲኖርበት በተለየ መንገድ ዴሞክራሲያዊ ፓርቲ ለመምሰል ሲባል ሕዝብን ለማጫረስ ጥረት እያደረገ ነው።
• ሕወሓት ከብልፅግና ሰዎች ጋር በተጋባው እልህ ምክንያት እንዲህ ዓይነት የተዛባ ነገር መስራት ትክክል አይደለም።
• የትግራይ ሕዝብም እንደሌላው የኢትዮጵያ ሕዝብ ጦርነት ጠግቧል፤ ችግር ጠግቧል፤ መከራ አይቷል፤ ብዙ ልጆችን ቀብሯል። አሁን ደግሞ እንደገና ሌላ ዓይነት ደም መቃባት ውስጥ መግባት የለበትም።
• በፌዴራል መንግሥት በኩል ወደ ጦርነት አለመገባቱን በጣም ነው የምደግፈው። በእኛ አጉል ፉክክር ልጆቻችን መሞት የለባቸው።
• ይህን ጉዳይ መዝጋት የሚቻለው በሰላም መንገድ ነው። እርግጥ የሰላም መንገድ ብዙ ጊዜ ከባድ ነው። ግን ውጤቱ ደግሞ በጣም ጣፋጭ ነው።
• ችግሮች እንዳይፈቱ የማያደርገው የገዢዎችና ተወያዮች የአስተሳሰብ ችግር ካንሰር ሆኖ ሲቆይ ነው። ይህ ዓይነቱ ካንሰር ያለባቸው ሰዎች የሞት ሽረት ካልሆነ ብለው አሻፈረኝ ይላሉ።
• እንዲህ ዓይነቱን ሰዎች ወደጎን ማድረግና ቀናነት ያላቸው ሰዎች ወደመድረኩ የሚመጡ ከሆነ ችግሩ አይፈታም ብዬ አላስብም።
• የትግራይ ክልል ምርጫ ማካሄድ ጠቅላይ ሚኒስትሩ እንዳሉት ለጊዜው ብዙ ችግር ላይኖር ይችላል። ግን ደግሞ አገር አቀፉ ምርጫ ሲካሄድ ትግራይም ውስጥ መካሄድ አለበት።
• አሁን ላይ በትግራይ ለዓመታት ተቃዋሚ ሆኖ የቆየው አረናን ጨምሮ ሌሎችም አይሳተፉም። ምንአልባት ህወሓት አንድ ሁለት ፓርቲዎችን ይዞ ብቻውን ሊወዳደር ይችላል። በእርግጠኝነት ደግሞ በከፍተኛ ልዩነት አሸነፍኩኝ ሊል ይችላል።
• ከዚያ በኋላ አገር አቀፉ ምርጫ ትግራይ ላይ ሲካሄድ ምንድን ነው የሚሆነው? በእኔ እምነት ያን ጊዜ ትልቅ ፍጭት ይፈጠራል። ምክንያቱም አንዴ ተመርጬያለሁ መንግሥት ነኝ ማለቱ አይቀሬ በመሆኑ ነው።
• ስለዚህ የሚቆይ ግን የሚጠብቀን ሌላ ችግር እንዳለብን ነው የማስበው። መዘዙ ሰንሰለት ሆኖ ከሚመጣ ግን አንዱ ለሌላው የወንድ በር ሰጥቶ በመግባባት ችግሩን ማስቆም ይገባል።
• መንግሥት ከህወሓት ጋር ጦርነት እንዲገጥም አንፈልግም። ምክንያቱም የህወሓት ሰዎች ስላልሆነ የሚዋጉት ሕዝብ ከወንድሙ ጋር እንዲጋደል አንፈልግም።
• ለዴሞክራሲ መሠረቱ የሕግ የበላይነት ነው። የሕግ የበላይነት ደግሞ በአንድ ምሽት የሚረጋገጥ አይደለም።
• መንግሥት ምርጫውን ማራዘሙ የሚወቀስበት ነገር ነው ብለን አንወስድም።በዓለምአቀፍ ደረጃ በኮሮና ምክንያት በርካታ ምርጫዎች ተራዝመዋል።
• በፍርድቤት የተዘያዙ ጉዳዮች ላይ ብዙ መናገር አልፈልግም። ነገር ግን ፍርድ ቤት የፍትህ ቤተመቅደስ መሆን አለበት ብዬ አምናለሁ።
• እኛ በታሰርንበት ጊዜ ፍርድ ቤት የፍትህ የምትሰቀልበት አደባባይ ሆና ነበር የቆየችው። በውሸት እየተመሰከረብን ዳኞች ከቤተመንግሥት በቀጥታ ትዕዛዝ እየተቀበሉ የሚፈርዱበት ሁኔታ ነበር የነበረው። ያ እንዲለወጥ እንፈልጋለን።
• በግሌ የሚያጓጓኝ ምክር ቤት መግባት ሳይሆን ትክክለኛ ዴሞክራሲ እንዲሰፍን ነው። እኔ እዛ የሚከፈለኝ ደመወዝ ሌላ ቦታ ተቀጥሬ ላገኘው እችላለሁ። እሱ አይደለም ግባችን ። እጅ ለእጅ ተያይዘን የምንሰራበት ዘመን ነው የምንመኘው።
ምንጭ አዲስ ዘመን ነሐሴ 30 ቀን 2012 ዓ.ም

1 COMMENT

  1. All what you say is self evidently clear not today but for more than a quarter of a century . I wonder what we expect from both TLPLF and its brain children of so called Prosperity ? What they have done and what they continued to do is getting their evil guided objectives and interests fulfilled . They have been clear and are clear and straightforward enough about this for so long and persistently .
    Are we surprised if they do any unimaginable action even to the extent of killing unborn babies if they think and believe that they (the unborn) could be the threats to their absolute power grab ?

    It is the right thing to tell about the political crime committed and continued being committed by evil- minded ruling elites . But it is very clumsy if not stupid way of doing politics to keep talking just about the cruelty of those cruel politicians instead of focusing much and much more on what is to be done to get rid of the horror of politics that persisted for a very long period of time . What I am saying is that do not simply tell this generation about the brutal political elites which is so clear but show this generation what to do and how to do it in order to make a true democratic system a reality ! We have enough of the politics of preaching and complaining as we have come across for years and years and years !

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.